الـحـلـقـة ١٣ و ١٤ 💐
وطلع يجري من الادارة ...
اني نضت طول لحقته ....
اني : زيين ززييين
زين : .......
اني : يا زين استهدى بالله و استعوذ من الشيطاان ،، معليشي مشيها المرة هادي على خاطري بالله عليك
وفجاة زين ناض يبكي زي العيل الصغير و حط ايديه على راسه ...
التصرف الي داره زين خلاني اني بروحي مستغربة 😞😳
زين : انييي عيييت يا سسمر عييت اقسم بالله عيشت الكلاب الا فديت منها 💔 لاعندي لا بو لا ام لا عيلة زي الكلب ملوح عند حناي بسسس اني ملياش فايدة فـ الحياة 😭 اني عييت والله الا عيت ياريتني نموت و نرتاح ياريت 😞 علاش اني مش عايش زي غيري مع عيلتي و ناسي و اهلي و خوتي و خواتي 😞😭 عيشتي اخي بكل يا سمر 😞 اني عندي طاقة محددة لكن توا خلاااص معاش قدرت نشد روحي بكل 😞💔 ياريتني نمووت ياربي خود امانتك وريحيني يارب انت عارف ان اني ملياش فايدة بكل فـ الدنيا 💔
اني : غر راجي بالله عليك متبكييش 😞 خلاص زين استعود من الشيطان و بعيد السو عليك معاش تفاول على روحك فيا ولا فيك نشاء الله 😞 خلاص بالله عليك اهدى والله عصبيتك هادي مش حـ ادير فايدة و لا بكاك حـ يدير فايدة استعود من الشيطان و برا توا روح ارقد ارتاح و اني توا نقول للمديرة انه روح وحد الله يا زين ومعاش تقول كلام زي هدا
زين : لا اله الا الله اعود بالله من الشيطان الرجيم ،، لكن اني لااازم نربيهااا الابلة هااادي 😡😡
اني : زييين اننت توااا تررروح فااهم 😠 خلاص امشي روح ارتاح و بعدين ساهل
زين : حاضر 😞
اني : شنطك خليها توا نقول لـ راما ولا ادم يروحولك بيها
زين : نشاء الله 😞 صحيتي سمر ❤ وبالله عليك متقوليش لحد عـ الي صار
اني : سلمك خلاص توا نقوللهم زين مرض و روح و خلا شنطته
زين : اوك تشاو
مشي زين و اني خشيت نطقطق عـ الادارة ..
اني : معليشي ابلة هويدة اني قلت لزين يروح لان كان تعبان هلبا و كان حـ يدير مشكلة فـ المدرسة فـ قتله يروح و اني توا نقول للمديرة
المديرة : باه باه احسن ما درتي ،،، وانتي مزال نلقاك مدايرة مشكلة مع طالب و بدات زين اقسسم بالله لما ناخد ملفك و نحدفه على وجهك يااسري تحششمي يا مراة راك ابلة طول و عرض و جاية حاطتلي راسك من راس طالب يتيم يناري استغفر ربك يا بنادمة ،، وهيا توا اطلعي
طلعت الابلة و قبلها اني طلعت طبعاً محضرتاش الكلام هدا نسمع فيه من الباب
ضرب الجرس و خشيت للفصل و اني قالبة وجهي ،، مر الوقت و جي المرواح و طلعنا حني الخمسة من الفصل ...
اني : دقيقة نمشي لـ ادم بنوصيه على حاجة و نجي
مشيت نجري لـ ادم ...
اني : اديم ادم
ادم تلفت شبحلي و استغرب ...
اني : اااهه اااه دهشتني فـ جررتك اسمع خديت شنطت زين معاك
ادم : غر دقيقه هوا وين معاش فهمت شي
اني : انت غر روحله بشنطه و هوا توا يفهّمك كُل شي
ادم : هي توا ناخدها
خش يجري خداها و اني طلعت مع البنات ..
روحنا للحوش و جي اليوم الي بعده و خشينا المدرسة وكان زين غايب ،،،، مشي الوقت لليين جت الحصة الخامسة ،، خشت الاخصائية و قالت ...
