عـﻣري الضائع

الجزء الخامس عشر

..هاا رضه الزعلان مني لو بعده

..لابعده لازم ناكل ايس كريم بعدها ارضه،،ايي جا شلون

..خرب يومج بطنج وبطنج

..غير هيه مصدر الحياه هسه عوفنه ،،هنا نخلي الطباخ وبصفه الكاونتر وبنص طاوله طعام وهناك الثلاجه شتكول

..انتي ترتبينه بكيفج بيتج هذا

.بس اللون ماعاجبني ياسر بحلمي يكون بيتي نفس لون الصبغ والديكور وهيج اشياء يعني كون فد الوان مرتبه ،،كرص خدي وكال

..تدللين اجيبلج الكتلوك وانتي تختارين

..تمام نزعت عباتي شمرتها لزمت ايده وصعدنه وصلنه لغرفتنه ،،طلع جهازه من جيبه

..شوفي الغرف منو تعجبج حته اوصي عليها

..شنو ذني تركي ومن بغداد

..اي شنو بالج غير شي

..لا بس هواي يكلفك

..قابل ميه مره راح نتزوج هيه مره ناخذ الي بنفسنه

..ووك تمام،،كلبتهن ماعجبني شي

..يابنيتي شوفي هاي حلوه

..مااا ياسر معجبني

..شلون بله اجيبلج سرير سندريلا

..يارريت

..هههه دمشي امشي

..الغرفه الثانيه بس صبغ مو ،،شنسوي بيها

..ماشي انه بعد اشوف الصباغ واحنه نختار الالوان

..نزلنه باوعت ساعه تقريبا ١٠

..تره جعت البسي عباتج بساع خل ندور مطعم مفتح

.. ييي واخيرا اني بطني تركص من الجوع

..يلا جا بساعج

..طلعنه هو يقفل الباب واني واكفه يمه اباوع ع الحديقه ،،ياسر

..ها حبيبتي

..ضليت صافنه هو كال حبيبتي لو اني متوهمه ،،،حبيبي الحديقه نخلي بيها ورد جوري وبنص مرجوحه عادي،،رفع راسه باوعلي

..تدلل ام البيت بعد امري

..مايامر عليك ظالم هسه اركض بيه للمطعم متت جوووع

..تم

..شالني ومشه بيه باتجاه السياره،،لالالا مو هيج عزه نزلني اني قصدي تستعجل

..هههه ماتعبين جنج ريشه

..لزمت حنكه وقربته عليه بسته من خده لزم ايدي باسها وبقى لازمها منا لما وصلنه لحضات حلوه تمنيت متنتهي ربي يحفضه الي ،،وصلنه للمطعم وايده بايدي دخلنه طلبنه اكل اني صافنه عليه وهو يحجي مجان اكو ناس هواي شبه فارغ تعشينه واكلنه ايس كريم واخذنه لبيت عمي هم ورجعنه فتحت الاستقبال دخلنه هو واكف كتله بس اخلي الغراض جوه واجي خليت الايس كريم بالثلاجه نزعت عباتي واجيته بعده واكف يباوع بساعه دخلت وعيونه اكلتني

..شلون تجين هيج

..ماكو كلهم بغرفهم،،تقرب مني وهو معصب كلت راح يضربني غمضت عيوني بخوف مااحس غير بوسه ع جبيني فتحت عيوني وجهي بركبته وهو بعده شفايفه ع جبيني باوعلي وهو مبتسم ويمرر ايده ع ايدي الردان جانت شفافه لمسته كزبرت جلدي

..ماريد عيون الله خالقها غير عيوني تشوفج وخاصه بالغضب الابسته

..شنو ليش موحلو

..اووووف ياااريت

..راسه بركبتي ويشمها بانفاس قويه اريده يحبني بس قربه لهالدرجه وهو ماخذ حريته بلمس جسمي حيل ازعجتني بس غمضت عيوني وحاولت افصل من يمه بس اجباري يخليني ويا للحظه تخيلت علي الي جاي يشم ركبتي مو ياسر رجعتلي الرجفه استجمعت قوتي وسويت الماكدرت اسوي وي علي دفعت ياسر بقوه ورجعت ليوره،،وخرررر علي،،رجعت عيوني مغوركه باوعت ياسر مصدوم،،،ياااسر اسمعني دار وجهه وراح ،،عززه ياربي شسويت اني لزمت تلفون وتصلت عليه ميرد اخر شي غلقه نمت ميته قهر وبجي ثاني يوم الصبح كعدتني مروه،،هااا شتردين

مروه:اجت فليحه وياسمين

..اهوو شلون ثنين غسلت وبدلت وطلعت سلمن من ورا خشمهن كالتلهن عمتي

..شعجب هالزياره المفاجئه

فليحه:جبنه المهر خاطر تجهزون وليدي يكول انه ماعندي شي

..اي جا خوش شكد مهرها كالو بعدين نحدد

فليحه:خيه المهر ١٠ ملايين

..يعععععع

فليحه:شبيج شهكتي

..جنهن هواي

فليحه:كلناله بس قفل الا العشره وياهن بيت خاله بعد شتريد ع الحاضر اجت واخذت

..اخذت عمتي الفلوس فليحه وياسمين نضراتهن تنكط سم،،لليل يلا راحن صاحتني عمتي ام مروه

..عمه هاي فليساتج

..عمه خليهن يمج اني وين اوديهم

..بكيفج عمه اذا بيج حيل من باجر نروح للسوك نشتريلج غراض

..تمام بس لازم اكول لياسر اول

..اي طبعا جا شلون اخذي الموافقه وكليلي

..ماشي خابرته ميرد دزيتله رساله كتله باجر نروح للسوك نبدي نجهز ماستلم خلص العشه ورحت اقره هالفتره كلش هملت دراستي بالوقت الي المفروض ادرس بيه كاعده اجهز لعرسي خرب،،قفلت التلفون لان تتصل ريان وتجي اشعارات تقطع سلسله افكاري وتخليني ماركز بعد بديت اقره من ٨ لساعه ١١دخلت عليه مروه تركض

مروه:ولج لحكي

..وكفت ع حيلي خايفه،،شكو

مروه:رجلج اجه

..منو

مروه:يعني منو ولج ياسر

..ياعزه شيريد

مروه:ماادري بس اجه ومبين ضايج واعصاب وبلكوه يحجي بابا يحجي ويا يريد ياكله ويدورج بعيونه

..عزززه حانت ساعه الصفر،،،،،،

____________________________
لعيون السهرانين مجايهم نوم مثلي🤦🏻‍♀️

حوراء احمد🌺