رؤيا معدومة

بارت ١٨

الكاتبه -ساهرة الليل

مساء صباح الخير عليكم اينما كنتم

احبائي مشتاقتلكم هوايه

شكر خاص لكل الي قدرو فترة غيابي

وتعليقاتكم الجميله اسعدتني احبكم هوايه
متابعه ممتعه البارت مطول

""""""""""""""""""""""""""

سديم-ومثل ما قررت اسوي خطه

يصالحني بيهه رائد اكيد مشتاقلي

بس يكابر رحت سبحت وجففت شعري

وضفرته ضفيره طويله وعطرت نفسي

ولبست لبس مال حوامل لان شوي بارزه

بطني بحملي كملت ٣اشهر

وكعدت انتضره كلبت بتلفزيون

عادل امام افلامه المصريه خابصه

الناس كلهه تباوعه صدك واحد يضحك

كن كلبه اذا يتفرج عليهن

وره حدود الساعه حل من شغله

طب كالعاده مسلم عليه

اني هنا فكرت اتصرف ميصير

يضل البرود بيناتنه هجي

كمت تقربت منه جان ابتعد خطوتين

رائد-شدا سوين

سديم-نضرتله نضرات عله كافة

اجزاء جسمه نضرات مو راحه

رائد-شناويه سديم وخري عني

تره مالي خلك تفاهاتج

سديم-تقربت يمه رجع لوره

لحد ما رتد بل حايط صرت اني

رجال وهوه المره قربت اديه

عله ركبته خنكته خنكه خفيفه

وركزت عيوني بعيونه همست مشتاااااااقه

اباوعله تغير لونه وصار ماي بين اديه

جسمه كام يرجف

رائد-اي وشتردين

سديم-همست وعيوني بعيونه

اريدددك

محس اله نسينا كلشي

وشالني وركض بيه عجربايه

وترك اثر بصماته عله شفايفي

الي خذاهن بلهفه تعلن انين اشتياق

مال شهر ونص من غيابه عن حضني

اني اعرفه الرائد ميكدر يفاركني

بس اكيد دايس عله نفسه

واتي الي خطئت وذبيت كلمته ورحت

سويت حمل من وره ضهره