وصلنا المول عبير اتصلت على عمار قال ليها ادخلي انا قاعد جوه والاء اتصلت على امير قال ليها قربت اصل ويلا سلمي ونارمين سناجل 😂😂💔المهم دخلنا جوه لقينا عمار منتظرنا بعد شويه جاء امير الاولاد مشو جابوا فشار وقطعوا التزاكر دخلنا حضونا الفلم طبعا كان رومنسي 💕بعد الفلم خلص كل وحد شتت مع حبيبا وسلمي ونارمين قالو عندهم موضوع م حيمشوا معانا ودعتهم ومشيناانا وامجد لمن قربنا البيت وقف العربيه عايزه انزل مسك لي يدي لمن اتخلعت 😨قال لي مالك انتي مش حقي 💜خجلت ونزلت راسي 🙈 قال لي وحلات البخجل ده طوالي فتحت باب العربيه معليش عندي جفاف عاطفي وما متعوده علي الكلام الذي زه😂 قام ناداني التفت عليوا قال لي بحبك 💗انا طوالي قلبي اشتغل شغل الجن 😂😂💔لمن سمعته ليهوا صوت في اضنيني 😂😂جرين دخلت البيت سلمت علي امي وأبوي بالاحضان لمن اتهجموا وسالتهم محمد وين قالوا مشي الميدان دخلت غرفتي استحميت صليت الظهر والعصر ونمت صحيت المغرب صليت وفتحت النت لقيت رساله من امجد رديت عليهوا واتصلت لي نرووم ورصيت ليها كل الحصل 😂😂قالت لي طلعتي فالحه والله لقيتي ليكي واحد يمرقك من السنجله قلت ليها العقبه ليكي 😂😂امجد دخل لي انتظار طوالي علقت نرووم 😂😂 ورديت عليه اتونست لمن العشاء اذن قفلت منو ومشيت صليت وطوالي نمت استمر الحال شهر كامل انا بقيت متعلقه شديد في امجد وكل يووم مارقين مع بعض ومرات بجيني في الجامعة في يوم كنت قاعده مع الشله سلمي قالت لي اديني تلفونك عايز احول منو حاجه اديتا ليهوا وقعدت اتونس مع نرووم بعد شويه ادتني تلفوني حضرت محاضراتي ورجعت البيت اتصلت لي امجد م رد علي نمت وصحيت العرب صليت واتصلت عليهوا اداني مشغول ختيت التلفون في الشاحن ورقدت نمت الصباح صحيت م لقيت منو اي رساله ولا مكالمه استغربت استمر الحال أسبوع كامل💔 مرات بزد علي وبقول لي مشغول ومرات بتشاكل مهاي من دون سبب مره اتصلت لي عصومي وقلت ليهوا عايزه اشوفك قلل لي تعالي جنب الظلط بجي اسوقك مشي الظلط لقيتوا واقف سلمت عليهوا مشينا كفترياء قعدنا حكيت ليهوا الحاصل قال لي تصرفاتوا دي م بتطلع من يا مضغوط في للشغل ي قاعدد يخونك بعد داك وصلني الجامعة حضرت المحاضراات ومشيت البيت تاني يووم جيت الجامعه حضرت المحاضرة الاولي وم فهمت شي طلعنا مشينا الكفترياء عبير قالت لي مالك الليله قلت ليها مصدعه💔 قالت لي اديكي بندول قلت ليها بلعت قمت مشيت الاستراحة نارمين جات بي وراى قالت لي حنك الصداع 😏ده م خش راسي احكي مالك قلت ليها ماف حاجه قالت لي نحن صحبتنا م صحبه امس او اول امس نحن من الثانوي احكي قمت حكيت ليها 😭😭💔قالت لي انا شاكه في سلمي دي من يووم م شالت تلفونك بقت تصرفاتا غريبه وليها يومين م جات الجامعه قلت ليها بطلي هبل وخلينا نحضر المحاضر حضرنا المحاضرة وجاتني رسالة من رقم غريب مكتوب فيهوا لو عايزه تعرفي امجد متغير منك لي شوفي الصور هو خطب يوم الأحد ولوا م مصدقه تعالي في الحته(....) وريت نارمين الرساله بعد شويه جات صوره نازله فيها امجدوسلمي وهم قاعدين يلبسوا الخواتم لي بعض طبعا م صدقت لكن نارمين اصرت انو نمشي قمناأجرنا لينا امجاد ومشينا وصلنا الحته وكانت شبه فاضيه دخلنا جوه لقيت امجد ماسك يد سلمي وقاعدين يضحكوا طوالي مشيت عليهم وامجد اول م شافني قام وقف طوالي 😢