الاخصائية : يا طلبة وتو روحكم الصحايف توا
اني : يا والله نهار مغبببر 😐
شوية هكي خشت بالصحايف عطتهم لـ الابلة و و بدت توزع ...
الابلة : عدي الـ ###
عدي : انييي
طلع خدي صحيفته و انصدم شبحلنا 😳
الابلة : رغد الـ ####
طلعت رغد خدت صحيفتها و خشت للمقعد مصدومة و دموعها ينزلو 😢😳
اني : غر كيف كيف مستحيل ميصيرش هكي
كانو درجاتها في العربي زي الزفت و عدي حتى هوا
كملو توزيع الصحايف و كنت اني عاقبة فـ العربي و سامر و عدي و راما و رغد على الحاافه ..
نضنا حني الخمسة مشينا للادارة ..
اني : ريتي يا ابلة حني مضلوومين والله
رغد : تي تحشمي قولي السلام عليكم قبل
اني : اسفه ابلة سامحيني السلام عليكم
المديرة : امممم و عليكم السلام ،،، ترا تعالولي انتو الخمسة
جينا حني وقفنا قدامها ...
المديرة : معقبتكم ابلة العربي ولالا ؟
اني : لا لكن اني اي 😞😞
راما : لكن درجاتنا زي الزفت يا ابلة و حني والله مجاوبين
المديرة : باه انتو بنوتات شاطرات ،،، ترا انتو الزوز عطوني صحايفكم
خدت صحيفت عدي و كان جايب جيد جداً 81% اما سامر فـ جايب 84.7%
المديرة : اممممم حتى انتو مشاء الله شاطرين
فتحت القجر و طلعت الوراقي متع الامتحان و راجعنا و طللعت اني جايبة 48 و ½ على 50 و رغد 47 و راما 47و ¼ و عدي 45 ...
اما الي نصدمنا فيه سامر كان مسكر الدرجة جايب 50
المديرة : تبارك الرحمـٰن هادا النهائي وتأكدنا منه توا بناخدو منها كشف الدرجات و بنتأكدو من اعمال السنة ... خلو صحايفكم هني بااهي ؟ و اما حصة عندكم انتو ولا فاتت حصتها !
اني : لالا عندنا الاخيرة
المديرة : خلاص مالا توا في المرواح نكلمها
اني : تمام صحيتي يا ابلة بارك الله فيك
كلهم : صحيتي يـ ابلة ❤
المديرة : ولو هدا واجبي
طلعنا و مر الوقت و روحنا و مقلناش لـ امالينا ان عطونا الصحايف بكككل
جي اليوم الي بعده و كان زين برضو غايب 😞 اشبح خيره قلبي مش مطمني بكل ..
مشينا خدينا صحايفنا ولقيناهم ساووهم و كلنا جايبين ممتاز عدي 85% سامر 87%
اني90.33% رغد 89.57% راما 90% ....
اني : خششششششي ررورورورورورروي كلنا ممتاز يروروروري
راما : اسمعو مفروض نتفقو نشرو حاجة للمديرة ره ساعدتنا هلبا
سامر : اي نلمدولها فلوس و ناخدولها جو باقت ورد و باكو شكلاطة
اني : ياااروومنسي انت 😂😂
رغد : صح صح فكرته حلووة هلبا يبدو باقة و باكو شكلاطة نازكاات 😊😊
راما : خلاص غدوا نلمدو الفلوس و توا نقول لـ اختي نسرين تطلع تشريلنا
عدي : تم كل واحد يجيب 5 و لا 10 ؟
اني : الي تقدر عليه و كان متقدرش بكل مش مشكلة نزيدو حني
عدي : خلاص تم توا نجيب 5
رغد : تم
روحنا للحوش فرحانين ورينا لمالين الصحايف وفرحوولنا هلبببا وقنالهم عـ الهدية الي بنديروها لـ ابلة هويدة ..
جي اليوم الي بعده و لمدنا الفلوس و زين مزااال غاايب ،، جي المرواح قعدنا اني ورغد وراما ...
