KENANG PASAL UKIR BA PENDAM
KITAI IBAN KELIA.
Kitai sama bela nemu pendam tok siti ari endur kitai Iban numbak ke bangkai orang ke udah nadai.Kelia Pendam kitai iban mayuh agi di gaga orang nitih ke tusun pangkat. Tang diatu adat nya enda entu di guna agi laban kitai Iban udah tebal agi ngembuan pengarap baru baik ke Kristian tauka pengarap bukai. Kelia ko jerita pendam enda ulih di abas tauka di lawa kitai ngapa enti enda ari aum tauka ari pinta ngagai orang ke tuai. Tang diatu Pendam tu ulih di abas kitai ninting hari lalu mega di peresi ke kitai nitih ke asai ati kitai ke ngembuan bala ke ditumbak ke ba endur nya.Kelia langkau ba pendam mayuh ke di gaga nitih ka penyinu kitai ke agi idup. Lalu di ukir kitai nitih ke cara pengidup niang sekumbang ke nguan dunya. Nyema jako enti iya ke mati tu ngembuan penemu ke lebih agi ari orang bukai, diak ukir langkau pendam ia kira ke lebih agi mega. Kelia ukir pendam tu enda tau di tempa sengapa aja, ukai mina kelia diatu pan sama mega.Enti enda orang ke mati nya tau ngeregau kitai ke agi idup ti ngujungke kitai ulih (Sakit) nyema jaku enti ngukir pendamnya ukai enggau pematut.Ukir ba pendam enda sebaka enggau ukir kitai ke agi idup aba sebelah dinding rumah tauka ukir kitai sebelah tubuh. Nya alai enti ngaga ukir enda tauk di gaga ngapa ngenangi ke kitai enda ulih napi penanggul baka sakit ke ulih nuntung ari ukirnya tadi.
Pulai ngagai pun jerita kitai tadi, kitai semina ulih ngubah/ngaga ukir enti nyema ia kemati nya minta ukir ti kedeka iya maya ia ke agi idup tauka dalam mimpi kitai bisi dipinta ia ngaga utai bakanya.
Bah nya aja jerita ngenang ukir aba pendam kitai iban
