الكاتبه ساهرة الليل
مساء الخير بارت قصير مفاجئ يشبع
فضولكم القوي وتفاعلكم حمسني انشره
متابعه ممتعه
نياز-وداني الحجي لبيت ابو علي
وطول طريق كضيتهه بجي وهوه يصبرني
بنيتي لتبجين الله موجود
ان شاء الله ترتاحين اتي وعقلج وشطارتج
تكسبيهم وراح اوصيهم بيج
كد راس ابره اليصير بيج مخلي واحدهم عايش
نياز-اشكرك عمو اته بمقام ابوي
حجي صالح وذب حسره طويله
ابوج لو عده شرف وغيره جان ماباع اختج
نياز سكتت ماجاوبته لان معدي جواب
راح اروح عله ناس ماعرفهم
واكيد راح ينتقمون مني لان اخويه
كاتل ابنهم ويتم اطفاله ورمل مرته وصلني
طلعو عمامه اني لابسه فستان طويل
اسود امي لبستني عله ابنهم المات
وحجاب شافوني سلمو عله الحجي وحبيب
الحجي-هاي امانة الله ورسوله
ونياز مثل بناتي وان شاء الله اثار تنسو
وابنكم يعامل بتنه بل حسنى
ابو مناف-يصير خير لاتوصي حريص
البنيه صارت بتنه ومنه بينه
مو صح الكلام حسن
حسن-الله كريم عمي يصير خير
ويتوعد بنضرات كلهه شر
نياز-باوعته هوه هذا راح يصير زوجي
متت خوف شخص طويل ضعيف معضل
عضلات بسيطه اسمر عيونه سود
وشعره اسود لابس دشداشه وعكال
ابيض شكله رزن وعيونه حاده تجدح
حسيت جسمي كله يرجف
سلم عليه حجي صالح وودعني وراح
واني بهاي اللحضه حسيت نفسي
الحياة ضلمت بوجي اهلي فارقتهم
ولازم انساهم من هاي اللحضه
حاجاني العم جبير ابو مناف
يله بويه طبي خل يعقدلكم السيد
حته تصيرين حلاله
ووراهه حسن راح يشوفنه بياضج
حسن-اي يعمي لاتوصي حريص
أنت تقرأ
رؤيا معدومة
Romanceلا زال زمن عقول جاهلية موجود ولازال بيع الفتاة من قبل اهلها بابخس الاثمان ولازال جوع والفقر والضلم موجود