اني : راما زين خيره غايب التلاتة ايام هادم
راما : منعرفش اي حد يطقطق على داره يقول منبيش نشوف حد بكل زين مولي شيين الحوازة مش حلوة من غيره 😞
اني : نقولك الحق ؟! حتى المدرسة شينه بلاه 😞
رغد : صح والله 😣
روحنا للحوش رقدنا نضنا الساعه 5 كسدنا هلبا قلنا لـ ماما تحطنا عند راما .....
نضت كلمتها قتلي قاعدة فـ الحوش
حطتنا ماما غادي و نزلت هدرزت شوية مع ام راما و مشت ....
اني : شرتهم الحاجات
راما : اي اهما
ورتهملنا و كانو حلووات هلبا 😍
باقت ورد حمراء وصفراء تهببببل 😍🌹
و باكو مكارون قنين هلبا 🙈😻
رغد : عنجد اختك دوقها فضيييع
اني : اااي يهبلووو الحاجات
راما : اي اختي حشيشتها الحاجات هادي
مر الوقت و جت الساعه 7 قتلنا راما بنمشي لميمه ،،، نضنا مشينا معاه ...
راما : السلام عليكم ميمه حبيييبتي 😻😻😻🙈
حناها : وعليكم السلام خشي يا بنتي خشي 😔😞😞
راما : جايين معاي زواار ره
حناها : مني
راما : خشو يا بنات
رغد : السلام عليكم يا حنينة كيف حالك
حناها : الله 😍😍 سمر و رغد بنيياتي وينكم معاش شفتكم تعالو تعالو قعمزو جنبي
جينا قعمزنا جنبها و شبحتلنا شبحة زي هادي 👈😔
اني : خيرك يـ حنينة وجهك مش منور زي كل ديمة
حناهم : زين يا بنتي من يوم الاحد روح و جها اسسسود و خش لداره طول ديما نركب نطقطق على داره نقوله خيرك شن في يقولي منبيش نشوف حد 😞 ديما يروح من المدرسة هكي يا متعفلق يا اشبح شن صايرله 😞
اني : باهي عادي نركبله ؟
حناهم : اي اي اركبيله تعملي معروف و راص بنيتي اني عيت رجليا وجعوني من الركوب و النزول 😞😞 و بالك يسمع منك قلبي واجعني عليه هلبا بالك اني زعلته في حاجة ولا تعفلق مني في حاجة 💔
رغد : لالا يا حنينة مستحيل هوا بالك على خاطر بوه بس 😊
حناهم : نشاء الله
اني : خلاص اهو اني راكبتله اقعدو معاها انتو
حناهم : بالله يا بنيتي خشي للمطبخ تلقي صفيرة متع الغدي ركبيهاله من بكري و اني نركبله و يقولي منبيش شي
راما : يا ميمه معااش تركبي توا رجليك يوجعوك بالله عليك مرة تانية تبي حاجة من فوق كلمينا عـ الارضي توا اني نجيك نجري باهي ؟؟
حناها : نشاء الله يا بنتي 😞 غر توا شوفولي زين خيره بس
مشيت اني خديت الصفرة و ركبت فوق قعدت نطقطق عـ باب داره ...
زين : ياام اني منبييش شي منبييش ناكل نبي نقعد بروحي
اني : اني سمر
زين : سممر ؟؟
ناض فتح الباب و كان قاعد بـ حوايج المدرسة السورية البيضة و السروال الاسود ..
اني : انت خييرك يا زين فهمني 😠 معقووله حناك تركبلك كل خمسة دقايق و انت ولا كأن معقووله هكي ،، حناگ رجليها وجعوها تمام ؟؟ وانت توا ارتاح بااهي
واني كيف بنمشي شدلي ايدي وشبحلي ..
زين : توا انتي بس الي توقعتك تتفهميني
اني : اي زين تفهمتك و حسيت بيك هلبا و حتى نووم ربي معااش نررقد لكن انت شنوو ؟؟ حسيت بيها حناك الي يناري كل دقيقة تركبلك و تترجى فيك و لا محسيتش بيها ،، زين حط عقلك فـ راسك راهو الي درته غلط
زين : انتِ وجعاتك حناي موجعتكش اني الي عايش من غير بو و ام من غير عيلة ،،، لكن بجديات ميحسكش حد فـ هـ الدنيا
اني : والله الا انت فاهم غلط اني فاهمة وضعك و اصلا انت الي عايشة حتى اني عايشاته شني الفرق بيني و بينك ،، لكن فـ الاخير هادي حناك هدي اميمتك هادي امك الي مربياتك
زين : اني امي ماتت و معنديش ام غيرها
اني : خلاص زين بالله عليك انزل احكي معاها فرحها شوية وها شوف
وريته السفرة متع الغدي ..
