The Sweetiest Lie (Sa aking Puso) [Completed]

The Sweetiest Lie - Chapter Six

" THE SWEETIEST LIE " 

[ Sa aking Puso ] 

By : "Ms. Alejos" 

IKA-ANIM NA KABANATA

HERSHEY POV's 

HALOS mabitawan ni Hershey ang hawak nyang baso. Hindi nya kase napansin ang Ginang na nasa pintuan na pala eto nang kusina. 

"Napakaraming katulong dito bakit dika tumawag nang isa sa kanila.." wika ni Mrs. Forbes.. 

"Ha_ eh_ kuwan ho kase, magaan lang naman eto kaya ako na ang kumuha.." kanda utal na tugon nya.. 

"Sa susunod kapag may kailangan ka tawagin mo sila! Kaya sila binabayaran para magsilbi oras na kailangan mo, kahit na ipapabot mo lang ang bag mo pwede, basta tawagin mo sila!" medyo mataas ang boses nang Ginang halatang hindi maganda ang mood nito. Marahil dala nang nakita nya kaninang enkwentro nang mag-ina.. 

"O_oho.." matipid nyang tugon.. 

Matapos na pagsabihan nang Ginang tinalikuran at iniwan din sya agad nitu. Hindi nya alam pero pakiramdam nya may kinalaman sya sa pagtatalo nang mag-ina. Dahil masakit ang kanyang ulo di nalang nya pinansin si Mrs. Forbes at lumabas na sya ng kusina para makabalik sa sariling silid. Naihakbang na nya ang paa sa unang baitang nang mataas na hagdanan nang mapansin nyang nakaawang ang pintuan nang library. Dala ang kanyang baso na may laman nang tubig nagtungo sya doon. Lumapit sa pintuan at nang malapit na sya hinawakan nya ang seradura at dahan-dahang binuksan iyon, inikot nya ang kanyang mga mata ngunit wala syang nakitang tao, wala nadin si Hector doon. Napansin nya ang isang cabinet na bahagya pang nakabukas. Lumapit sya doon at tiningnan ang isang telang nakalabas pa sa pinid nang pintuan nang kabinet.. Dahan-dahan nyang binuksan iyon. Kinuha nya ang tela isang scarf iyon, scarf nang isang babae.. Nakita na nya ang scarf na iyon. Pamilyar sa kanya ang kulay nang scarf na iyon.. Iniisip nya kung saan nya nakita at sino ang may-ari noon.. Nang mapansin nya ang magkakapatong na lumang album sa kabinet bubuksan na nya iyon nang, makarinig sya nang yabag na papalapit. Dali-dali nyang binalik ang scarf at isinara ang kabinet na nandoon. 

Agad syang lumabas nang library, nagmatyag at tuluyang umakyat nang hagdanan patungo sa kanyang silid.. Nasa gitna na sya nang hagdanan nang... 

"Pinuntahan kita sa silid mo, wala ka dun kaya hinanap kita.." wika ni Hector na nasa likuran nya. Sa pagkagulat ni Hershey nabitawan nya ang baso na may lamang tubig.. 

"Kumuha ako nang tubig sa kusina.." pormal nyang sagot, ewan pero halos nag-uunahan ang pagtalbog nang kanyang puso.. Akmang pupulutin ni Hershey ang bobog nang baso, nang bawalin naman sya ni Hector.. 

"Maraming kasambahay dito hayaan mo na yan, halika na ihahatid kita sa kwarto mo para makapagpahinga.." pormal namang sabi nang lalaki.. Inakbayan pa sya ni Hector.. 

Ewan pero hindi sya kampante may kung anong kakaiba syang nararamdaman mula sa kanyang panaginip, sa nakita nya sa kabinet. Ang lalaki na may hawak nang piano, ang scarf na nakita nya.. Alam nyang pamilyar sa kanya yun di lang nya matandaan kung kanino nya nakita ang scarf at bakit may scarf na hawak si Hector nang babae? Kailangan nyang makita ang mga lumang album na nasa kabinet baka makatulong sa kanya.. Sa dami nang kanyang iniisip nang mga oras na iyon ni hindi nya namalayan na nasa loob na sila nang kanyang silid..