عـﻣري الضائع

الجزء التاسع

..خااايبه تخاافين من الهااايشه انتن حته الذبانه تخافن منها ماتكللي منين جايات

..نحن كائنات لطيفه

..لطيفه لو حميده

..حشاااش،،صدك عود ليش تسميها هايشه هيه بقره

..باباتي الكلام المفروض ينلفظ بسهوله حته مايصير بيه تعقيد هسه شوفي هايشه شحلاتها بسرعه تطلع هههههه

..اصلا كلامكم نصه فهمه نصه لا

..تتعودين بويه تتعودين

..رجعنه للبيت ساعه 8 لكيناهم مخلصين عشه وريان حايره بالمواعين بس مباقيلها شي قليل سلمت عليها وصعدت بدلت ونزلت حميت العازلته النه من العشه نزل ياسر

..جوعان يابه ماكو عششه

..يي دقاق،،خليته بصينيه واخذته للاستقبال يسولفون كلها مجتمعه كعدت وهو كابلني عزمناهم كلهه متعشيه كعدنه ناكل ويسولف واني مركزه بتفاصيله ساع اباوعله ساعه اسوي روحي ماشوفه لان عيب كلهه كاعده

الشيخ:الا ماكلتلكم من طلعتو اجو خوال ريان وعسل ويكولون نريد ناخذ اختنه وبناتها شنو كاعدات بيت متروس زلم نريدهن يجن يمنه

..بس كال جدي خوالي غصيت وضليت اكح انتبه ياسر نطاني مي ويضرب ع ضهري والشيخ كمل كلامه

..كتله احنه عمامهن واوله بيهن بنات ابنه يتربن بيتنه مو بعيد عنه كال اذا هيج نخطبهن لاحمد وجاسم ولد محمد انه بالنسبه الي ماعندي اعتراض بس بويه بنيات عمكم الكم نفس بيهن

..استحيت عفت الي بايدي وكمت صاحلي ياسر

..ليش كمتي ماكملتي اكلج

..لاشبعت الحمد لله،،وكفت وره الباب اتسمع عليهم شنو بكيفهم منو يريدنه سلعه احنه،،نطق ياسر اخيرا

..بويه البنات بعدهن زغار مو مال نزوجهن هسه وان جان ع البيت وعيشتهم ويانه انه شفتلهم بيت قريب علينه وكبال عينه عمتي وبناته وعيشتهم انه كافلها ومنا لما يكبرن الف عمامه تنحل

الشيخ:كفو منك ابو فهد

..يمه برد كلبي هالياسر بس ليش جدو كاله ابو فهد معقوووله متزووج وعنده ولد اكيد لان بس الي عنده ولد يكلوله ابوو اذا صدك لازم مافكر بيه حراام رجال متزوج زين هوه شلون يحب سحر خاف هيه مرته امممم يمكن يحبها فوگ مرته اذا هيج لعد ليش مرته وابنه مو هنا وينهم وليش ميروحلهم خاف يروحلهم من الدوام اهوووو اني شعليه اهم شي متزوج مدام جدو كال اوووف شهالحظ وين جان بالي من حبيته ،،،لملمت المطبخ وصعدت للغرفه رتبت ملابسي لباجر فرحانه ضليت كاعده اصفن باوعت ساعه ب10 مو مال نوم مع ان البيت كله نايم نزلت للمطبخ اسوي شاميه وعصير دخل ياسر يمسح ع عيونه باوعلي تفاجئ

..شتسوين

..بالي اباوع فلم مو نعسانه

..سويلي وياج انه بعد ماكدر انام