وهم خارجين من المطعم حسام جاله تليفون..
حسام بيرد : ألو..أيوة أنا حضرتك-وابتسم -طيب متشكر اوي..هكون عند حضرتك الصبح..الساعة 8 باذن الله..مع السلامة.
حسام مسك ايد امل وباسها ادام الكل وابتسم : انتي وش الخير عليا..
انتي كل حاجة حلوة في حياتي كلها.
عمرو باستغراب : ما أنت أهو بتعرف تتكلم ..أومال مش عارف اتكلم وعلمني ايه بس..دأنت جبت من الآخر.. أنا لسة ماوصلتش للاسكور ده..
حسام بيضحك ويخمس في وشه: ايه يابني القر ده..مش تباركوا لي الاول.
ام حسام بلهفة:خير يابني.
حسام مبتسم:بصي يا ماما..بصي يا أمل يا وش السعد..أنا اتقبلت في شركة بترول كبيرة كنت مقدم شغل فيها من فترة وكنت فقدت الامل- وبص لامل اللي ايديها لسة في ايده- بس الامل رجع مع امل.
عمرو وريم مع بعض:تيراراراه تيرارارا.
والكل ضحك وباركوا لحسام..
وراحوا اشتروا الشبكة ومارضوش يروحوا او يخرجوا من المحل غير لما لبسوا الدبل
اما الشبكة ففيوم الحفلة بقى.
........
وبعد سنين:
..........
ندى بتتنطط : ماما ..ماما..
انا لايحة الحب مع زومة عند حمو حمل وطنط ليم.
امل وهي بتشيلها وتبوسها وتنزلها تاني: ماشي يا ندى..بس ما تتأخريش.
حسام وهو بيضحك وبيحضن امل : انت هتخلي بنتك اللي زي القمر دي بعيونها اللي شبه عيونك دي تروح تلعب مع حازم ابن عمرو و ريم ده.
امل بتضحك :طب وفيها ايه؟
حسام بيسند راسه على راسها :كده حكاية امل وحسام هتتكرر تاني.
امل بدلع : وفيها ايه..تتكرر تاني وتاني..زومة ده زي العسل ..
وكفاية انه بيحب العسل الاسود والابيض والزيتون الاخضر كمان.
تمت.
