يلا نحن ماشين كده مرينا علي الباب كان قزاز لمن شفت منظري اترعبت عديل يااخ انا لو صوروني سااي بعمل فلم رعب👻👻 😀😀😀الحكل ساايل كيف والشعر طالع والشال ملفوف كيف اليشوفني يحلف يقول دي مجنونه 😀😀💔 لمن شافني مهجوومه من منظري قعد يضحك 😂عندوا وجنات مووووبالغه 😍😍لمن خلاني اضحك معاهوا 😂😂
قال لي امشي اغسلي وشك وتعالي مشيت الحمام غسلت وشي وصلحت الطرحه لا اقصد الشال 😂😂وجيت مارقه طبعا م لقيتوا 😯
دعيت ليهوا عشان شال الأكل وفات 😂😂💔يلا مشيت غرفه ابوي اول م فتحتها 😨😨لقيتوا قاعد في الكرسي وبتونس مع ابووي 😨😨طبعا طبعاً اتخلعت خوووولعه ابوي لمن شافني واقفه قدام الباب ناداني مشيت عليهوا قام بقى يضحك فيني 😂😂قال ده هسا منظر قلت ليهوا ابوووووي 😒😒قام قال خلاص سكته 😀يلا عمنا قال ماشي أبوي شكروا وبعدين قام طلع طوالي قبلت على ابوي قلته ليهوا انت بتعرف الود ده قال لي انا وابوهوا اتربينا سووي المهم بقي يحكي لي عن ابو الود وكيف هم كانوا مع بعض و كتير
نرووم مرقت لينا الاكل أكلنا وشربا وقمت مشيت الحمام نرووم جات لاحقاني قالت لي احكي حصل شنو انا كمان م قصرت رصيت ليها كل الحصل
قالت لي انا كنت حاسه انوا بكذب قلت ليها منو قالت لي الود ده قلت ليها لي قال ليكم شنو قالت هو جاء داخل وقال انوا انتي كنتي راجعه من الكفتريا وفي كلاب طردوكي وطرحنك وقعت وهو شافك واداكي الشال وجابك لي هنا
قلت ليها م قصر والله انا خفت انوا يقول لي ابوي عشان ما يقلق ساكت يلا اتونسا كده ومشيا الغرفه يلا كانت في سرير واحد فاضي وكرسي جلوس حلفت نرورم حتن رضت تنوم في السرير وانا نمت في الكرسي الصباح صحيت علي صوت أمي و محمد صبحت عليهم وكانوا جايبين لينا غيار مشينا غيرنا وجينا امي قالت لي وين طرحتك وده شنو الشال الكنتي لابساهوا نرووم قامت حكت ليها المهم عدينا اسبوع في المستشفى 😷💔 يلا البنات كانوا بجوا بعد الجامعة بقعدوا لحدي المغرب وبمشوا اما نرووم ابت تمشي الجامعه وكانت قاعده معاي😘😘 ومحمد طوالي كان بجي يزورني ويطمن علي ابوي ويمشي يلا كان يوم سبت مرقنا من المستشفى وصلنا البيت محمد سند ابوي وداهوا الصالون وانا دخلت غرفتي وطوالي نمت صحيت بعد المغرب صليت المغرب وجيت طالعه من غرفتي مشيت المطبخ أكلت لمن بطني وجعني 😂😂😂اهم شي الطقه يااخ😀👌رجعت غرفتي فتحت النت ودخلت الفيس ياااخ مطوله منو 😘عشقي
رديت علي الرسائل وقفلت الشبكة ومشيت لي أبوي اتونست معاهوا لحدي العشاء ازن مشيت اتوضيت صليت وطوالي رقدت نمت
😴😴
