Selamat lemai ruai ISSD, ditu aku deka bekunsi jerita siti Batu Babi, ni naka ke udah dibaca, dikingat, ditusi meh. Minta ampun enti jalai jerita tauka bisi salah tampung, anang meh nganu minta kita ke dalam group whatsapp ditu ngeluruska ya au. Au, Kira ke beratus taun udah nyadi, di menoa Kesit Lemanak bisi tuai kitai iban siku benama Juyu. Kenu ko jerita tuai Juyu tu landik dalam pengawa ngasu. Bisi sekali maya Juyu nurun ngasu bebai ke sangkuh, duku enggau bala ukoi lalu nuju Bukit Melepi, betati ngiga babi ke suah enda ulih sida serumah kebuh ke ngasu kia. Datai meh Juyu ba Bukit Melepi tu tadi bisi meda bekau babi agi baru endar. Nya meh seari-ari meh Juyu tu nitih bekau babi nya ngelingi Bukit Melepi. Nyau lelak ikak meh tudah tuai, baru ka ngetu belelak dia ya tepeda ka babi cukup besai, lalu di lengka ya sangkuh semina mai duku aja meh tuai tu tadi. Nya meh babi rari udah meda Juyu tu tadi. Juyu ngagai babi nya lalu dipantap ba tengan belakang babi, sereta dipantap iya babi nya tadi lalu bebali nyadi batu. Juyu pan lalu luput kenu ko jerita lalu bemimpi betemu enggau babi nya tadi, babi nya madahka Juyu menyadi iya ke benama "Pengiran Said" agi bedau idup. Dani Juyu pagi siti lalu nusi mimpi ya ngagai Jalang. Udah Jalang ninga tusi mimpi Juyu nya, dia iya lalu nurun nangkin duku nyan sangkuh mai ukoi lalu nurun ngasu ngagai Bukit Melepi. Datai ngalih hari babi di nan. Babi nya di nan ba baruh batu sigi ke tinggi. Amat tak besai babi dipeda ya lalu taring ya mega nyelaie, lalu ditumbuk Jalang tang salah nadai ngembar tubuh. Babi nya pan lari, ukoi Jalang pan enda mega nitih ka. Jalang pen lalu mulaika diri ka rumah. Malam nya Jalang tinduk bemimpi betemu enggau babi nya tadi, dia babi madahka Jalang enda tulih ka iya enti bisi tetupi le ukoi siku burak lebus nyentukka kukut, siku chelum apus, lalu siku mansau bekungkong terus nya baru Jalang tulih ka babi nya. udah nya Jalang dani lalu nemu nya mimpi iya. Kenu ko jerita ditampung sida ke tuai datai ke saritu babi nya lalu apin ulih pia mega tau besai tau mit. Tang dalam setaun enda tau enda iya datai kia. Minta ampun enti jerita ditusi aku enda nyemetak laban pengingat aku enda berapa, aku nusi ka ensera Tua lbn aku rindu ka ensera kitai Iban pia mega cukup manah bisi utai bansa tu endur mantai randau adat iban sereta jaku geliga, silup, sempama, main asal dibantai dalam. Ba ditu mega aku bekunsi ka gambar Batu Babi ba Kesit Lemanak, Engkelili.
