Bunsu bubut enggau burung ruai
Ensera bubut enggau Ruai
Nyadi dulu suba maya kitai iban agi besirat serta dunya kitai agi latung.Bisi dua iku jelu udu bebakih manah amai.Kin siku,kia siku.Semampai entudi burit pangan diri.Kenu ko jerita siku bunsu bubut nama,angkat siku bunsu Ruai.Seduai iya burak churak bulu.Ruai tu sigi te meruan ngabang agi bubut.Seduai iya udu berandau duduk atas adan kayu tiap lemai.Pemuas seduai iya berandau betunggal mua.Dia dih Bubut alit ati.Kati tau daun kayu tau churak hijau?pea ko Bubut bejaku enggau Ruai.
Nyau sepengudah seduai iya berunding.Digiga bubut enggau Ruai mih daun siti,churak bungai ke warna merah enggau churak bukai ga.Sepengudah tiga minggu Churak daun nya di peram seduai iya.Nyau nyadi churak ga .
"Bah!uji kitu dulu nuan ruai," pia ko bubut."nama dih ?" pia ko saut Ruai."Nai aku ka ngukir bulu nuan."ko bubut bejaku.Nya mih Ruai alu mansang agi bubut.
Nyau lama udah belalu,Dia bubut bejaku ngagai ruai."Peda nuan pengelandik bakih nuan tu ngukir bulu nuan."ko bubut."Nama nya mekang-mekang tembu dih bakih."ko ruai nyaut."Ka tembu mih tu bakih"ko bubut.
Kira setengah ari nama dih?tembu mih nulu Ruai di ukir bubut nya .Amat landik ga bubut tu kenu ko jerita.Manah endar ga utai ukir iya.Nyau enda ngadang ,enda disadang.Peda te bala entak kaki mensia ti ka bejalai di dinga seduai iya."Apu bakih ,jampat agi kih tua.Peda nuan mensia nyin."ko Ruai.Te ambi Ruai ga Churak merah enggau churak hijau.Alu tanjah iya ba tubuh bubut.Ruai enda bebah mai bubut rari.Bubut chukup pemedis ga ati iya.Churak tubuh iya enda berapa manah ketegal mensia.
Pengambis nya mih Bubut lalu besumpah dalam ati iya munyi tu.
"Ni kitak petara aki,
Ni kitak petara ini,
Ni kitak petara yang,
Ni kitak petara manang,
Ketegal mensia mih bulu aku enda mih bulu ku enda manah.Nyadi diatu ku besumpah .Sumpah makai salau,semak puni anang ngalau.Enti bunsu Petara ka ngambi semengat sida iya.Aku dulu agi ngambika petara.
Bakanya mih jerita bunsu bubut enggau bunsu ruai nya.Ruai tu nama dih ngeso ke bulu iya ti manah.Angat Bubut tu semampai begedi ati agi mensia.Nyentukka sari tu bubut sigi ngemai semengat mensia ti deka nyau.
