حـكـاية مـراهـقةة 💙
انزلو ديرو لايگ بسرررعه 🙎
وسامحوني عـ التأخيـرّ
_______________
الـحـلـقّة الـحاَديـة عـشـر 🎿
مديرة : قالنا المهم اطمنت عليها
ماما : ببارك الله فيه والله ولد حلال
اني : ااي هدا ولد عمت راما
راما : ☺😊
فجاة تخش بلقيـس هيا و صاحبتها بـ بدلة المدرسة
اني : شنننننن جاييية تبييييي انتييي 😡😡
ماما : اهدي بنيتي خلاص
ناضت راما ...
راما : تعررررفيييييي ترووووحي خيييير ما نلطك كف يخلي ودانك يشرينوو 😡😡 و انتي شن جااااية تهززي وراهاا زي الوصيفة رووووحو تواااا 😡😡😡
ماما : وراص بنيتي اهدي متوتروش عصابكم
طبعا اني قعدت حايرة وين رغد
نتلفت نلقى رغد نايضة بغلللل و تعيط و لـ اول مرة نشوف رغد هـگي ...
رغد ( تعيط ): اطلعوووو برااااا شن جاييين تبوووو و 😡😡 و انتي يـ حقييييرة الحقرااااء يـ لي مش متربييية اطلعي خييييرلك 😡😡😡
طبعا بلقيس ولا كلمة و قعدو واقفين و يشبحو لبعض .....
مشتلهم رغد تجري و قعدت راما تحز فيها ...
رغد : اطلقووووني علييييها 😡😡 نااكلها بسنوووني الحيوااانة هااادي 😡😡😡
و صااارت دووشةوو اني نضت نببكي لانها قريب قتلتها عـ ايديها و فجأة طقطق الباب و طبس زين و رغد هدت لانها تحشمت منه ...
زين : نخش !؟
اني ( نمسح فـ دموعي ): خش خش 😢
زين : السلام عليكم انتو شن جيب عمكم هني و انتي يـ فرخة بلقيس كان متممشيش توا عضام وجهك نكسرهملك 😡
بلقيس : بيئة 😑
راما : تعرفي اضمي فمك برو رووحو خلاااص اطلعو
ماما : خلاص هي اطلعو انتو التنين اطلللعووو
طلعو بلقيس و البنت الي معاها اسمعا ( نهى ) ...
زين : تي خيرک تبكي ؟!
اني : لا شي نحسابها بلقيس بتموت تحت يدين رغد 😢
رغد : 😊☺
زين : ههههههههه ،،،، متحسيش فـ روحك دايخة ولا حاجة !؟
اني : لالا الحمد لله
ماما : تبارک الرحمـٰن عليك خمسة و خمسية ربي يحفضك لميمتك و وبيك ❤😊
اني شبحتله لقيته ابتسم الابتسامة الصفراء حسيت بـ مليون غصة فـ قلبه من كلمت ماما ...
زين : احم مالا اني خلي نمشي هيا تصبحو عـ خير
ماما : و انت من اهل الخير صحيت يـ وليدي
زين : سلمك يـ خالتي مفيش جميل .. شني راما بتروحي ولالا !؟
راما : لالا بتجيني نسرين تروح بيا و هيا مروحة من عند سهى
( نسرين اختها الي اكبر منها مواليد 1990 و تسوق و سهى صاحبتها )
زين : خلاص مالا هي مع السلامة و انتي يا سمر ردي بالك من روحك ...
اني : حاضر 😊
مر وقت و باتت معاي ماما و رغد و خويلة و اليوم الي بعده روحنا ...
مرو ايام و حني نهيجو و جونا مليح لين جي يوم الاربعاء مع الصبح كلمتني راما ...
