رؤيا معدومة

بارت٩

الكاتبه-ساهرة الليل

حبايب بارت اخر هديه لتعويض

اهم شي لزعلون البارحه مجان اكو نت عدي

"""""""""""""""""""""""""""

سديم-راح رائد خبر محسن

بخصوص خطبتنه وارتباطنه

وحيل فرحولنه محسن وصالحه

صارولنه عائله واستقبلونه برحابة

صدر الله هيئهم النه صالحه

فرحت وكالت راح اشتريلج احله

بدلة لاحلى عروس جنت كولش

فرحانه مشايفه عروس من قبل

كمت اتخيل نفسي وجمالي

ثاني يوم مرحت لاهلي

خذتني صالحه للصالون حفيت

ومكيجتني وبطلعتنه شترينه

بدلة وغراض تمشي وتشتري

والغراض اول مره بحياتي اشوفهم

اصلا اول مره امشي بسوك المدينه

رجعنه هلكانين لبست البدله

لاول مره شكلي متخيلته هجي اطلع

شعري بس فليته ويه مكياجي

طلعت حيل حلوه منتضرين

محسن يجيب سيد صالحه

سوتلنه كيك واخذتلنه صور

حته نراوي دليل زواجي لهلي بصور

ولبسنه حلق ورائد طاير من الفرح

صافن عليه ميرضه يبعد نضره

اجه سيد وعقدلنه وصرت ملكه

لرائد وحيل فرحانه بي وفرحان بيه

حضني وضل يهمسلي احلا كلام

معسول مسامعته بحياتي

وجان هذا اليوم من ايام حياتي

الجميله الاستقبلتهه وبيومهه

طلعني عشط وعشاني بره

وشترالي هواي اشياء ورجعنه

محسن-سديم اذا رحتي خبرتو اهلج

انتو مزوجين وين راح تعيشون

رائد-يخوي زحمناكم راح استئجر

بيت حته ام علي تاخذ راحتهه بل حجاب

صالحه-لتحجي هجي اخويه

الله شاهد احسكم صرتو ويانه

عائله وميهلي طلعون منا

محسن-رائد اني هم حيل تعودت

عليك ففكرت ننطيكم الطابق الفوك