عـﻣري الضائع

الجزء الحادي عشر

..جااي اكلك ماكو احد وياي ،،ضربني راجدي صفرت اذاني ضليت اشهك بقوه،،شبييييككمم وييياااااي شمسويتلللكككم اللله لاايينطيكم بتكم لووو عدوووتكم فهموووني

..ااااننننه مووو كتلجج اذاا اححدد تجااووز عليج وماتردين اعاقبجج ييله احجججي

..صار عصبي حييل ويشيل ويكسر،،اممك كعدتني دفرات تكلي شلون تنامين اي غير من الصبح كاعده ونعسانه

..وانتي ماحجيتي شيي

..هيه غلطت ع امي واني رفعت اصبعي عليها وكتلها ماسمحلج تتجاوزين ع امي هيه لزمت اصبعي ورادت تكسره اذتني شسوي كالت نزلي غسلي مواعين ونزلت،،،فرك وجهه باديه

..وبس هذا الصار

..ايي

..امشي وياي

..نزلت ع رجليه،،ياااسر فدوه تعبت بعد ماعندي طاقه اقسم بالله اني بيت اهلي مجنت هيج اسويلهم فضل اذا اشيل ملابسي من الكاع اجيت هنا كلشي جديد عليه ولازم اسوي خلاص قابله بس ماريد اتاذه الليل كله مانامه اذا فد يوم قصرت بشغله واجت امك ضربتني جسمي ياذيني وماعاد اتحمل ضرب فدوه اروحلك اتركها خلااص،،نزل لمستواي رفع راسي ومسح دموعي

..بابا عسل باوعيلي انه ماكرهج والله العظيم ماكرهج بس اريدج قويه انه همي احميج اريد تساعديني دائما تشوفيني اكلهم انتي بحمايتي ولحد يتقربلها اريدج تكونين بسدي حته محد يوصلج

..لااياسر هذا الشي ميفيد راح اشتغل بدون مترزلني وتضربني راح ابذل جهدي كلشي تكولي عليه راح اسوي في سبيل اوصل لمحطه استراحه بحياتي تعبت اني هلكت ماجني عمري ١٦ سنه مو مال هيج حمل اني والله

..هاي هيه التردينه يجرالج انه مادخل بشي بعد منج الها التردي سوي ماضغط عليج اكثر من هيج

..عافني وطلع ضليت مكرفصه ع نفسي وبجيت بجي مصاير مرت الشهور ماشوف ياسر انسحب مني كلش حته وجهه ماشوفه مخلصها سفر بحجه شغل جرعت المر من فليحه وصرت اتمنه وجود ياسر حته لو بس اباوع بعيونه اشوف طوله يتمشه كدامي هاي تسوه ابو التعب وراح اكدر اتحمل اكثر ،،،الشغل كله واكع براسي عبالي راح ارتاح بس صار العكس جدي وجدتي مرات يشوفون الوضع ساعه يصيحون ساعه يسكتون ريان خطيه ابد متتركني ايدها وياي فوك هالضيم هم الدراسه وست ازهار شدت وياي كلش كمت ماعرف راسي من رجليه امي كلما جالها وضعها يسوء من اسوء الى اسوءلحد مصارت امتحانات نصف السنه جاي اغسل بالكراج ورافعه دشداشتي مثبتتها بالداخليات عن لاتتبلل مخليه الكتاب ع الميز بالحديقه اقره تعريف اغسل واردد بيه لحد ماحفضه وارجع اقره غيره وهكذا مندمجه اقره وسمعت صوت وراي

..ووللللج شلون رافعه الدشداشه هيج

..التفتت هذا ياسر عيوني نترست دموع والابتسامه شكت حلكي على عكسه الي مبينه ملامح الغضب ع وجهه تركت الي بايدي وركضت طايره اله طفرت تعلكت بركبته وحاضنته بقوتي وابجي هوه مثل الانصدم دقايق وحاوطني باديه واني مستمره ابجي واشهك بقوه اليشوفني يكول ميتلي احد دفعته ونزلت من حضنه ضليت ادفع بيه بحركه،،،ووين جنت هاا،،مو ع اساس تدافعلي وانته سندي مووو وينك لعد ،،وين وعدك وين حجيك