الحـلـقـةَ الـثاَنيـة عـشـر 💐
قعمز زين بروحه في الدار و فجأة خشت ...
زين : 😳😳😳😳😳
نهى : 😳😳😳😳 ااأا اانت خخخ خووي هه ممم مممستحيل
زين : ننننُ نننُهى شششنن ادديري هنني 😳
نهى : اني اختتك ... لاااا لاااا اني مستحيييل نكووون اختتك مستحيييل ،،، 😡😡
زين : اصلااااا انييي مشششش خووووك فااااهمممهه ؟!!! ومستتتحييل اختتتي تكووون وححدةة فااسدة زيييك اقععدي في امهههاااا😡😡😡
طلع من الدار وقربع الباب ....
طلع يجري لرضى طلعو من العزي ركبو لسيارة ...
رضى : ها شن صار تعرفت عليها ؟؟
زين : ماااهييييششش اخخخخختتتيي انيييي معندددييييش خوااات 😡😡
رضى : غر اهدى اهدى خييرك شن صاارلك
زين : ياخاالي طلعت تقراا معاي في المددرسة 😭 طلعتت وحدةةةة فاااسسدة يااخالي مش مترربية معروووفه فـ المدرسة 😭 بتقشررلي وجهيي قددام النااس لااالاااا و الف لاااا اني معنديش خواااات 😡😡😡 اني خوااتي راااماا و نسرينن و بسسسسس 😡😡😡
رضى : باهي خلاص توا نروحو للحوش اتكى ارقد و بعدين نتفاهمو
ومر الوقت فـ السيارة و زين شاد كلمت ( اني معنديش خوات ) ....
عنـدنا حـني 🌳
ركـبنـا فـ السيـارة و انطلـقنا ...
طلعنا قعدنا نشرو فـ حوايج و فاتحين اغاني فـ السيارة و جونا مليـح ...
اني : يناري زين سخفني
راما : زين مش طبيعي بُكل مستحيل يكون متغير هكي على خاطر بوه توفى بس في حاجة تانية
نسرين : ربي يكون في عونه مسكين
رغد : صح متغير هلبا وجها اسود اشبح شن في
اني : ربي يستر و خلاص
جت الساعه 7 و العين بدت اضـلم ..
نسرين : هي شنو يـ بنات انروحو
اني : اي ياسرنا الدنيا بدت اضلم
روحنا لحوش راما و اول مادرسنا السيارة لقينا زين و عمه ...
نسرين : ها ريت يـ عمي معطلتش ☺
رضى : شطوورة 😂
مشينا خشينا لحوش راما وقفتلنا راما في فم الباب ...
راما : يا بنات اني بنمشي لحوش ميمه بنشوف زين تمشو معاي ولا بتقعد ترتاحو هني
اني : لالا بنمشي اني
رغد : اي حتى اني ستاحشت حناك 😄
راما : نسريييين حني بنمشو لحوش ميمه قولي لـ بابا و ماما باهي ؟!
نسرين : به
وحني ماشيين نشبحو في ادم و زين واقفين مع بعضهم ....
ادم : حي حي رررغد 😍😍
زين : تي ارزن يـ راجل 😒
وصلنا حني وقفنا قدامهم ...
راما : شن جوكم
ادم و زين : حمد لله شن جوكم انتو
حني : تمام
راما : اسمعـو تعالو نعكـسو عـ الطاولـة الي قدام حوشـنا
ادم و زين : هي
مشينا لـ طاولة و قعمزنا ...
راما : شن في خييرك هكي خيره وجهك اسود اكتر من مبكري 😐
زين : لا شي
ادم : تي تكلم يا راجل شني متحشم من سمر و رغد
زين تنهد و شبحلي بعدين تلفت ...
زين : مبكري حنان كلمت ميمه و ....
راما : لحضة من حنان
زين : #مرت_بوي 💔
راما : اه به كمل
زين : اي كلمتها قالتها قولي لـ زين يجي لان المرحوم و هوا على فراش الموت قال يبي زين يحضر الجنازة و يتعرّف على #اخته
اني : زين انت امتا كانت عندك اخت 😳
راما : حتى اني مسمعتش 😳
رغد : تي باهي خلو الولد يكمل ،،، استمر
زين : اني بروحي اليوم كيف عرفت ان عندي اخت ,,,,, مشينا اني و عمي رضى للعزي حضرنا الجنازة و خششوني لدار الداخل باش نتعرف عليها ،،،، ترا قولو من طلعت ؟؟
اني : منـــييي ؟؟ ._.
زين : #نهى 😞
اني : ششششنننننوووو كييف لالا مستتحيل ككيف كيف يا زين راهي مش كوويسة نهى😳😳😳😨😨
راما و رغد فـ حالة صدمة ،،،،، 😳😳
زين : اي اصلاا مش اختتتي اننييي معنديش خوات اني ولد وحيييد بس 😞😞
حسيت زين متحححطم لـ ابعد الحدودَ 😞
اني : احح معليشي هيا فـ الاخير اختك و من لحمك و دمك 😊💔
زين ناض شبحلي و دف كرسيه وخش لحوشهم ...
ادم : معليشي يا سمر متعدليش عليه هوا تعرفيه شن صايرله
اني : لالا عادي اني اصلا الي غالطة 😞
ادم : هي مالا تصبحو على خير
كلنا : وانت من اهل الخير
و مشي لحق زين
اني : حييييه عليا مصح وجهي 😞
راما : عادي عادي ،،، هيا نوضو نخشو
خشينا الداخل و قعدنا نهدرزو ....
