الكاتبه-ساهرة الليل
مساء الخير هذا البارت تعويضي
متابعه ممتعه دمتم في حفض الله
""""""""""""""""""""""""""""
هتان-بيومهه ماشافني حبيب بل ثوب
خليته ونزعته كلت تصير فد مناسبه
والبسه بيت اخوهه لغنيمه راحو رجعو
للخارج وهذا الشي جان هم ونزاح مني
لان مضيت ايام مره وياهم رؤيا تتشرط
عليه عله طول وكلبي تفسر لحد ما راحت
اليوم تجينه سدومه مسويتلهه حلاوة
شكد مشتاقتلهه احس من تجي يزيل
همي كله نكعد نسولف شسوي وتسولفلي
عن صالحه فكلت خلي اروح لبيت
الحجي انضفه من وكت حته من تجي
سدومه اني معدي شغل بدلت ورحت
نضفت البيت مرة الحجي طالعه
ونور بل دوام ويسرى طالعه هم
فخذت راحتي نضفت البيت براحتي
بدون تئمر وتنمر صعدت لفوك ارد اخلص
الغرف سماح هم بل دوام وحبيب
هم بل دوام البيت يصفر امي
كالت روحي شويه واجي اطبخلهم
فتريت بدلت جراجف وحطيت جراجف
جدد مسحت المري وجام بخرتهن بعطر
المسك وبخرت هدومهم ورتبتهن ونضفت
هلكت منغمسه بشغل غرفة حبيب
ياربي هذا الولد معرف ليش
احب استطلع عليه عله اشيائه الخاصه
لفتتني صورته ويه اصدقائه مبين
زغير هنا ومسطرين وكاعدين عله رحلتين
بساحه مال مدرسه لفت انتباهي ابتسامته
شلون مبتسم اني ماشوفه يبتسم قله
كمشت الصوره وحطيت اصابيعي
عله وجه وبتسمت عله اثر ابتسامته
حسيت واحد يتنفس ورايه جمدت
منو هذا درت وجي جان الكه حبيب
مكتف ايديه وواكف يباوعلي بنضرات
ممفهومه وكعت الصوره من ايدي
وكزازهه صار طشار اسفه اسفه حبيب
مقصد بس حبيت اشوف طلاب المدرسه
لان محرومه من هاي اللحضات
ردت اشرد وكفني صوته
حبيب-هتان اوكفي لترحين
أنت تقرأ
رؤيا معدومة
عاطفيةلا زال زمن عقول جاهلية موجود ولازال بيع الفتاة من قبل اهلها بابخس الاثمان ولازال جوع والفقر والضلم موجود