راما : ها حبي شج
اني : تمام ميه ميه و انتي
راما : الحمد لله ،، اسمعي تعاليلي انتي و رغد غدوا بنطلع نشري حوايج معا نسرين قلت خلي نقوللكم بالك انتو امهاتكم مش فاضيين و انتي المدة الي فاتت تقولي خاطري نطلع نشري حوايج
اني : توا نقول لـ ماما نشاء الله تقول به
راما : تم
روحت مامي من الخدمة هيا و خويلة و قتلها و قتلي عملت فيا معروف ياريتكم تطلعو تشرو حتى حوايج العيد 😀
جي الليل و وتينا حوايجنا الي بنلبسوهم و سهرنا لـ الساعه 4 رقدنا نضنا الـ 2 لقينا الحوش فاضي نزلت لوطى لقيت ماما مخلية رسالة ...
( يـ بنات متخافوش حني التنين طالعين عندنا عزي نروحو نلقوكم واتيين باش نحطوكم عند راما و نولو للعزي )
اني ركبت غسلت وجهي و درت دورتي و ضميت شوية و رغد حتى هيا نفس الشي و جت الساعه 5 لقينا ماما جاية و ركبنا لسيارة ..
اني : ماما عزي مني ماشيين
ماما : بنت خـالي مسكينة كانت عايشة البرا تزوجت البرا و جابت بنيه و توا توفى راجلها
اني : اه ربي يرحمه
حطتنا خويلة عند راما خشينا طقطقنا فتحتلنا نسرين ..
نسرين : اهليييين كيف حالكم خشو خشو اني قاعدة نلببس و الشلال راما قاعدة راقدة
اني : توا نخش انوضها على طريقتي 😂😂 طاسة مية لوسمحتي 😂
نسرين : خشي بروحك راهو الحوش فاضي متتحشميش 😁😂
خشيت جبت ميه و خشيتلها فـ دارها ...
اني : راما هيا نوضي
راما : هههممممممم بررررو نبييي نررقدد
اني : تبي ترقدي صار
ونبزق طاسة الميـة عليهـا و تنوض تعيـط ..
راما : ساااااااماااااااااااار يـ شلااااااال اطلللللععععي براااااااااا 😡😡
اني : باي باي 😂👋
وطلعت نجري من الدار ...
شرين الباب و اني فتحت طلع زين ...
زين : شن جو
اني : تمام الحمد لله شن امورك انت
زين : ماشية اسمعي وين راما
اني : تبدل الداخل
زين : بعد ما تكمل قوليلها قالك زين كلميني
اني : اوك
زين : هي ماشي توا
اني : تشاو
و خشيت الداخل ....
حسيت زيين جوه مش مليح بكل و وجها اسسسسود سواد الليل .. 😕
( عند زيـن ) 🌷
طلع من حوش راما و مشي لـ حوشهم خش قعمز جنب حناه ...
حناه : قاعد متعفلق يا وليدي ؟؟ خلاص ترحم عليه مليكش الا بالدعاء
زين ( تنهد ) : ااااااه الله يرحممك ,,,, الله يرحمك يا #بوي 💔💔 باهي يا ميمه عادي نمشي نعزي ولا !؟ لكن مني بنعزي باهي
حناه : شوف ,,,, هوا عنده بنية يعني البنت هادي تكون #اختك الاحسن انك تمشي تعزي و تكلم مرت بوك تقوللها توريهالك ،،، مرت بوك كويسة و طلبت منا انّا تاخدك زمان و تتربى مع بوك لكن اني و خوالك و خالاتك رفضنا و قنالها حني بنربوه لان لو قعدت معا بوك راهو انت توا سكار وحشاش ،،،
زين : لا اني منييش مااشي اني كانهم يبوني صح يجو ياخدوني بالعصب و يخلوني نتربى مع بوي لكن توا خلاص فات الوقت فات الاوان ان اني نمشي نعزي و نمد وجهي
حناه : يا ولدي الله يهديك برا تعرّف حتى على اختك و .......
قطع على حناه صوت التليفون الارضي ..
حناه : السلام عليكم
مراة : وعليكم السلام كيف حالك يا حاجه 😭
حناه انصدمت و شبحت لـ زين ..
حناه : ممم منني معاي
مراة : اني مرت عبدو يا حاجة اني ضرت بنتك الله يرحمها 😭😭
حناه قعدت تشبح لـ زين ..
