انا من الخووولعه م قدرت اتكلم شكلي كان كده 😨امي ومحمد والبنات جوو جارين يسالوا في الدكتور عن وضع ابوي الدكتور اما انا طوالي رجعت لورا قعدت لي في كرسي
الدكتور قام طمنهم وقال ليهم اتخطي مرحله الخطر بس عندو كسر في الساق وارتجاج في المخ امي طلبت منو يدخلا لكن هو قال الا بعد ينقلوا غرفه عاديه وطمنهم ومشي امي شغاله تدعي ربنا وتحمدوا علي سلامه بابا 💜
اما انا في عالم تاني وراسي جااايط 😖نارمين جات قعدت جنبي قالت لي رزاز انتي اقوي من كده مش قولتي خلاص نسيتيهوا انا طوالي حضنتها وبقيت ابكي 😭😭😭😭💔
يلا انتوا بقيتوا م فهمين حاجه عشان تفهموا لازم نرجع سنه لوراء 😊
قبل سنه 🐸
مره جيرانا رحلوا مننا وقاموا عزمونا غذاء اسمها محاسن يلاانا وامي مشينا ليهم يلا ناس خالتي محاسن عندها ولد اسموا احمد عندوا8سنوات وفاطمة 10سنه يلا احمد شقي جنس شقاوة 😂💔
يلا ضيفتنا وأثناء الونسه احمد مرق الشارع وبعد شويه جاء راجع وهو بيكي 😭😭سالتوا مالك بتبكي قال لي حسون ضربني 😂😂ولا اغشكم سقتوا معاي ومشيت الشارع سالتوا يأتوا فيهم حمودي قال لي هداك الابس قميص اسود طوالي مشيت مسكتوا من قميصوا ونزلت فيهوا لووووب لووووب 💔لبعتوا سمح في ضهروا وجيت سالت احمد كده كفايه ولا امشي اتمها ليك قال لي هو انتي خليتي فيهوا حاجه 😂😂💔ضحكنا ودخلنا البيت اتغدينا سمممح وودعناهم الدنيا كانت مغرب يلا مرقنا منهم بعد م مشينا خطوتين سمعت صوت عربيه بصفر انا وامي زحينا من الطريق تاني قام ضرب بوري التفت عشان اعاين ده منو وياريت م التفت شفت لي عربيه سمحه جنس سماحه وطاعمه جنس طعم 💔😂ياخي عربيه انظف من نيتي
زاتوا 😂😂😂اثناء م انا سارحه مع العربيه سمعت لي صوت شافع شغال يقول ياها زاتا ي امجد البت الدقتني 💔 الليله م تخليها اضربا بي العربيه 😂😂😂💔 امجد نزل من العربية وجاء علينا ياااخ الود سمح جنس سماااحه تحلفوا تقولوا شارد من الجنه كان شفتوا متوسط الطول لونوا قمحي وعندوا وجنااات 💔ونظيف في سري قلت انظف من نيتك ي نروووم 🐸💔 ولا التوسانا مووووبالغه 🐸💔
سلم علي امي سلام معرفه كده وسلم علي وسأل اومي قال ليها دي بتك امي قالت ليهوا اي بتي الكبيره رزاز قال ليها مشاء الله سمحه ذي امها انا في اللحظة دي بقيت اتكشم واتبسم حاولتا م اضحك واحاول اتزكر المواقف الحزينة😂😂💔 الفي حياتي بس من دون فايده 💔المهم بعد نقاش طويل مع أمي قال الا يوصلنا البيت ركبنا معاهوا العربية أمي ركبت بي قدام وانا ركبت بي وراء الود الدقيتوا قبيل جاء قعد معاي بي وراء لمن وصلنا البيت الود ده مكشر💔 لي الظاهر الدقه لسع واجعاهوا 😂😂😂💔والله قربت ادقوا تاني لكن شينه في حقي ادقوا وأنا راكبه عربيتهم عشان كده احترمت نفسي ولميت يدي 😂😂💔
