عـﻣري الضائع

الجزء الثاني عشر

..الكل مصدوم ومتفاجئ من ضمنهم اني هوه هذا الحل الكال اني احلها مدري افرح مدري اضوج ماخذ فكره غلط عني

الشيخ:هابويه عسل شنهو رايج

..شيخ ليش تسالها بت عمي الي

الشيخ:لابويه شلون لازم ناخذ رايها خاف البنيه مالها نفس بيك

..اباوع ياسر يخزر بيه ،،لاشيخ موافقه

الشيخ:على بركه الله

..صعدت اركض لغرفتي وريان تهلهل فررحانه هاي الهلاهل الي احس عندي جناحات وطااايره ،،تمنيت اهلي وياي يشاركوني بفرحتي تمنيت اب يسالني موافقه او لا ام تضمني لحضنها وتكولي مبروك نزلت دموعي مشتاقتلهم حيل ،،دخلت عليه ريان

ريان:يبووو عروستنه الحلوه شبيها تبجي

..حضنتني وتمسح دموعي ،،تمنيت اهلي وياي بهاليوم

ريان:لعد اني مو بعينج

..هوه شباقيلي غيرج

ريان:يلاا كافي بجي اوقات الفرح منريد بيها بجي يلا يلا

..هههه،طلعت واني افكر ياسر ليش سوه هالحركه حته ينقذني لو يحبني ورايدني مثل مااني رايدته ،،والله ماعرف

فليحه:عسسسسل

..هااا عمه

فليحه:حبيبتي انه تعبت تكدرين تشرين الملابس بسطح

..طبعا مؤدبه لان ياسر وجدي كاعدين ،،ادللي عمه فتت من يمها لزمتني

فليحه:تخلصين من وحدج تنزلين تكفين البيت بسرعه

..ماشي،،ليش اشرها بالسطح احنه اكثر الاحيان نشرهن بالحديقه هسه اني شكو خل تسوي مثل متكول صعدت للسطح بطابق الثالث هلكت علما وصلت فتحت باب السطح لكيت حيدر بوجهي استغربت شعنده هذا هنا جرني من ايدي ويمشي واني ادفع بيه،،حيدر شبيك وخررر وخررر عني شترريد،،خفت منه وجهه ميطمن بخير دفعني ع الحايط وصار مقابيلي

حيدر:خااايبه افتهمي احبج والله العظيم

..وخرر عني ابتعد ماريدك اكرهك

حيدر:كافي خل نتفاهم بدون صياح

..كل تفاهم وياك ماالي وخررر يااااسر يااااسر

حيدر:اشششش كااافيي فضحتينه

..خله ايده ع حلكي شالني واني ارافس بين اديه يارب ماريد ينعاد الموقف فدووه يارب انتبهت ع نفسي واحد حاضني حيل لدرجه احس ضلوعي راح تتكسر

..اششش انه يمج لاتخافين

..وخخخررر عننني ،،ابتعد واشوفه ياسر دفعته بلا وعي وكعت ابجي واصرخ كعدي يمي وعيونه تلمع من الدموع سحب راسي لصدره ويهدء بيه

..اشش كافي بويه لاتبجين خلص انتهى

..ضليت بحضنه ابجي لحد ماتعبت كلش مابيه اشيل لاايد ولا رجل حته الكلام مديطلع مني والدموع خلصن بقت بس شهكات من شافني هدئت شالني ونزل غمضت عيوني وماحسيت بشي بعد ،،،حديقه جبيرره هاي اني وريان وسامي وجواد دنلعب ماما وبابا كاعدين ع صفحه جاي امشي باتجاههم وعثرت اريد اكوم مااكدر احس بعجز ضليت ابجي واصيح ساعدوني ماكدر اكوم محد بيهم يسمعني اجه واحد ممبين شكله زين وكفني ومسح دموعي راد ياخذني يمهم فزيت ع صوت الباب وهو ينسد ،،يااسر شجابك