ابتسمت وقلت ليهوا اسمك حلو قال لي تسلمي يا قلت ليهوا رزاز قال لي عاشت الأسامي في اللحظة دي تلفونو رن قام فتح الخط وكوك وهاااج وقفل الخط وبقي سايق بي طريقه مخيفه قلت ليهوا في شنو قال لي امي عيانه وهسا في المستشفى 😢💔 حسيت بي كميه الخوف جوه عيونو 💔وصلنا المستشفى ونزل من العربية وقام جاري وانا جاريه بي وراء دخلنا جوه لقينا مجموعه من الناس واقفين وهو طوالي بقي يكورك امي ويناا وهم يهدوو فيهوا قال ليهوا الدكتور قاعد يفحصا طبعا ولا انتبهوا لي وجودي بعد ربع ساعة الدكتور جاء مارق وقال انوا هي م اخدت الحقنه حق السكري عشان كده تعبت وهسا بقت كويسه وممكن نخرجا اليله اذا حابين أيهم قام قال للدكتور ممكن ادخل اطمن عليها قال ليهوا اتفضل دخل جوه وبعد عشره دقائق جاء طالع وقف جنب بت وقال ليها انا كم مره نبهتك انو م تهملي امي وتديها الحقنه في ميعادوا ورفع يدوا عايز يديها كف ✋ مسكتو من يدوا قلت ليهوا ده بي الضرب ماف شي بتتحلا وده م اسلوب تتكلم بيهوا مع بت وامك الحمد لله كويسه 'الدكتور طمنا قام قال لي انتي م تدخلي بيني انا واختي فاهمه 😠ونادى ليهوا واحد شاب من الواقفين ديل قال ليهوا وصل الانسه قام الود جاء علي قال لي يلا قلت ليهوا دقيقه دخلت الغرفه الفيها ام ايهم لقيت لي مره مشاء الله سمحه سماحه البشوفا بقول اخت أيهم الكبير مش امو مشيت سلمت عليها وطلعت مره ظريفه ودعتها وجيت طالعه قلت للود يلا مرقنا من المستشفى قال لي دقيقه اجيب العربيه واجي جاء بي عربيه مشاء الله سمحه سمااحه 😍😍فتح لي الباب من جوه ركبت واتحركنا قام سالني من اسمي قلت ليهوا رزاز قال لي بتقري قلت ليهوا بقرا هندسه في الخرطوم في التاني قال لي الجميله المستحيله انا زاتي بقرا فيها اداره 💛 في التاني وبالمناسبة انا اسمي مؤتمن قالت ليهوا اتشرفنا قال الشرف لي بقينا نتونس كده قمت وصفت ليهوا بيت نرووم قام قال لي انتي بتعرفي أيهم من وين قمت رصيت ليهوا كل الحصل من البدايه 😂😂😂😂😂💔الود من كتر الضحك قربنا نعمل حادث 😂😂😂😂وصلنا الحله كان عايز يدخل الحله لكن قلت ليهوا اقيف هنا قال لي قلت ليهوا م تجيب لي هواء 🐸💔قال لي تمام قلت ليهوا عايزه تلفونك دقيقه اداني ليهوا اتصلت لي نارمين قلته ليها انا في الظلط تعالي قال لي كويس قفلت منها نزلت من العربية وقفت شويه جات مع أخوها الصغير جات سلمت علي وعلي مؤتمن يلا لاحظت انوا مؤتمن مركز مع نارمين 🐸💔قمت قلت ليهم لو خلصتوا خلونا نمشي 😂😂 مؤتمن قال كويس يلا تصبحوا على خير ومشي اما نرووم تشيل وتحمر لي 😒 😂😂😂
