وصلنا البيت ذي العشاء كده نزلنا من العربية امي قاالت ليهوا يدخل معانا لكن رفض امي زعلت😢 منو لكن هو راضاها قال بجي يشرب شاي المغرب 😊قالت ليهوا خلاص اما انا الابتسامه للضرس الاخير 😁😁غايتوا جنس شلاقه 😂😂😂ودعنا وفات
مشيت غرفتي ورقدت في السرير والابتسامة شارطه خشمي
اتصلت لي نرووم ورصيت ليها كل الحصل 😂😂
قالت خلاص بكره بجي اشرب معاكم شاي المغرب 😁💔سفهتها سمح وقلت ليها اووووعك تجي وقفلت منها 😂
قمت صليت المغرب والعشاء وطوالي نمت 😴الصباح بدري صحيت مشيت استحميت صليت وشربت الشاي ومرقته مع ابوي للجامعه
وصلت البوابة واتصلت لي نروووم جاتني مشينا القاعه لقيت عبير والاء وسلمي سلمت عليهم وقعدته حضرنا المحاضرة الاولي ومشينا الكفتر يا فطرنا وتاني وجعنا القاعه حضرنا المحاضرة وكذلك المحاضرة التالته مرقنا وانا عيوني واجعاني وراسي عايز يطرشق من الصداع 💔
في وقم غريب اتصل لي رديت طلع امجد 💜قال لي اطلعي انا منتظرك بي بره كلمت البنات ومرقنا الشارع
لقيتوا متكي علي العربيه نرووم قالت لي اوعك تقولي لي المزه ده هو امجد 😱آلاء قالت لي لقيتي ده وين 😱اما عبير قالت اححي ي رزاز شوفي حلاوه الفريم واللون النظيف والتوسان 😱😱
طوالي بقت تغني أغنيه الدولي
التوسانا القراء معانا 😂😂😂💔
قلت ليها ايوى امجد قالت لي قولي اقسسم قلت ليها اووووغسسم 🐸💔قلت ليها م تنبرشي ساااي ده زولي 🐸عاينت لي كده 😒😒قالت لي من متين بقي زووولك قلت ليها من اسسسي 😜😜المهم ودعتهم ومشيت
سلمت عليهوا قال لي أركبي قلت ليهوا ماشين وين قال لي ح اخطفك اركبي بطلي النقه 😂😂
ركبت بي وراء عاين لي 😒😒قاال لي أنا ما الشوفير بتاعك تعالى قدام 😤مشيت قعدت بي قدام وقلبي شغال ذي دلوكه أنصاف والله 😂😂😂طول السكه ساكتين قام شغل اغنيه مصريه
لما شفتها قلبي دق تلات دقاات 💓💓💓
والطبله دخلت عملت جوه دماغي حاجات 💜
قلبي عمل ششششح 😂😂💔
وكل شويه بعاين ليهوا بي طرف عيوني ولمن يعاين لي بعمل راايحه 😂😂😂وصلنا بيتا نزلنا دخلنا البيت ومحمد جاء ساق امجد وداهوا الصالون دخلت المطبخ كنت جعانه قضيت علي الاخضر واليابس 😂😂
مشيت غرفتي استحميت ولفحت لي توب هزار وجيت طالعه أمي نادتني مشيت ليها قالت اعملي الشاي وجيبي في الصالون دخلت المطبخ عملت احلي شااي وجيت دخلت الصالون وانا بتخجل لمن غلبني اصب الشاي 😂😂
ابوي جاء داخل سلم عليهوا وقعدوا يتونسوا المغرب اذن مشيت صليت وجيت لقيتوا مارق ودعتوا ودخلت غرفتي اتصلت لي نرووم ورصيت ليها كل الحصل 😂😂 ضحكنا سووى وقفلت منها
