حـكـٱيـة مـُراهـقـَةٓ 💛
والله التفاعل اخــي بكل ،،، 😿
اني مـطـلـبـتـش كومـنـتات حتـى لايک سٱدني ،،، 😔
_______________
الـحـلـقـة الـثـامـنـة 🌈
اني : شكلاا اليوم مش فاايت على خييير
( واليوم حطمـنٱ الرقـم القـياسـي فـ الطـلـوعّ )
طلعنا البرا لقينا ابلة هويدة ادور فـ الممر 😱😱😱
اني : حي علييييا 😰
راما : اسمعييي
اني : هااا
راما : فصل زين دوشة شكلا ابلتهم غايبة هي نخشو
و هيا كيف كملت كلمتها فتح زين باب الفصل ...
راما : زييين زييين
زين ( تلفت ) : هههههههههه قاعدين واقفين من بكري
راما : غر ضم فمككك معندكمش ابلة
زين : لا لا غايبة
راما : مالا وسـّع بنجوكم لان هويدة ادور ومنبوهاش تشوفنا
زين شبحلي وقاك حاجبه وضحك عـ الجنب ....
زين : خششو خشو
خشيت اني و راما و زين و ادم قعدو معانا ...
اني : كللله منككك يا كللبة اصلااا اني معااش بنررد علييك مرة تاانية
زين : هادي ديما تنق هكي متسكتش
راما : بككل يا ولد عمتي حالة من بكري وهيا تدوي تي اسكتي شوية
اني شبحتلها بنص عين ونضت كيف بنمشي زين شدلي يدي ...
زين : غر راچي نبصرو رره
اني ( فكيت ايدي منه ) : كان انت تبصر اني منبصرش ...
راما : غر استني يا سمر بالله علييک
طلعت من الفصل ومعدلتش عـ حدّ ...
ادم : عيب يا عويلة خيركم
راما : حي عليا اخيي اللقطة . كانا اني حد دارهالي راهو تعفلقت بدات هيا يناري متعرفش كيف تتعامل مع الولاد متعرفش ولا ولد في حياتها ،،😞
زين : اني نحس فيها عادي انتو كبرتو الموضوع 😒
ادم : حني مكبرناش لكن متحيش االلقطة يا راجل فـ الاخير هيا بنت و البنت ديما حساسة
راما : وبدات هيا سمر 😞 ططيوبة وتضحك وتتسهوك و جوها حلو لكن متحبش اللقطات هادي
زين : ديرو رايكم ....
.
.
.
.
.
عــنــدي انــي ...♋
طلعت من الفصل لقيت الممر فاضي وقفت قدام فصلنا وقعدت ندكر فيهم كيف يتسهوكو ععليا ....
اني : مبببرده ومبببرررد وجهاا الشلالل الي اسمه زييين هدااا مفيش من ابررد منه افففف استغفر االله ...
شوية هكي ضرب الجرس و ستنيت الابلة لين طلعت و خشيت للفصل ...
رغد : هههههههههههه يناااري عليييككم
اني : رغد بالله عليكك خلااص
رغد : خيييرك شن فيي
اني : جايبا تليفونك ؟!
رغد : اي
اني : ابعتي مسج لماما ولا خويلة و قوليلهم يجونا اني تعبانة ببنموت
رغد : توا نبعت لماما اكيدا قاعدة توا
بعتت مسج لخويلة وقالتلها باهي ..
خشت راما وجت قعمزت جنبي ..
راما : سمر
اني مطبسة راسي و مرديتش عليها
راما : سممررر
اني : شن تبييي فيااا ؟! كملتي تسسهوييكك ولااا لا !! بالك مزال خااطرك تتسهوكي اكتر مع ولد عمتتك ؟؟؟ فكيينيي راما زدتييه على ما وصوك
راما : خلااص سمر والله نبصرر علييك باهي
اني : خلاص راما اني بنروح اصلا توا ..
خشت الابلة الاخصائية ...
