صحيت علي صوت الباب قلت ليها اتفضلي وكانت لينا قالت لي قرمي البسي عشان بعد ده حنتحرك قلت ليها سمح قمت مشيت الحمام م عرفت افتح المويه كيف يلا اثناء م انا بطيز مديت يدي تحت الحنفيه المويه بدت تكب طبعا اتخلعت 😂😂😂بقيت بلعب ساي امد يدي المويه تكب اسحب يدي المويه تقيف اتخيلوا المنظر 😂😂😂😂قضيت نص ساعة بلعب كده بعدين استحميت وطلعت قلت كدي اشوف اللبسه فتحت الصندوق 😍😍😍كان فيها فستان اسود مطرز ضيق من فوق ومنفوش من تحت وطرحه فضيه واسوره فضيه وجزمه كعب عالي يالفضي والاسود حاجه كده موبالغه لبست ووقف في المرايا لينا جات داخله قالت الا تسوي لي مكياج ن قصرت معااي عملت لي مكيااج مووبالغه سمح لمن م عرفت نفسي جينا نازلين أيهم فتح خشنو 😂😂💔وامو شغاله مشاء الله اتحصني ي بتي 😂😂💔ركبنا العربية انا ركبت بي وراء مع لينا ولجين و ايهم وامو بي قدام وادهم ومؤتمن وموتوا ونرجس جو بي ورانا وصلنا الصاله كانت تووحفه من دخلنا الأنظار دي علينا حسيت نفسي انا العروسه😂😂قعدنا غي طربزه انا ولينا ومؤتمن وايهم وكل م ارفع راسي القي أيهم بعاين لي لمن شكيت شغاله اتكلم مع نفسي يا ربي يكون الروج اتخرب والحل سال 😂😂💔لينا قالت لي الروج ظابط والحل م سايل م اشتغلت بي الموضوع كتير الحفله بدت والعرسان جو خاشين ورقصوا اسلو 💃 💃امي وابوي ومحمد جو داخلين مشيت سلمت عليهم وكانوا قاشرين قشره لمن م عرفتهم قلت لب محمذ لو م كنت أخوي كنت جكستك ولي امي قلت ليها خلاث بخطب ليكي اخو العريس 😀😀😀😀اما ابوي مشاء الله قلت ليهوا انت اشر بس ونحنا بنجيبا ليك 😂😂😂💔وبعد شويه الحفله بقت راابه وغنوا غنيه كضاابه طوالي نزلت الساحه 😂😂💔حتيتا حت حتن طلعت مشيت علي الطربيزه القعدين فيهوا لينا واخوانا لقيت امجد قاعد كنت عايزه امشي لينا قالت لي تعالي اعرفك هلي رد خالتي في اللحظة دي امجد رفع راسو عاين لي مديت ليهوا دي وسورع سحبتها 💔قلت لي لينا انا ماشه بره اشم هواء واجي قالت لي كويس مرقت بره كانت في حديقه حلوا اثناء ماشه حسيت بي زول مسكني من يدى التفت لقيتوا امجد جريت يدي منو وقلت ليهوا اوع تاني يدك تصلني 😬😬قال لي آسف كنت عايزه امشي امشي وقف قدامي مشيت بالجه التانيه برضوا وقف قدامي تاني عايزه امشي تاني وقف قدامي انا هنا خلاص اخلاقي ضاقت 😬😬قلت ليهوا زح من قدامي قالي رزاز عايز أتكلم معاكي قلت ليهوا انا م عايزه معاك اي كلام اخطاني قال لي الليله م حتمشي قبل م تعرفي الحقيقة قلت ليهوا م عايزه اسمع صوتك زح من قدامي وبقيت ابكي وختيت يدي في اضاني في اللحظة دي أيهم جاء مسك امجد واداهوا بونيه 👊وامجد رجع ليهوا البنيه 👊💔بقيت اكورك لي أيهم عشان ن يتشاكلوا لكن لا حياه لمن تنادي وانا طوالي بقيت جاريه وابكي 😭😭😭😭💔لمن حصلت الظلط كنت عايزه اقطع الزلط لكن في عربيه ضربتني وجرت أيهم وامجد كانوا جارين بي وراي لمن جو انت كنت خلاص غرقانه في دمي امجد طوالي جررر رجع وأيهم جاء جاري علي رفع لي راسي لقاني بنزف شديد وهو يبكي😭😭😭💔 شالني وبقي يكورك ي ناس ي عالم الحقوني حبيبتي قاعده تموت 😭😭😭💔في عربيه وقفت جنبو ونزل منها امجد وفتح ليهوا باب العربيه ركبني وخت لي راسي فوق رجوا وهو قاعد يمسح علي راسي ويقرا لي القران 😭😭😭😭💔امجد كان سايق بي سووورعه وصلنا المستشفي الشغال فيها امجد ونزلوني جابوا السرير رقدوني وجروو بي لي غرفه العمليات امجد قال عايز يدخل لكن رفضوا قال ليهم انا دكتور بس رفضوا اتصلوا لي ناس امي جو جارين كلهم بعد 6ساعات الدكتور خلص العمليه وطلع قال ليهم العمليه نحجت بس المريضه دخلت في غيبوبة كلهم بقووا يبكوا وامي داخت ودرها في غرفه وركبوا ليها الدرب صحت بعد ساعه وتاني بقت تبكي 😭😭 والناس دي تبكي كانوا مات ليهم زول مره 6شهور من دخلت الغيبوبه وكل يوم امي وابوي بجوو يتونسوا معاي وبطلعوا ومحمد بجي بعد المدرسه بقول الليله ادوانا كده وكده ويقعد يسمع لي ويبكي 😭😭😭ويقول لي والله اشتقت ليكي قومي خلاص تاني بسمع كلامك واترسل الدكان وما ح صحيكي بالمويه وح اقرأ بس عليكي الله قومي ونارمين كل يوم تجي تحكي لي حصل شنو في الجامعة وتقول انوا الجامعة مسيخه من دونك وتبكي وتطلع نفس الشي الاء وعبير 😭😭😭💔يقولوا تاني البردح لينا منو واماني ولينا وعصومي كل يوم بجيب لي شكولاته ويقول لي رزاز اذا م قمتي انا ح اكل الشكولاته البتحبيها ويقعد يبكي ويطلع امااماني ولينا يجو يحكوا لي عن حال أيهم واما لجين كانت لتقول لي نزاز تومي ددميني مش انتي قلتي لي ددومك ذي الدلابيه(رزاز قومي مش انتي قلتي لي انو جضومي ذي الزلابيه وتبكي وأنا كنت بضحك 😂😂😂لكن من دون صوت😭💔)