اني : حي عليا اني اصلا غلط الكلمة الي قلتها 😞😔
رغد : انتي مش غالطة صح كلامك لكن مش وقته بووكل
راما : اي صـح
اني : وووه يوم الاحد قراية 😫
راما : وووووه 😭
مر الوقت و جت خويلة روحت بينا ....
مرو ايام و جي يوم الاحد و النوضه الساعه 7 😖😖😖
نضنا و بدلنا و مشينا و اول ما وصلنا لقينا جماعتنا ..
رغد : صباح الخير
كلهم : صباح النور
عدي : شني سمر قاعدة راقدة ؟
اني : امممممم والله نضت بالسسيف قريب بديت نبكي 😭
راما : حالة والله حتى اني ماعندي خلوق
درنا الطابور و بدينا المشوار السيئ جداً ..
و حني مقعمزين في حصة العربي بدت تسمي في الدرجات ...
و اني و راما و رغد و عدي و سامر درجاتنا زي الززززفت ....
اني : يا ابلة كيف هـكي اني مجاوبة ره
ابلة : مدخليييش فيك قعمزي انطمري
اني : تي اقسم بالله ماني مقعمزتها باااهي توا ادبري حل ضروري ما نتأكدو حني الخمسة معقووولة جايبين 20 من 50 مستحييل اني مجاوبة مستحيل نجيب درجة زي هادي
الابلة : انتي تعاندي فيا ؟؟؟ برييي بريييي والله ورقتك ماك مراجعتها
اني : انتي حلفتي ولا ؟؟ ( وخبطت عـ المقعد ) اقسم بـ الله و رحمت هداكا بابا الغالي لما نراجع امها الورقة بااهي
الابلة : تعااندي فيااا يا كلبة ؟؟ قعمممزي انييي قتلك
اني : تعررفي يا اني يا انتي في المدرسة اليوم
و طلعت طربقت الباب و بديت نبكي و اني ماشية للادارة لقيت زين ...
زين : سمااار سممر وين ماشية تي خييرك تبكي شن في مني ضربك
اني : شي شي 😭😭 اني عييت منها الابلة هادي ديما تحتقر فيا اني بدات 😭 خليني نمشي للادارة بالله عليك 😭😭
ومشيت نجري للادارة لقيت ابلة هويدة ...
اني : ابلة هووويدة 😭😭😭
المديرة : ههيييي سممر خيؤك تبكي شن في يا ماما خيرك تعالي يا حبيبتي تعالي
و قعدت تمسح عليا حسيت روحي ارتحت لاني مكنتش نقدر ننطق بكلمة ..
المديرة : خيرك احكي شن في
اني : ابلة العربي ديما تهززب فيا حاطتني في راسها والله العضيم 😭 من لقطت هداكا اليوم متع السيمستر الاول تحلفت فينا حني الخمسة واليوم اني حاطتلي 20 من 50 😭😭 اني والله مجاوبة فـ السيمستر الاول وكلنا مجاوبين يا ابلة 😔😔😭
المديرة : شوفي يا بنتي حني توا منقدروش نديرو اي حاجة الا انّا نستنو لغدوا باش يعطوكم الصحايف و نشوفو درجاتكم فـ المواد التانية وبعدين نتأكدو من وراقيكم لان تعرفو الدنيا حايسة و وراقي هلبا و انتو سنة اولى العام هدا معبيين المدرسة فهمتيني
اني : اي فهمتك
المديرة : خلاص امالا امسحي دميعاتك و هاك المية و معاش تبكي على حاجات زي هادي باهي 😉
اني : صحيتي ابلة هويدة والله من غيرك كنت حـ نضيع 😢❤
و فجاة خش زين هوا و ابلة الاحصاء ...
المديرة : شرفتنا يا استاد زين شن مداير توا
زين عيط بصوت واحد ....
زين : انييييي الككككلللبيةةة هاااااادييي سببببتلليييي بوووووووي شششنننن مزززااالل تبييييينيييي نديييرلللهاااااا 😡😡😡😡😡😡😡
المديرة ناضت ..
المديرة : زيييين يااااسر 😠 و انتي خيرك طايحة تسبيله في امه و بوه راهو انتي عندك زوز اندارات التالته بتلتزي من المدرسة تحششمي على وجهك عيب انك تسبي مالي حد افرض بوه ميت هي
زين انهااار و تلفت شبحلي و شبح للمديرة و عيونه شرارة ...
زين : متفرررضش ان بوووي مييت لااا ،،،،، لان بووووي مييت من غييير ماتفرضض بوووي متووفي و امييي متووفية يا ناااس هادو التنييين معااش تقربووو جيهتهم خييير مانقلبها المدرررررسةة و انيي نعررف كييف نااخد بـ حقي 😡😡😡😡😡😡😡😡
وطلع يجري من الادارة ...
اني نضت طول لحقته ....
اني : زيين ززييين
زين : .......
اني : يا زين استهدى بالله و استعوذ من الشيطاان ،، معليشي مشيها المرة هادي على خاطري بالله عليك
وفجاة .............
التصرف الي داره زين خلاني اني بروحي مستغربة 😞😳
_____________
زعما شن دار ؟
و هل بيـاخد بـحقه صـح !؟
انتضروني فـ حلقة جديدة من رواية
( حـكـايـة مـُراهـقـه )
كتابة : غفران 😍