الابلة : سمر الـ### و رغد الـ٪٪٪٪
اني : اهو حني يـ ابلة
الابلة : ولي امركم برا اطلعو
اني : اخخخخ ياريت عندنا ولي امر هيا رغد
رغد : باي راما
راما : باي
اني : عُدي وسامر هي سلام ( طلعنا )
راما : اني الغالطة 😞😞
سامر : راما خيرك انتي وسمر
عُدي : ايه خيرك متعاركين
راما : ( حكتلهم الي صار )
سامر : باهي بري رضيها
راما : اففففف متبييش 😞
عُدي : خلاص توا روحي كلميها وتوا تسامحك سمر طيبة و مش من عوايدها انها متسامحش
.
.
.
.
.
.
عنـدي انــي و رغـدّ 😯
طلعنا من الفصل و خويلة قتلنا نبي نسلم عـ المديرة ليا هلبا مشفتهاش 😑
خشت خويلة للادارة وحني وراها كيف بنخشو جبدت رغد و وققنا قدام الباب قتلها منبيش نشوفها باش متحرشش في خويلة
رغد : حيييي علييياا
اني : خيييرك
رغد : تيزداني نسيته فـ الفصل ( جوان )
اني : اجررري جيبيه قببل ما تطلع خويلة
رغد : 🏃
.
.
.
.
.
المديرة : بتهرب صااار ؟؟ نبي نفهم علاش متبيش تقعد تحضرهاا الحصة شن قصتك معاها الابلة
زين : يا ابلة نقولك حااجة ؟! هيا سبتلي امي الله يرحمها و اني منها معاش نبي نحضر لامها حصة لين تجي تتأسف و لا ادير حل اني مدخلنيش بيها
( خشت خويلة عـ اللقطة هيا )
المديرة : اوووو سعييّدة كيف حااالك عاش من شافك تفضلي قعمزي ..
خويلة : هههه حمد لله شن حالك انتي شكلني جيت فـ وقت مش مناسب
المديرة : لالا عادي ،، بر انت لفصلك واخرلك مرة
زين : يـ ابلة اني منيش خاش للحصة و لما تكملي نبيك برا
وطلع ...
هوا كيف طلع لقاني فـ فم الباب نخبط فيا
زين : تي ....
اني ( قطعت عليه ): اسسسكت انت الغااالط توا شنييي معندكش عيووون !؟
زين : هههه تي باهي يا حرّاجة 😂
اني : 😑😑😑
زين جي وقف جنبي عـ الحيط ..
اني : مش بتهربو
زين : من قالک انتِ
اني : العصفورة 😒😁
زين ( تنهد ): اااااه ،،، المديرة شدتني
اني : هههههههههههههههههههههههه ينااااااري اللهم لا شماااتة هههههه ووه اضحك زي الصغير ههههه باهي ادم وين
زين : 😑😑 ،،، ادم هرب واني حصلت عليا الابلة ...
تلفت زيـن لقاني ميـته بالضحـک 😂
اني : ههههههههههههههههههههههههههههههههههه تعررف خلااص مش قااادرةة نتنفسس بكككل زي الصغييييير 😂😂😂😂 اخخخخ جنااابي
زين : 😑 سلامت جنابك ... وانتي علاش واقفة هني
اني : خالتي الداخل ونراجي فيها اني و رغد حيييي رغد وينن اوووف اهيااا ررغدد يا كلببة تعاالي هني
زين : ههههههههه تي غر نقصي صووتك
اني : اااه تي خيرها عطّلت تي يا رغد تعاالي
رغد جت تجري من الفصل ...
رغد : التيزداني قامتهولي راما بارك الله فيها
زين : نشاء الله هدا كله عـ خاطر تيزدان
اني : اي حشاك 😑
طللعت خويلة و المديرة واني هدا وين وجهي تقشر ...
المديرة : عاوديها مرة تانية انتي و سوما باهي
خويلة : اي نشاء الله
اني : امممم اه ههه كف حالك ابلة
المديرة : اممم هههههه الحمد لله مكلمكمش حد ولا
اني : اي 😊
خويلة : هي بسلامة صحيتي
المديرة : سلمك سلام
مشت خويلة ورغد واني كيف بنمشي وراهم ...
