الحب هو ان تعشق روحا سكنت روحك فما تعود قادر على أن تبعد عنها فكلما حاولت الابتعاد تصرخ روحك وتناديه
💖💖💖.
بعد مرور شهر على حياة ابطالنا فى هذا اليوم لم تذهب مها وحور وفجر إلى الجامعة كانت مها نائمة حين رن الهاتف
مها بصوت يظهر عليه النعاس :الو
حور :صباح الخير ليه نايمة
وفجر:قومى يا مها عشان ننزل بدل القعدة نتفسح نخرج اى حاجة
مها : والله مش عارفه أنا حاسه بتعب من كتر المذاكرة وعايزة انام
فجر وحور : بالله عليكى
وبعد الكثير والكثير من الذن
مها :موافقة
قامت مها من الفراش لكى تجهز
*******
قرر مراد أن يذهب إلى محمود قام مراد بطرق على الباب
سماح:فتحت الباب مراد ازيك عامل ايه
مراد :الحمد لله واذي حضرتك
سماح : الحمدلله بخير معلش يابنى نسيت اقولك اتفضل
مراد :ولا يهمك امال فين محمود
سماح :فى اوضته ادخله
مراد :دخل إلى محمود عامل ايه ياحودة
محمود : الحمدلله
مراد :مش بتنزل ليه الجامعة فى ايه مضايقك
محمود :جلس بجانب مراد لا يستطيع الكلام
مراد :نفس الموضوع صح
محمود :هز رأسه بنعم
مراد :طيب تعالى ننزل وسيبك اللى فات مات
محمود كان يريد بالفعل ذلك حتى ينسي ذلك الماضي ووافق محمود
********
فى شركة النجار
حمزة : اتفضل
داخل والد مها : ايوة استاذ مصطفى قالى أن حضرتك عايزنى
حمزة :ايوة الصراحة اناسمعت أن فيه صفقة لو حصلت هتنقل الشركة فى مكان تانى
محمد :ايوة حضرتك
حمزة : انا عارف ان القرية بتاعتنا بقالها كتير مش بتشتغل وبصراحة فيه واحدة من الاجانب بتاعت أخر صفقة حابه تروح وانا قولتلها ان هى فيه حاجات بتجهز فعاوزك تتواصل مع زين يبعت التجهيزات الجديدة عشان نجهز القرية وبعد كده لما تجهز قولى وانا هقول لحضرتك انا هعمل ايه بالظبط
محمد : تمام يا استاذ حمزة فى اى طلب تانى
حمزة : لا شكرا يا استاذ محمد
محمد :بعد اذنك
حمزة :اذنك معاك
********
أما بالنسبة لعاصم الدمنهوري ذهب إلى زوجته وطرق الباب
فتحت منار الباب
منار : حبيبى وحشتنى أوى كل ده تأخير
عاصم :معلش ياحبيبتى انتى عارفه انا شايل الشغل لوحدى
منار:خلاص سماح المرة ديه
عاصم :هنفضل واقفين كده كتير
منار :اوبس لا طبعا تعالى ندخل معاك حق
********
داخل السيارة عند محمود ومراد
رن تلفون مراد .امسك محمود الهاتف ورد
محمود : ايه يا بنى فينك من زمان وحشتنا
حمزة : محمود والله انت اكتر بس انت عارف شغل وجامعة وكده
محمود : الله يكون فى عونك بقولك انا ومراد نازلين لو فاضى تعالى معانا
حمزة : والله فكرة أنا فاضي هتروح فين
محمود :تصدق مش عارف .مراد احنا هروح فين
مراد : والله مش عارف تعالى نتقابل قدام النادى ونشوف
حمزة :طيب انا سمعت هاجى اقابلكم
محمود : سلام
حمزة :سلام
********
أما عند مها
مها :صباح الخير يا ماما
أمل :صباح الفل مش تسلمي على طنط بسمة
مها : والله ما أخدتش بالى ازيك عاملة ايه
طنط بسمة (ام خالد) الحمدلله والله يا مها وحشتنى أوى ربنا يعلم انا بحبك قد ايه
مها : والله وانا القلوب عند بعضها
أمل :انتى رايحة فين
مها :هنزل مع صحابي
أمل :طيب هتيجى امتى
مها: مش عارفه وسمعت صوت كلاكس عربية حور
مها :بعد اذنكم
الجميع :اذنك معاكى
مها: دخلت العربية
فجر:كل ده عشان تنزلى
مها:اصل طنط بسمة عندى فكنت بسلم عليها
حور : طب وعايزة ايه
مها:مش عارفه
فجر: شكله المرة ديه مش هتبقي زيارة عادية
مها :تيجى ذي ما تيجى
*********
فى بيت الدمنهوري
أحمد :يلا يا مها قومى وصلنا عند تيته يلا
مها :بجد هاه اخيراً هشوف عمو محمود وتيته وجدو(مها عندها ٦سنين فى سنة أولى وبتموت فى عمها )
سارة :يلا انزلى عشان نفاجئ تيته
نزلت مها ومشوا حتى وصلوا إلى المنزل
طرق احمد الباب
مها :جرت على جدتها وحشتيني موت
سماح :انتى اكتر حبيبتي
تعالوا ادخلوا
جلس احمد وسارة
أحمد :وحشتنى اووووى ياماما
سماح :وانت ياحبيبى
