الصباح امي جات صحتني عشان امشي الجامعة قلت ليها م ماشه خليني انووم طوالي هاجت فيني 😂😂تساهري لي نص الليل في التلفون وتجي تنومي لي لحدي الضهر 😬😬بسم الله ي امي هسا منو كان مساهر م تظلمي التلفون ساكت 😀😀قالت لي قوومي بطلي قلت الأدب قلته ليها سمح
استحميت وجيت غيرت وطلع مشيت لي ابوي صبحت عليهوا شربنا الشاي سوي ومشيت غرفه محمد لقيتوا بشخرر رشيتوا بي كوز مويه وجريت طلعت 🏃 الشارع اتصلت لي نارمين قلته ليها انا جايه اليوم الجامعة قالت لي انتي وين قلت ليها جنب البيت هسا ماشه علي الظلط قالت لي م تركبي المواصلات انا جايه عليكي قلته ليها سمح بعد خمس دقائق وصلت سلمت علي بالأحضان وهااك ي بوساات 😘😘قلته ليها من الاخر كده انجزي عايزه شنو ما تعملي فلم هندي 😂😂قالت لي يخس عليكي والله مشتاقه ليكي لكن خلاث انجزي ادفعي للركشه🐸 وخلينا نمشي بالمواصلات 😀شفتها كده 😒😒ومشيت دفعت لي سيد الركشه وجت ليها لبعتها في ظهرها 👊لمن عيونا طلعوا براا 😂😂💔
ركبنا المواصلات ووصلنا الجامعة اتصلت لي آلاء وعبير قالوا قاعدين في المكتبه يلا حفارات خلاث 😂😂
مشينا القاعة طبعا عندي حركه اقعد فوق البينش 😀💔يلا الناس دخلوا مره عشرة دقايق والاستاذ لسع ما جاء قلنا خلاث اصلا م حيجي قعدنا نضحك ونتونس فجأة الناس دي صنت 😯يلا لنا لسع قاعده فوق البينش وبضحك آلاء قالت وااي اموووت ولا اقلب عنكبوت 😂😂😂التفت عشان اشوف في شنو لقيوا الود السمح دااك الطقشنوا 😑😑قام قال لي انتي م قاعده في نادي انزلي من البينش 😬😬طوالي نزلت براحه قعدته 😢عاد كان أتناقش معاهوا بنطرد من المحاضرة 😂😂قلت لي نرووم ده ياهوا الود الكشحت فيهوا العصير 😂قالت لي عاد بالغتي بووليغ 🐸والرد بداء يتكلم قال انا بديل استاذ منزر لحدي المغرب عبير قالت لي والله الود ده انظف من سمعتنا 🐸💔عاد بالغتي ي عبير 😂😂💔ده كلوو عشان الود ده آلمهم المحاضرة خلصت طلعنا بره القاعه أنا راسي كان واجعني شديد قلت للبنات دقيقة ابلع حبه الصداع واجي مشيت الكولار بلعت الحبه يلا راسي لفاا وبقيت اشوف طشاش والشمس كانت حاره كانت في شجره نيم بعيده شويه مشيت قعدته وتاني م حسيت على نفسي اما نارمين وعبير والاء لمن اتاخرت بقوا يفتشوا وم خلوا مكان في الجامعة م فتشوها في النهاية قالوا يمكن مشت البيت وهم كمان فاتوا 💔
