حــكـٱيـة مـُراهـقــة 💙
عنـدّي ليكم سربرااَيــزّ يا ڤـاًنزي 😎
هي اقـرو الحلـقة و تلقـوه فـ نهـايّة 😘
لايــگ فـيـسـع 😚
_______________
الحـلـقّـة الـسَـابـعـة 🌸
واني كيف ماشية للفصل ضبحت عليا الابلة
الابلة : يا فالحة انتي مدايرة مشكلة
اني : ياااااربي مشكلة شني
الابلة : تعالي معاي للادارة
ورفعتني للادارة ..
خشيت للادارة لقيت سامر ورغد وراما و عُدي 😳😳😳
اني : شش نن فيي 😳
هويدة : احم اهلين يا سمر
اني : اا اه اهلا ابلة هويدة سامحيني مشفتكش
أ / هويدة : لالا عادي كيف حالك وكيف حال ماما
اني : الحمد لله
وتلفتت لرغد ...
اني : رغد شن في شن درتو
رغد : مشعارفة جت الابلة هادي ضبحت علينا حني الخمسة
اني : ابلة هويدة شن في
أ / هويدة : جايتنا شكوى منكم ياسمر انتو الخمسة
اني : علاش شن درنا يا ابلة
أ / هويدة : جتنا بنت من فصلكم اسمها مودة توا تبكي ان في ولد شدها من وشاحها على خاطركم انتـم وقالت الولد اسـمه سامر
اني : شنيييي ؟؟ مستحيييل تكدب يا ابلة والله الا .....
الابلة : سككري فمممك واحتررمي نفسكك مش كداابة هيا انتي الي كدااابة
أ / هويدة : احترمي نفسسك واطلعي برا وخليني ندوي معاهم اني الطلبة
طلعت الابلة وتلفتتلي ..
اني : يا ابلة سامحيني لكن والله مادار هكي الولد
أ / هويدة : وينه سامر باهي
سامر : اني
أ / هويدة : تعالى هني
جي سامر وقف قدامها ....
أ / هويدة : ترا احـلّـف انک مدرتـش هگي
سامر : والله ماشديتها من وشاحها وما قربتها ولا مسيتها ورحمة ببوي
أ / هويدة : مالا شن درتلها
سامر : قتلها ا......
اني : ابلة ممكن نحكيلك شن صار من الاول
أ / هويدة : اي اكيد احكي
اني : (- قعدت نحكيلها شن صار من لما جي عُدي للفصل -) وهدا الي صار يا ابلة
تررررررن تتتررررننن ....
أ / هويدة : خلاص عطيني اسمها ابلتكم الي طلعاتك برا و مودة هادي خلوها عليا الكدابة هي اطلعو توا استراحة واي حد يكلمكم قولولي
اني : حاااضر صحيتي يا ابلة بارك الله فيك
سامر : منورة يـ ابلة هي السلام عليكم
وطلعنا ...
اني : اقسسسسم بالله الا يومهاا اسود الييوم الي اسمها مووودة
عُدي : غر اهدي واطلعي توا لساحة وبعدين ساهل ...
طلعنا لساحـةَ وقعمزنا اني و راما ورغد عـ الركّابة ...
اني : اااففففف ياربي من وين تجينا هالمشاكل استغفر الله ياربي
راما : تنحل نشاء الله
رغد : نشاء الله
جي زين وقف قدامنا ...
زين : ترا راما تعالي شوية نبيک
راما : شويية ونجيكم يا بنات
اني : لالا عادي خودي راحتك
ناضت راما ومشتله ..
رغد : مقنينته الولد هدا من هوا 😍
اني : هدا زين الي نحكو عليه مبكري
رغد : مشاء الله اسم على مسمى
اني : ههههه والنبي اسكتي خير مانحدفك توا ..... اي خلي نحكيلك عليه يناري
( وقعدت نحكيلها عـ الي قالهولي عُدي والي صار قدامي امس لما الابلة قعدت تتعارک هيا وياه )
.
.
عند زين و رآمــٱ 🍂
زين : الحوازة مفتوحة زعما ولالا
راما : حمدي قاعد معناها اكيدا مفتوحة ( حمدي البواب ) علاش تسأل
زين : بنهررب وتقولي لحناي بنقتلك عندنا احصاء توا ومعنديش نية فيها
راما : لااا يـ زين فكنا
زين : تي شني فكنا ترا الابلة هادي سبتلي امي تي والله معاد قاعدلها فيها حصة
راما : غر راجي راجي متعدلش عليها ورااس وخيي فوتها لكن كان مش حتلقاك في حصتها بتعقبك ( بتسقطك ) بعدين وانت شهادة متنسااش
زين : كان جاني دور تاني ف الاحصاء بس مش مشكله
راما : ههففف به دير الي يساعدك .. باهي وين بتمشي توا
زين : بنمشي لحوش خالي صلاح
راما : حتى آدم بيهرب معاك 😳
زين : اي 😌
راما : باهي كان يشوفكم عمي
زين : لالا خالي في الخدمة ومرة خالي في المدرسة و زهـرة فـ الروضة
( ادم ولد صلاح نديد زين وزهرة بنته عمرها
5 سنين )
راما : كان تشوفكم ميمه
زين : لالا متشوفناش نشاء الله
راما : حي اهوا ادم
ادم : اسمعي راما عندك فلوس
راما : والله مانندري توا نشوفلكـم فـ الفصـل بالک عندي امتا عندكم احصاء انتو
زين : السابعه
راما : خلاص امالا تكمل الاستراحة نخش الفصل و نشوفلكم ...
