رؤيا معدومة

بارت الاول(١)

الكاتبة-ساهرة الليل

مساء الخير حبايب شلونكم
اشتاقيتلكم كولش هوايه
محتاجة دعمكم الروايه جديده
لاتنسون بضغط على نجمه وترك تعليق
حته تصعد القصة ويشوفوهه البعض
تحياتي الكم اختكم ضحاوي😚😊

"""""""""""""""""""""""""""""

هتان-هلو اعرفكم بنفسي

اسمي هتان عمري معرف شكد

اصلا معرف لا اقره ولا اكتب

اصلا كولنه ما متعلمين لانقره ولا نكتب

عائلتي تتئلف من اني و ابويه وامي

بنات الي هنه سديم ونياز وترف

ولد الي همه جاسم وعزيوي وحميد

عايشين بمنطقة قلة ناس تتواجد بيهه

بسبب الفقر الي عايشين بي

بيتنه عباره عن جامع قديم مبني

من سنين ومتروك لان منطقته

ساكنين بيهه ٤ بيوت او ٥ وطشار

مو بيت بصف بيت الجامع عباره

الجزء الكاعدين بي عباره عن قاعه

جبيره خاليه من شبابيج او الجام

مفطره كل فطر بعرض اصبعي

بل شته كاتلنه البرد وبالصيف كاتلنه الحر

ابويه انسان عطال بطال ميشتغل

واخوتي زغار ميكدرون يشتغلون

امي تشتغل بل غزل تحوك الغزلات

وتطلع تتمشه من صبح لسوك المدينه

مال نجف تبيعهن وترجع كل جم يوم

والتحصلهن ناكل هل الله قاسمه

ما مضايقة من عيشتنه ابد

بل عكس اني اصبر امي عل قسمتنه

واكلهه مو عيب الله خالقنه فقراء

بيت جدي متوفين من زمان

وحته عمام معدنه واب عن جد

تناقلنه الفقر امي يوميه

مخلفة جاهل فوك فكرنه تخلف

لان معدهه فلوس تشتري موانع حمل

اني البنت العود الجبيره لاهلي

واعتماد والمسؤليه كلهه

واكعه براسي اتمنه اتعلم اقره واكتب

بس للاسف ما اكدر اسجل لان

مدرسه بعيده علينه ويرادلي مصاريف