عـﻣري الضائع

الجزء الثالث عشر

كعدت اني والبنات نخطط شنو نشتري وشنو نوع الكوشه الي نسويها سوالف وضحك وتحشيش ماحسينه ع نفسنا الا واحنه نايمين كعدنه الصبح اني وريان ومروه بدلنه اجه امجد كال ياسر ينتضركم طلعنه لكيت فليحه بالمقعد الامامي هوه باوعلي ابتسم ،،،يمه يمه مشتاقتله

..الله بالخير

الكل/الله بالخير والعافيه

..انتن شبيجن تكمزن جاي احاجي مريتي

ريان:اي عيني احنه صرنه كخه بعد مرته

..ديله هسه وين اوديجن

ريان:للسوك للسوك

..جاانتي ماتصدكين

ريان:اي طبعا غير خطوبه عسل شلون ماافرح

فليحه:تيله ماتكليلي شلون عرس

..يمممه

..ريان الصمي شنو يعني مااستاهل اني هاا

مروه:انتي انجبي شفتي روحج عاد

..اي عيني ليش لعد

..جا غير يلوكلها

..باوعت بالمرايه لكيته يباوعلي اني ضليت اباوعله وابتسم

..يلا خلصت فلوسكم

..نزلنه للسوك اشترينه كوومه بس فليحه لازم تضيف لمسات خاصه مثل،،،شني هذا يمه مال معدان وهذا موحلو مشلخ ياسر مايحب هاي السوالف وشدعوه ماخذه هلكد،،،المهم جزعتنه لما خلصنه بالليل حفيت ونضفت جسمي بين مالبنات يجهزن الاستقبال حته باجر ماعدنه شي ردت ادخل مخلني رحنه لفراشاتنه تمددت واتخيل وافكر باجر

ريان:عسل،،عسل كاعده

..ها ريان شنو رايده

ريان:هذا ياسر يريدج

..فزيت ع حيلي وينه خل يروح لاعمي يكعد عيب منه

ريان:ولج بالتلفون هاج احجي ويا وثول

. .يمه وكفتي كلبي نطيني،،اخذت الجهاز منها ارجف عبالك اول مره احجي ويا اخذت نفس وحاجيته ،،الو،،اخذ نفس ورد

..هلا شلونج

..الحمد لله وانته

..زين الحمد لله

..ضلينه ساكتين واحد ينتضر الثاني

..تعبتي اليوم مو

..ايي يعني كل الشغل خلصنا اليوم

..اي عفيه لاتخلون شي ناقص شتحتاجين كولي

..تمام

..يلا روحي نامي لاتضلين كاعده باباتي وراج كعده

..ماشي وانته هم نام

..صار،،يلا تصبحين على خير

..وانته من اهلو،،باي

..الله وياج

..غلقته منه فرحااانه جان ودي نبقه بعد نسولف حته لو منحجي شي نبقه هيج،،خليت راسي ع المخده ونمت..كعدت من الصبح اني والبنات اخذنه خالد للصالون بلشت بيه ساعه اني مشايفه نفسي بعد ماخلصت رفعت راسي واو اجنن نوب اخذوني تسريحه وكذا جد حلوه لبست بدلتي صرت اميره اتصل ياسر،،الو

..شلووووون تطللعييين بلا ماتكوليلي

..حبيبي غير لازم اروح للصالون لعد شلون

..اننننه اللج صبريلي

..يالله دخيلك شلون بله،،،خلصنه وخابرنه واحد من الولد يجي رجعنه للبيت ضايجه وبلكوه ابتسم هلاهل وهالسوالف اجه شيخ كعدت يم الباب ضل يردد الايات القرانيه كال تقبلين بياسر زوج لكي ضليه ساكته ٥ مرات يعيد واني الخوف ماخذني اسمع صوت انفاسه بحركه لان مدااجاوب اخر شي كتله قبلت وهو قبل من اول مره دخلت يم نسوان هلاهل وركص نوب اجه هوه لابس قاط والستره مخليها ع ايده ويمشي اجتني حاله الثول واني اباوعله باسني براسي وكعد جابو الحلقات لبسناهن هوه زعلان مني ميحجي وياي تقربت منه،،يااسر ونبي مادري راح تزعل مني اسفه متنعاد ونبي باوعلي ابتسم لزم ايدي باسها

..ليضل بالج

..فرحت ونفسيتي تعدلت وتفاعلت وي الموجودين خلصناها سوالف وضحك كمنه ركصنه شويه وراح شكد ماكول هاليوم حلو جدا قليل صح بالبدايه جان زعلان وكلشي بعيوني اظلم بس بعدين من صالحته رجعت الدنيه كلها الون بعيوني الله يحفضه الي بعد ماخلصت الحفله لملمنه وشمرنه نفسنه ع الفراش من تعب

...........................................
البارت اليوم جدا قصير اني اعرف بس والله مقبله ع سادس ومجاي الحك ف القصه لهنا اوقفها ان شاء الله يصيرلي مجال واكملها وجددداااا اعتذر ع التقصير

حوراء احمد🌺