Dulu kelia bisi dua iku urang diri melaki bini, iya ka laki benama Busut iya ka indu benama Umang. Seduai lama udah jadi lalu suah beranak. Tang lebuh maia anak manah dikayam dia tak mati magang ngujung ka seduai nadai bisi anak mati agi biak magang. Busut mega nampung ngibun bilik lama sida.
"Nama daya aku tu suah ga bini beranak tang semua enda nyadi". Iya mega berunding bebunuh buyu tang buyu enda ga mati. Ari siti mati ga anak ti dikasayau ka iya umur setaun lebih. Busut bisi tiga iku diri menyadi. Meda anak iya mati magang pedis ati Busut lalu mai bala meyadi iya ngipa nama utai ti munuh anak iya. Udah sida empat cukup rengka enggau senyata dia sida empat nurun ke pendam nengkila ka sapa ka selalu ngacau bangkai anak iya enggau urang bukai. Sida empat diri meyadi pen nganti bak pendam. Kira nyau silau ari dia sida empat meyadi ninga munyi utai datai ari ili. Apin lama udah nya sida meda siku antu nyau bebulu semua dada ninggi tulang perabung datai enda camang camang ada ngerumbak bangkai anak Busut. Lebuh iya ka ngangkat ka anak mit idup mecelak mata lalu nemu katawa.
"Nuan ka selalu ngacau munuh anak aku sepi asai nuan lagi.."
Enda muai ari agi sida empat lalu nebang beti antu. Dua iku meyadi iya tadi lalu numbuk dada antu nya ngena sangkuh.Engkudah enda nemu tunga nyepi diri bakal raya di dada pungga urang sebelah mua antu nya tadi lalu ngebu ka diri rari enda bapai enda bidai. Rari antu sida tiga nyidi darah di peda belama. Titih ka sida peda darah nyau beacir acir sebelah tanah. Titih ka sida empat peda darah niti tangga niki ka rumah.Datai di rumah darah nyau masuk ngagai bilik sida Busut. Datai di bilik darah agi balat bekau teritik niki ka sadau.
Datai di sadau peda lanji agi cukak cukak sangkuh ngujak ditumbuk sida di pendam tadi. Nyau abis carik ridang bekau pantap Bunsut enggau meyadi iya tiga iku. Di peresa lanji alai sida nemu tulang anak iya magang.
"Nuan tu antu ngacau munuh makai anak aku ngelamatu".
Busut ngambi lanji nya sereta nunu iya ngagai api. Lalu anak bunsut ti pulai idup baru mega di bai pulai serta dipelian ka semengat lalu idup meyana nadai utai ngacau agi mati sampai ka tuai.