اني : شوف مبكري قتلي ركبيله بالك ياكل ،، حناك خايفة عليك يا زين راهي مراة كبيرة سايرها حتى شوية
زين : به خللي نبدل حوايجي و ننزل
خش زين للحمام و اني خشيت لداره حطيت السفرة و قعدت واقفة في الدروج نتفرج على الحيط ...
الحيط كان كله معبي مسيرت حياة زين من هوا عمره عام لـ تالته تانوي ..
طلع زين من الحمام لقاني واقفة نتفرج . .
زين : هوو 😕
اني : ههههههه يضحك منضرك هني
،، كم كان عمرك فـ الصورة هادي
اني : نقرا صف اول ،،، ندكر فيها اول ماخششوني للفصل اني و ادم بدينا نتباكو واهو منضري هني و اني نبكي ،،، كان نضري ضعيف هلبا و ديما يتسهوكو عليا لاني لما انحي النضارات معاش نشبح شي 😞
اني : هههههههه معليشي ،، وتوا تقدر تنحيهم ولالا
زين : لالا حتى هوا نشبح فـ الدنيا ضباب
اني : ترا نحيهم بالله عليك ،، 🙈
نحى زين النضارة و كان منضره يضضضحك ..
اني : ههههههه وووه منضرك يضحك ،،، هههه ترا هاتهم نقيسهم اني
زين : هاک😑
خديتهم منه و قستهم و شفت روحي فـ المرايا و قعدت نضحك و هوا يضحك على منضري ..
اني : حيي منشبح في شي كلله ضباب
زين : هههه غر هاتي توا تولي حولا فكيني منك 😂😊
عطيته النضارة و نزلنا ...
ناضت حناهم تزغرط ..
حناهم : يرورورورورروروروروي نشاء الله تنزلولي يوم دخلتكم نشاء الله يروروروروي ❤❤❤
اني : 🙀🙀😖😱😱 نهار سود
زين شبحلي و قعد يضحك صدق روحه الاخ 😑
اني : اححم ريتيني يا حنينة نزلته نزلته 😂
حناهم : سلمهااا بنيييتي الغزاالة عرفتك حـ تنزليه روروروي 😄 تعالو تعالو قعمزو
جينا قعمزنا قعمزت اني جنبها و هوا مقابلني جنب راما ..
قعدنا نهدرزو و نضحكو و جونا حلو لين شرينتلي ماما على فوني و قتلي اطلعو .. اني : هيا مع السلامة ماما جت
راما : حي مسرع ما جت قاعدة الساعه 8
رغد : يلا معليشي نتلاقو غدوا فـ المدرسة و متنسيش الحاجات
راما : نشاء الله
اني : هي مع السلامة ،،، وانت غدوا تعالى للمدرسة مديرش الجو
زين : نشاء الله نشاء الله
رغد : هيي بااي
حناهم : مع السلاااامه 👻👻
طلعنا ركبنا سيارتنا و روحنا للحوش ...
ركبنا بدلنا و قرينا شوية و قعمزنا تفرجنا عـ التلفزيون اني ورغد و ماما تكلم فـ صاحبتها و خويلة فـ الخدمة ...
رغد : اممممممـ سـمر
اني : همممممـ
رغد : ...........
اني نصدمت و شبحتلها و اني منفجعه 😦😧😨😱
________
زعـما رغد شن قالت !؟
و هل الشي الي قـالاتـه سمر لـ رغد حـ يفيدها او لا !؟
انتضروني فـ حلقة جديدة من رواية
( حـكـايـة مـُراهـقـهَ )
كاتبة : غفران
تفاعلوا بلييز للبارت الاخير 😩👍