سارة :ماما انتى نسيتى سارة ولا ايه
سماح :وانا اقدر تعالى فى حضنى
مها :تيته فين عمو دورت عليه
سماح :عمو نزل ياحبيبتي
مها:بس هو وحشنى وعايزة اشوفه
سارة :استنى ياحبيبى لما يجي
مها :جلست بجانب جدتها دون أن تتكلم
سماح : متزعليش انا هرن على محمود واشوف هو فين واخلى السواق يوديكى عنده
مها :ميرسي يا تيته بحبك اوووووووي
أحمد : بصراحه ياماما هنقعد عندك فترة كده عشان انا وسارة قررنا نجيب بيبي وطبعا مش هنعرف نيجى اثناء حمل سارة
سماح بدموع فرح :البيت ينور ياحبيبى والله بقالى كتير مستنيه حفيد كمان
*******
وصلت مها وحور وفجر إلى النادى
فجر : أخيرا وصلنا
مها : الحمدلله والله ارفت من المذاكرة
أتى الجرسون :تشربوا حاجة
مها:انا عصير برتقال وهى (حور)عصير مانجو وهى (فجر)عصير جوافة
**********
أما عند محمود ومراد فقد وصلوا امام النادى ولكن حمزة اتأخر وقرروا أن يدخلوا واتصل محمود بحمزة وقالوا
*********
حور :يانهار
فجر ومها بصوا مكان ماتنظر حور
مها :فعلا يانهار
فجر:مش فاهمة حاجة
مها :صاحب العيون الزرقاء
فجر : هو ده بصراحه حاجة كده مش قادرة اوصف ولا التانى ايه وسامته ديه وتحسى كده من مشيته وشكله بعظمته ياربي مش قادره
مها :يا خرابي عليكى هتفضحينا
فجر:شايفة اللى معاه يا مها ذي فتى احلامك بالضبط
مها :نظرت فعلا فيه مواصفات كتير
حور :لا تستطيع أن تتكلم
مها:حور انتى يابت هياخد باله انتى عينك وقفت
حور :ها ااه نعم
فجر:ايه كل ده أهدى شوية
حور :بعدت نظرها عنه بصعوبة
********
أما عند مراد فقد وقف مكانه
محمود :مراد اتحرك يا بنى مالك
محمود:مراد أنت اتسمرت مكانك
فجر : الحقى الولد اتسمر مش بيتحرك شكلوا وقع هو كمان
محمود ضرب مراد على كتفه
مراد :اه حرام عليك فى ايه
محمود :لا مفيش الناس بس بتتفرج علينا وبعدين انت بتبص على مين
مراد :تعالى نقعد واقولك
جلس مراد ومحمود حتى رن موبايل محمود محمود :الو ياماما
سماح :انتى فين عشان مها عايزة تجيلك لسه جاية ونفسها تشوفك
محمود :فى النادى واغلق محمود الخط
محمود :يلا ما تحكى فى ايه
مراد :حكى لمحمود المقابلة بينه وبين تلك الفتاة
محمود :اه فهمت هى عجبتك يعنى
مراد : بصراحه مش عارف بس حابب اتعرف عليها
محمود :قولتلى طيب هتعمل ايه
مراد :لسه مش عارف
دخل حمزة ورأى البنات ذهب حمزة يسلم على مها وحور
حمزة :معقول الصدفة الحلوة ديه
قامت مها وحور وسلموا على حمزة
مها:فعلا صدفه حلوة جدا
حور :عندك حق يا مها عشان بالمرة يتعرف على فجر
مها :اه صحيح ديه فجر وبتكون من اعز اصدقاءنا وده حمزة صديق اول يوم جامعة
حمزة :اتشرفت بمعرفتك
فجر:انا اكتر
حمزة :بعد اذنكم ولو احتجتوا حاجة انا موجود على الترابيزة اللى هناك
كلهم فى صوت واحد :اذنك معاك
فجر : ماشاءالله عليكم من اول يوم عرفتوا شباب بسم الله ماشاء الله ورد وانا ما شوفتش لحد دلوقتي صرصور حتى
مها: هههههههههههه لا وكمان ده قعد على ترابيزة صاحب العيون الزرقاء
فجر: كمان دا انا لازم انتحر دلوقتي
مها وحور : هههههههههههه
فجر :بصوا انا هأخد حمزة وحور صاحب العيون الزرقاء ومها التانى صاحب العيون العسلية
مها وحور :يالهوى انتى لحقتى تلقطى عنيه
رن هاتف مها
مها :الو يا ماما
أمل :عايزة اقولك على حاجه
مها :قولى
أمل :................
مها: استغفرالله العظيم ياربي
أمل :في ايه يامها
مها :اقفلى دلوقتي ياماما لم اجى نتكلم
أمل :طيب
قفلت مها الهاتف وهى متعصبه جدا
حور وفجر : فى ايه
مها : ذي ما توقعتوا
*********
بتمنى الفصل يعجبكم وياريت كومنتات مشجعة كتير وڤوت كمان 💖💖😍😍
أنت تقرأ
وقد حكم الحب
Romansaرومانسي كوميدي تشويق يحكي أنه ذات يوم احب شاب ( يكره المال لا يؤسر الحب ) فتاة انجذب من البداية لاسمها لان هناك قصة حدثت معه و هو صغير تربطه بهذا الاسم و لكنه رفض الاعتراف بهذا الحب .