حناه : اه سامحيني معرفتكش خيرك تبكي نشاء الله خير ( دارت روحها متعرفش )
حنان : يا حاجة عبدو عطاك عمره و قبل مايتوفى و هوا على فراش الموت يقولي ضروري ما تعرّفي زين على بنتي وقال لازم يحضر الجناازة 😭😭 يا حاجة ابعتيه زين بالله عليك راهو الجنازة واقفه عليه هوا 😭
حناه : عضم الله اجركم الدنيا و الدوام لله ،،، نشاء الله توا نقوله يجيكم
حنان : صحيتي يا حاجة نشاء الله تلقيه في ميزان حسناتك
حناه : سلمك نشاء الله اجمعين
سكرت الحاجة و شبحت لـ زين ...
زين : شن في
حناه : ( حكـتلهه كـُل شي ) وهدا الي قالتهولي هي نوض بدّل و توا نكلملك واحد من خوالك يمشو معاك بالك عمامك يديرولك حاجة
ناض زين تعفلق من كلمت #عمامك ...
زين : انيي معنديييش عماام انييي معندييش رجااله الاا خواال بسس 😡
حناه : باهي غر صلي عـ النبي و اركب بدّل
زين : ااااه عليه افضـل الصـلاة و السـلام ،،، وركب يبدّل
____________
عندنا حني 🍂
سكـرت البّـاب و خشـيت .... ✨
نسرين : من كان عـ الباب
اني : هدا زين قالي قولي لـ راما تكلمني لما تفضى
نسرين : اه ،، هيا يا بنات وقت منبوش نعطلو فـ الشارع ..
اني : هي هي
طلعت راما من الدار و متعفلقه مني ...
اني : راما 😂
راما : .....
اني : راااما 😂
راما : ......
اني : راما راما راما راما راما راما 😂😂
راما : .........
اني : رااااااااااااااااااماااااااااااااا 🔊🔊🔊
راما : طرررشة نشاااء الله نعممم نعممم شن فيي
اني : تعفلقتي ؟ 😂😂
راما : ضمي فمك 😑
طلعنا من الحوش لقينا عمهم رضى و زين ..
نسرين : اهلييين عمو شن جوو
عمها : الحمد لله شن حالك انتي
نسرين : تماام هادو صاحبات راما سمر و رغد
رضى : اهلن كيف حالكم
اني و رغد : الحمد لله 😊
رضى : وين ماشيين
نسرين : والله راما ناقصين عليها حوايج بنشرولها و بنروحو
رضى : به غر متعطلوش
اني نخصت راما و وشوشتلها في ودنها ..
اني : مبكري زين جي سأل عليك
راما : اوك
نسرين : نشاء الله ،،، و حتى انت وين ماشي
رضى : بو زين توفى بنمشو نعزو
نسرين : بجديات ؟! 😳 زينو عضم الله اجرگ
زين : شكر الله سعيك
اني ورغد و راما : عضم الله اجركم
زين : شكّر الله سعييكم منورين
نسرين : هي مالا سلام توا
ركبنا حني فـ سيارت نسرين و عمهم رضى و زين ركبو سيارت رضى ...
رضى : هي نمشو
زين : هي
و مشو للعزي وصلو نزلو غادي ..
خش رضى للعزي سلم على عمام زين و قاللهم هدا زين و انصدمو طبعا رضى مباش يدير عركة فـ العزي .... حضرو الجنازة و روحو خش عم زين لمرت بوه وخششو زين لدار باش تطلعله اخته فيها ....
قعمز زين بروحه في الدار و فجأة خشت ...
زين : 😳😳😳😳😳
... : 😳😳😳😳 ااأا اانت خخخ خووي هه ممم مممستحيل
زين : ......
________________
زعمــاَ مـني تـگون اُخـتهه ؟!
و هـل بـيـتـقبلهـاً ان تـگون اُخـته و لالا !؟
انـتضروني فـ حلقـةة جديـدة من رواَيـة
( حـكـايـة مـُراهـقـهة )
كاتبة : غُفران ❤
