رؤيا معدومة

بارت ٢١

الكاتبه-ساهرة الليل

مساء الخير عل جميع شلونكم

حبايبي اينما كنتم القصص كاعد

يتم نشرهن ببيج  عل فيس قصص عراقيه واقعيه

الناشره ام روعه متابعه ممتعه

"""""""""""""""""""""""

نياز-وبليلتهه طب عليه حسن للغرفه

الي تسمه غرفتي واني احس كلبي

نار من الخوف ويدك الف دكه

حسن-شوفي يابنت الناس ثار اخوي

مايبرد ان ما خذتج والحجي اللي

راح احجي خلي بيني وبينج

انه احب وحده وياي بجامعه وكاعد

ندرس سوه بس نخلص اخذهه

واخوج السوا كتل حزام ضهري بسبب

او بدون قصد هذا شي متمشي عدنه

عشايرنه اذا خذو الفصليه يردون

بشارتهه بيومهه اذا طلعتي منا

عتبة باب الغرفه كليلهم كلشي تم

وثار برد فاهمه عليه انه مريد

اجبرج عله شي واكسرج الى اذا

كان هذا الشي برضاتج

ترضين اخذج الليله واطلعلهم بشارتج

لو لا انه اعاملج بل قسوه جدامهم

حته كلوبهم تبرد والسونه بيج اليوم

مارضيت عليه مهما يكون انحسبتي

مرتي كدامهم بس اني يامره ماراح

اعترف بيج كشريكة حياة

هذا حضج بسبب اخوج جاوبيني

يبت الناس اخذج لو احلهه سالفه بطريقتي

نياز-اني هنا بعد خجلت معرف شجاوب

الحمد لله ماراح ياخذني

لان كلش خايفه هدوئه وطريقة

كلامه تختلف عن الشفته منه قبل شويه

جاوبته بهمس لا الله يخليك لتكسرني

شفته طلع وصله بيضه ضامهه بجيبه

جرح ايده من يم المتن واخذ الدم

ومسحه بيهه وكال هذا نيشانج يامره

وطلع ماسمع اله حس طلق وصل

صوته لسابع شارع متت خوف والهوسات

اخذنه بثارنه وترابه عليوي اخضر

اخذنه بثارنه وتراب عليوي اخضر

هوساتهم صفنتني احنه بيا زمن عايشين

كسر المرة بليلتهه عدهم تبراد ثار