رؤيا معدومة

بارت١٢

الكاتبه-ساهرة الليل

مساء صباح على كل متابعيني
بنسبه لكلام البارحه الي يكلي عصبيه
اني معصبت بكلامي اعتقد بس فهمتكم
ومكو اي تعصيب لتفهموني غلط
تره كلجن خواتي بدين والله شاهد
حتلو مشايفتجن احبجن غايتي من نشر
قصص الناس حته تستفادون وتتعلمون
من اخطائكم لان هواي من البعض
يلكه نفسه بين للسطور ومشابه لحياته
اما اليسئلني عن تغيير اللهجه البطله
هتان اهلهه لهجتهم صعبه ومن انتقلو
لعيشة المدينه تغيرت لهجتهم شوي
بس اني غيرتهه نهائيا لان البعض
ميعرف يقره لهجتهم فسويتهه اللهجه
العاديه بس ام هتان بقيتهه عله لهجتهه
فهمتوني للتسهيل عليكم غيرتهه
احبكم كولش هوايه موااااااااح

متابعه ممتعه دمتم في حفض الباري

""""""""""""""""""""""""""""""""
""""""""""""""""""""""""""""""""

سديم-مرة الايام وايامنه احلا

من العسل بس جان الي شاغلني

انو رائد ميريد اطفال ومنبه ومئكد عليه

انو ماسوي اطفال حته راح جابلي
موانع حمل من صيدليه اذا اسئله ليش

يكلي بعدنه عرسان وخلي نتونس شورانه

بس احس حياتي فارغه اشوف صالحه

شلون ملتهيه ويه اطفالهه ادرسهم

واتعلمهم ومحسن وياهم عل واهس

سئله وياهم واذا جاوبهه غلط ضربه

بل مسطره عله ايده وهوه يسوي

روحه متئذي كدام الجهال يضل كامش

ايده ويتلوه ويصيح اااي اااي اااي

ويضلون يضحكون عليه

حياتهم حلوه اما اني رائد يطلع

يشتغل عماله(عامل بناء)من الصبح

يطلع يحل لل٤العصر يبدل ويطلع

ويه اصدقاء محسن للكوفي يرجعلي بليل

وهاي نهاري فارغ مبي حياة

مرات اكعد ابجي لان اشتاقله

وادك عليه ميجاوب لان مشغول بعمله

فقررت اليوم احجي بلكت يقبل

اسوي اطفال واترك المانع باجر

موعد روحتي لاهلي كوه يوديني

لان معده سياره وميقبل اركب تكسي

ويستحي يطلب سيارة محسن دائما

يكول اني اشتري سياره واطلعج وين متردين

دنيه عصريه ولو مطبخي فوك عزلته

حته اخذ راحتي بل حجاب

وحته صالحه هم تاخذ راحتهه بل حجاب