عـﻣري الضائع

الجزء السادس

-:ياسر فدوه مالي خلگ مشاكل شفت الي يكفيني اترك مشاكلنه وابتعد

-:اللهم صبرج ياروحي،،امشي لبسي عباتج وتعالي

-:وين،،صاح بوجهي

-:انه شككللللت

-:من خوفي ركضت وعثرت بقيت كاعده بمكاني مغطيه وجهي بجفوف اديه وابجي نزل هوه لمستواي ضمني بحضنه،،الدموع خلصن وبقيت بس اشهگ

-:هيج متأذيه وماتحجين

-:مااكدر احجي والله مااكدر اخاف

-:استغفرك ربي واتوب اليك ،،تكدرين توكفين

-:اي ،،مسح دموعي وهو يحجي

-:انتي بس بطليلي هالبجي هذا احنه بخير

-:لزمت ايده سندني رجلي خدرت ماكدرت امشي عليها ضليت واكفه،،نزلت دموعي ماتحملت

-:ههههههه ولج كااافي عيونج راح تنعمي مو تخافين عليه وين الكه عيون مثل عيونج اباوعلهم مو كلتي هيج انتي لو لا،، بطلي بجي يابنتي بطلي

-:دنگ عليه شالني ،،خلاص اكدر امشي نزلني

-:راح تبجين ويكولون انته بجيتها ويسووج مره براسي

-:ههههه،،دخلنه البيت شافتنه فليحه وياسمين خوب هاي عبالك ماعدهم بيت تجي من الصبح لحد الليل هيج شخص لزكه اني مشايفه ضلن يباوعن علينه ومتفاجآت اني فرحت لان انضغطن مني حللل ،،صعدني لغرفتي فتح كنتوري طلعلي ملابس وشال شمرهن عليه

-:يله كافي دلال عينج راح تطلع عليه عشر دقايق الكاج بالسياره

-:تمام،،بدلت وخليت مكياج قليل كحل وحمره وردي ذني عندي من جنت بيت اهلي ماستعملتهن بعد نزلت للسياره كعدت هوه يباوع عليه،،ها يله شوكت نروح،،اخذ كلنكس مسح حلكي بطريقه همجيه ،،يااخي شبيك هوه هيج شوف طلع دم

-:عادي

-:اوووي حلكي الرقيق احجي وي روحي وهو يضحك عليه شنو هاااي،،وصلنه الدكتور كال هاي رجلها مخزنه جراحه لازم نفتحها ونضفها خفت حيل وكلت لياسر ماريد خل نرجع بس مقبل كعدت ع السديه وكاله الدكتور اطلع،،ياااسر

-:ها

-:لترووح حباب

-:مو بعدج زعطوطه بابه لتخافين مثل الابره بسرعه تخلص وهو راح يخليلج مخدر

-:خليك يمي حباب

-:استغفر الله،،هاي انه يمج

-:لزمت ايده وهو واكف يمي ضربني الدكتور ابره وضليت اباوعله هوه يريد يشتغل رفع ياسر راسي اله

-:باوعي عليه لاتباوعين هناك

-:خاااااايفهه

-:اششش كافي فضحتينا

-:يااااااسر كله يوخرر

-:اششش خلصت خلصت

-:روحي خلصت لحد ماضمدها راح ياسر جاب علاج واجه تشكر من الدكتور ،،حاوط ايده على خصري والثانيه لزم ايدي سندني لحته امشي نسيت الم رجلي وخجلت من لزمته الي حاولت ابين طبيعيه وعادي همس باذني،،