ريم بعد ما بطلت كلام مع عمرو بس هو لسة على التليفون سامعهم قالت باستغراب وهي بتشاور على طبق حسام: بصي يا أمل..ده اكيد كان حسام هنا مع عمرو من شوية قبل ما نيجي..
طبقه اهو..هو على طول بيحب يجيب البيتزا بالزيتون الاخضر ويقعد ياكلها كلها وحتى لو لقى زيتون اخضر في البيتزا بتاعتنا يخطفه مننا وياكله
امل بسرحان وهيام:بجد-وابتسمت قوي وبعدين افتكرت عمرو وبسمتها راحت وحركت راسها يمين وشمال عشان تشيل الافكار دي من دماغها.
ريم مستغربة رد فعل امل والحزن اللي ظهر عليها كملت:بس انا مستغربة..حسام ليه ما اكلش الزيتون؟..وكمان ليه مشي؟..أكيد عمرو قاله اننا جايين دلوقتي ف ليه يمشي؟..
امل وقفت بنرفزة وتوهان وانهيار وصريخ وعياط :مش عارفة..مش عارفة..انا مروحة
ريم بتحاول تهديها وتجري وراها: امل..امل..طب استني عمرو..
عمرو شافها كده طلع يجري وراهم بس مش لاحقها..
امل جريت بسرعة وهي مش عارفة ان حسام كان شايفهم من بعيد وكانت بتعيط جامد ومابصتش وهي بتعدي وفجأة طاااااااخ....
ريم بصريخ:أماااااااااال..
حسام جري ولقى امل واقعة مغمى عليها شالها وطلع يجري على عربية عمرو وريم وراه وراحوا المستشفى.
العربية اللي كانت هتخبط امل بتحاول تفاديها فخبطت في عربية جنبها بس امل اتخضت ومع الضغط العصبي اللي عليها انهارت.
عمرو واقف جنب ريم بيهديها ومستني الدكتور ييجي يطمنهم..
حسام مش قادر يستنى وقلقان وهيتجن..لغاية لما الدكتور طلع من اوضة الكشف..
حسام جري عليه وبص الاول على امل اللي نايمة والممرضة بتديها حقنة وبقلق وبيسند جسمه اللي بيترعش على الباب وسأل الدكتور:هي عاملة ايه دلوقتي؟.
ارجوك طمني..
الدكتور ابتسم:اطمن يا استاذ..الآنسة كويسة..
حسام بلهفة:بس هي لسة ما فاقتش؟
الدكتور وهو بيحط ايده على في جيب البالطو : اطمن..هي بس واخدة منوم عشان اعصابها تستريح من اثر الصدمة والظاهر انها كان عليها ضغط نفسي جامد مسبب لها انهيار عصبي.
ريم مسكت دراع حسام:خلاص يا حسام اطمن عليها..شكرا يا دكتور.
عمرو مبتسم بعد ما دمه هرب ليكون السبب انها يحصلها حاجة: خلاص يا معلم..هي كويسة دلوقتي والحمد لله.
حسام قعد على اول كرسي يريح دماغه قبل ما ينهار هو كمان..
ريم بتكلم عمرو بهمس: فاهمني بقى..
في ايه؟
عمرو بهدوء:استني شوية..كمان 3 ساعات بس.
ريم بعد ما ربعت ايديها ومستغربة:
اشمعنى؟
عمرو مبتسم :الصبر شوية يا لمضة.
ريم بغيظ طفولي: ماشي..كله بحسابه في الآخر.
.........
ام امل وهي مخضوضة وبتجري: بنتي حبيبتي..ايه اخبارها يا حسام.