زين : خلاص تم
ادم : منوورة يا بنت العــم 😉
راما : بوجودك ولـد عمي 😉
ومشو هما وجتنا ....
راما : نشاء الله معطلتش عليكم
اني : لا عطلتي يا فالحة ويين هدا كله
راما : اخخخخ هدا زين ولد عمتي او بالاحرآ خوي يبي يهرب من حصة الاحصاء
رغد : علاش
راما : سبتله امه الله يرحمها اهه زين قصته طويلة
اني : حكاهالي عُدي امس يناري .. لكن بوه باهي كيف هكي مصح وجها ولده هكي يسيبه معقوله
راما : تعرفي بوه بكللل ميتحشمش متع نساووين ومش كويس اصلا ميمه فرحت لما بوه حطه عندها كان هدا تربى على يدين بوه و ولى زيه
اني : اي احسسن .. وهوا هكي جوه حلو معاكم ولا كيف
راما : اي اصلا هوا و ولاد عمامي و عماتي زي خوتي عايشين مع بعض وديما معماتي
رغد : ربي يخليكم لبعض ياريت عندي ولاد عم ولا ولاد عمه زيك
اني : اي حتى اني 😞
راما : ربي يعوضكم خير منهم
( طبعا اني ورغد حاكيين لراما كل شي علينا وهيا حاكيتلنا كل شي في حياتها )
اني : هي نخشو الجرس ضرب
خشينا الداخل وخدت راما الفلوس وحطتهم في جيبها و جتنا حني فـ المقعد ...
راما : وحدة منكم تجي معاي
اني : هي
طبعا كان عندنا حاسوب ...
راما : ابلة عادي نمشي للحمام اني و سمر
الابلة : برو
مشينا اني و راما لفصل سنـة تالتـة وطقطقت ...
راما : شوية يـ ابلة نبي خوي زيـن
طلـع زيـن و اني واقفة قدام باب فصلنا و نراقب فيهم من بعيد و اصلا المسافة مش هلبا ممكن 7 ميترو ....
زين : نعم شنو
راما : اهو جبتلك الفلوس
زين : منورة
راما : شن عندكم توا
اني ( بتوشويش لكن صوتي عالي ) : يـ فرررخة رااامماا ممشش وقتت تهددريييزك و مواااضييعك تووا هييااا فيسسع خفيي رووحك 😡😡
زين : غر بشويـا عليـك لا يـنفلتلک عـرق
اني : شنوو
زين : كانک طرشـة مش مشـكلتي 😊
راما : هههههههههههههههههههههههه يعطيهالگـم ضحـكتوني زي كـوشي و ارنـاف ما بعـد العـدواة حـُب 😂😍
اني : راااااامااااااااااا 😡😡😡😡😡😡
راما : ههههه به به خلاص اهو جاية 😂 هي تشاو زينو 😉
اني : -_- هيااااا -_-
زين : تشاو بريلها خير ماتاكلك
اني : تحسابني جعانة مالا 😏
زين : الباين هكي 😜
اني : به به هيا راما هيا
خشينا للفصـل و قعمزنا في المقعد ...
راما : هههههه و الله منضركك يضحـك بااهي 😂😂
اني : و هوا مبرررده مستفززز ولد عمتكك هدا هلبا 😑😑😑
الابلة : انتِ وياها من بكـري تهدرزو شن في
اني : لا شي يـ ابلة
الابلة : تهدرزي و تكدبي زيادة نوضي اطلعي برا انتِ وياها
اني : شكلاا اليوم مش فاايت على خييير
( واليوم حطمـنٱ الرقـم القـياسـي فـ الطـلـوعّ )
طلعنا البرا في الممر لقينا .......😱😱😱
اني : حي علييييا 😰
......
زعـمٱ مـن فـي فـ المـمـر !؟
و هـل الشـخص هـدا مـهم بالنـسبة ليـهم ؟
و زعـما صح دوة راما عـ زيـن و سـمر ؟!
و كـان صـح بـيرتاحو مع بـعض او لا ؟!
انـتضروني في حلقة جديدة من روايـة
{ حـكـايـة مـُراهـقـة } ❤
الكـاتبة : غــُـفـران 💟
-ـــــــــ-ـــــــ-
هـي السـربرايـز هواااااااا 🎆🎈🎆🎁
...................................................
...........................................
.................................
.......................
...............
........
لـوڤكـم كـلـكم ... ❤💋
