عـﻣري الضائع

الجزء الاول

أتعلم بعدد المرات التي صرخت فيها بسببك.. اتعلم كم مره تمنيت فيها الموت لعدم وجودك بقربي.. هل لديك فكره عن تكسر العظام التي تحمي قلبي والتي تسمى القفص الصدري.. انت الخطر الوحيد على حياتي الخطر الذي للاسف يسعد قلبي عندما تكون بجواري.. عيونك تحيط بي وانا لااعلم كم تمنيتك الحب الذي لايتركني

اسمي عسل من الموصل عمري 16 سنه شكلي الي سببلي مشاكل هواي بيضه مثل الثلج وعيوني سمائي بلون البحر خشمي صغير وشعري طويل كأنه سلاسل ذهب بسبب لونه الاشقر اليشوفني يضل صافن بعائلتي ماكو احد اشقر وهيج حلو يعني عدا امي لان اصلها كرديه اما بابا ف اسمر واخواني هم سمر بس معانيهم حلوه واختي نفس الشي دائما تغار مني واني اكلها انتي احله مني لحتى متصير فجوه بيني وبينها بطبيعتي اكره الرجل الي عنده لحيه والي يحكم المره سوالف الجنوب ماتعجبني لان جنت اشوف اهل بابا بالبصره عايشين واكره عيشتهم حيل مره وحده رحت اهل ماما عايشين بغداد كدرت شويه اتقبلهم لحد ماذاك اليوم صارت عركه بين ماما وبابا مـטּ تصير هيج عركات اركض اختل بزاويه اخاف لان بابا حيل يحب امي وهيه نفس الشي ف قليل جدا تصير بينهم العرك

..شنو هاي من زمااان اكووولك اريددد اععيييشش يم اهلي انته ليش ماداتفهمني

..يااامررره بيتي وشغلي واموري كلهااا هنا اعوف الاول والتالي واكعدج يم بيت اهلج اهم شي راحتج واولادج واني اخر همج

..مررررااح يصير شي لو نقلت الممتلكات لبغداد ونعيش هناااك مجاي اتأقلم هنا اريد يم اخوتي وخواتي شنو گاطفني هنا

..يصير خير بس حضريلي سم راح اوكع مـטּ طولي

راحت ماما وهي معصبه حضرت العشه وكلنا اجتمعنه بس الوضع ماهلكد تمام بعد ماخلصنه گعدنه اني وريان نغسل المواعين

..عسسل شتكولين بابا حيقبل نروح لبغداد

..والله ماادري بس بابا ميهون عليه زعل ماما ف اتوقع يقبل

..بلكي يقبل لان صدك مدانتأقلم هنا

..ماعرف اني وين متخلوني اعيش اهم شي وياكم ،،،
اجت عليه وحضنتني

..ياحبيبتي الله يحفضج النا

كلمن راح لغرفته ثاني يوم الصبح گعدت ماما فرحانه عرفنه الفلم گدرت تقنع بابا

..يله بناتي خل نبدي نعزل البيت ابوجن اليوم راح حته يشوفله بيت يله بسرعه كومن ؏ الشغل

..كمنه رتبنه البيت وطلعنه الغراض نضفناهن خليناهن  بكراتين خلصنه شي قليل وبعد هواي لليل اجه بابا واجتمعنه ؏ العشا

..لكيت بيت قريب على بيت اهلج مساحته 200 متر طابقين بيه 5 غرف وصاله ومطبخ ومحلقات بيه شويه تعديلات صبغ وهيج يعني

..الله يحفضك النه ابو سامي

ثاني يوم الصبح

..يله گعدن وينجن يله بسرعه غسلن حته نلم الباقي مـטּ الغراض