باب اوضة امل في المستشفى خبط ودخل واحد ومعاه شنطة سفر كبيرة.
أحمد الحديدي(ابو حسام):السلام عليكم.
الكل :وعليكم السلام
حسام وريم مستغربين: بابا ؟!!..الحمد لله على السلامة..انت جيت امتى؟
وعرفت منين ان احنا في المستشفى
دي؟
عمرو راح عنده وسلم عليه:ازيك يا عمي..الحمد الله على السلامة.
ابو حسام وهو بيسيب الشنطة على جنب وبيسلم على عمرو ويخبط على كتفه : الله يسلمكم..ازيك يابني..
وبراحة شوية عليا آخد نفسي..
وراح لامل على السرير:الاول الحمد لله على سلامتك يا امل.
امل بكسوف:الله يسلمك يا عمي.
ابو حسام وهو بيبص لهم كلهم: انا جاي عشان اشوف مين اللي جابني على ملا وشي من دبي لهنا..رغم اني ماكنتش لاقي حجز..هو اتصرف وحجز لي درجة اولي وعلى طيارة النهاردة..
-ومسك ودن عمرو.
عمرو وودنه لسة ابو حسام ماسكها:
في ايه يا عمي..ده انت حبيبي..ده انا حتى دكتور والله.
والكل ضحك .......
ابو حسام :جاي اشوف عريس بنتي عندك مانع.
عمرو حضنه:لا طبعا..ربنا يكرمك.. يعني حضرتك موافق..خلاص على بركة الله خطوبة وكتب كتاب الخميس الجاي..
ابو حسام قاطع كلامه:اييييه..براحة يا بني.
حسام بسرعة:لا يا بابا..وانا كمان.
ابو حسام ضحك وراح لامل ومسك ايدها وباس راسها : استنى لما نطمن على عروسة ابني اللي بقت زي القمر دي.
حسام :بابا..من غير معاكسة..موافق ولا ايه؟
ابو حسام ضحك:في ايه يا ولاد ؟..
يا ام حسام وست ام امل ايه رايك؟
ام حسام بفرحة:رأيي؟!!.. اخاف اقوله في المستشفى اصحي كل العيانين بالزغاريط انا وام امل.
امل ما شاء الله عليها كاملة ومن بيت يشرف وكفاية انها تربية صاحبة عمري.
ودكتور عمرو ربنا يبارك فيه زينة شباب الحتة كلها.
ابو حسام بيفكر وهو بيبص على عمرو وحسام اللي اعصابهم باظت:يبقى نعمل خطوبة الاول كده ولازم البنات تطلب في بيوتها مش في المستشفى.
حسام بزعل :طب ننزل من هنا كلنا نجيب الشبكة.
عمرو بسرعة :معاك يا سحس..
وهما الاتنين:ربنا يكرمك توافق..
ابو حسام بضحك وفرحة:ماشي..
امل وريم حضنوا بعض وهما فرحانين وخصوصا ان الفرح هيملى قلوبهم ومحدش ظلم حد.
...........
بعد الخروج من المستشفى راحوا الاول يتغدوا في مطعم الفيروز اللي حسام بيحبه وقعدوا على 3 طرابيزات...
حسام وامل على طربيزة حسام اللي كان متعود يقعد عليها لوحده..
عمرو وريم على طربيزة جنبهم..
ام امل وام حسام وابو حسام في طربيزة تالتة.
ونبتدي بكلام الكبار..
.........
طربيزة 3:
.........
ابو حسام : الحمد لله..انا كنت عايز اطمن على حسام..اللي كان على طول سرحان..وكل لما افاتحه في انه آن الاوان يتجوز يتهرب مني..
حسام اصله كتوم اوي ومابيعرفش يتكلم ويعبر عن االي جواه..
بس ما شاء الله عليها امل عرفت تنطق الحجر..
وكمان عمرو قرص ودنه جامد باللي عمله و خلاه يتشجع ويتكلم بقى..
بس بصراحة الواد عمرو ده حكاية..
اتصل بيا وكلمني بلباقة كده واقناع..
انا لغاية دلوقتي مش مصدق انا وافقته ونزلت مصر ازاي.