زين : سمر
اني : ايوا
زين : مشيهالها راما باهي راهو قلبها ابيض و متفهميهاش غلط
اني ( ابتسمت ) : نعرفها اني راما لكن تعفلقت منها لكن توا نرد عليها حاضر
زين : خلاص مالا تشاو
اني : سلام
طلعت نجري وراهم ..
اني : استنووني خيركم
خويلة : اك تلهدي زي الفرس و رغد باعتتلي مريضة
اني : ماهو مبكري كنت تعبانة و اصلا ابلتنا غايبة
خويلة : تي باهي به
وصلنا للحوش وخشينا و بلا بلا بلا بلا بلا روتين العادي ....
جت الساعه 6 العشية و اني راقدة شرين تليفوني لقيتها راما ...
اني : هههممممم اااللو
راما : سامو 😚😚
اني : ممممممااااهه تيي شن تبببييي بننرررقد
راما : اوك توا نكلمك بعدين
سكرت و كملت نومي لـ الساعه 7 ...
ماما : يعطيك البلّييي وقلّة الهنييي نشااء الله نووووضي منوووض نشاااء الله
اني : اممم اخخ يا راسي خيييركم منوضتوونيش
ماما : كانا نوضناك ووه و كانا منوضناكش ووه احححح و خلاص ..
مر روتين عادي نضت قريت شوية درت دورة على موادي و جت الساعه 11 فـ الليل شرين تليفوني ...
ماما : منو هدا
اني : البوي فرند 😂😂
ماما : تحششمي يـ بنت
رغد : 😂😂😂
اني : ايوا
راما : شـّج
اني : باهي
راما : قاعدة حرجانة
اني : تقدري تقولي ايه
راما : باهي اني والله نبصر عليك 😢
اني : كترتيها يـ راما البصارة ليـها حـدود
راما : باهي اسـفـَة 😞
اني ادكرت كلام زيـن و قلت يـلا نمشيهالهـا و خـلاص ..
اني : بـه خلاص سامـحتک
راما : رروروروروي باهي اسمعييي مدامك سامحتيني نبيك تجيني انتِ و رغد غدوا
اني : باهي غدوا شني
راما: خمييس
اني : خلاص توا نقول لخمييس
مر روتين عادي و تاني يوم مشينا للمدرسـة و روحنا و قلـنا لماما على رامـا و قالـت بـاهي طبعا و عزمت حتى نّـورا لكـن نورا قتلها بـاهي لكن متـبيش جـو الاغـاني و هـكي .....
روحنا من المدرسة قعدنا نستشورو فـ شعرنا و نطلّعو شن نلبسو ...
جت الساعه 5 كنا واتيين كلمت ماما ام راما و خدت النعتـة و مشينا حطتنا غادي و نزلت سلمت على ام راما و روحت خشتلنا ام راما اسمها ( عفاف ) ....
عفاف : اااخ الجو برا فـ حويلة ... هي اني ماشية لـعزي مرت خالي ديرو كل شي ماكمش برانيـة باَهي ؟!
اني : حـاضر
راما : ماما بابا قاعد ؟!
عفاف : اي و حتى هوا بيطلع بيحضر الجنـازة
مر الوقـت و حني نهدرزو شويـة طقطق الباب ...
اني : اصبررو اني نبي نفتحح هادي اكيدا نوورا
وطلعت نجري فتحت الباب و حضنتها من غير مانشوفها ...
لكن حسيت الجسم عريض و طويل و صـنة ولد مش نـورا ؟! 😳😳😳
اني قعدت مكبشة فـ ...... و مصدومة نشاء الله ميطلعش الي فـ بالي 😳😳😳
و فعلا طـلعّ ...... 😳😳
ووووووه حشم حـالک يـ سـمرر 😵😲😳
_______
زعـماَ منـو هـذا الشخص ؟!
و هل يطلع الي فـ بالها صح ؟!
انتضروني فـ حلقة جديدة من رواًيـة
( حـگـايـة مـُـراهـقـةٓ )
الكاتبة : غـُـفراِن
