#الكاتبةورودالخالدي
#كل_الدنيا_بعيونج
البارت4
طارق:::
قريت كل الرسائل ومن خلال الرسائل عرفت العينتين هم متزوج وعنده 3 اطفال وفوكاها دازلها صورهم وامها الغبية مصدكة انه يحبها والاكثر من هذا هي تصرف علية وماخذ منها مبالغ بين فترة وفترة مليونين تلاثة.. هههه هم متونس وهم يكرف فلوس منها بحياتي مشفت هيج مرة ثوله تسعى ورة غريزتها وممفكرة ابيتها ومستقبل بنتها وشرفها فكرت اذا ابدي اهددها هي بالصور ومقاطع الفديو احتمال تستجيب كم يوم وبعدين ترجع لهذا السافل واحتمال تتصرف غير تصرف لو تعوف البيت من خوفها وهذا راح يأثر ع رغد واني ما اريدها تتأذى لان واضح امها تحبه لهذا الحيوان وغاسل دماغها وتسوي كولشي ع مودةيعني لازم ابدي اهدده هو باعتبارة عندة مرة وجهال واكيد يخاف يتفلش بيته ويخسر جهاله المهم حفظت كل مقاطع الفديو والصور وارقام الموبايلات الى دازهن الها بالمحادثات ورحت اشتريت خط بدون مستمسكات وخابرته:
الووو
الوو تفضل
شلونه ابواحمد
الحمد لله لازغرا بيك بس مسامع صوتك كبل
هه انت متعرفني بس اني اعرفك زين.. اني من طرف منال ..
يامنال ما عرف احد بهالاسم؟
منال الزنكيلة متعرفها؟؟
لا ما اعرفها انت اكيد غلطان بالرقم..
لا مغلطان تحب ادزلك فديو انت وياها؟
شنو فديو اني وياها .. كلب ابن الكلب منو انت.. شنو ناصب عليه.
هههه ما كو نصاب ينصب على نصاب بس اني مهكر حسابك وحسابها افتح فيس هسه راح ادزلك فديو يعجبك.
فهو رأسا سد الخط وفتح حسابة لان صار عندي نشط طبعا اني سجلت المكالمة الي بيني وبينه ومن شفته نشط دزيتله مقطع فديو.. فهو رأسا اتصل بيه:
لك انت منو وشتريد بالضبط
ههه هسه تأكدت
لك شتريد ابن الكلب لك******
وبعد مخلص شتايم وفشاير كتله
ها خلصت بس انت متعرف اني شراح اسوي
شتسوي سوي
يعني عادي ادز الفديوات والصور لمرتك واهل مرتك يتونسون عليهن ها.. وادزهن لرجل منوله ولاهلها واهل رجلها هم يتونسون عليهن ومن يخلصون ونسه انشرهن ع يوتيوب وفيس بوك وكل مواقع التواصل خطية خلي الناس كولها تتونس قابل الونسه بس الك؟!!! وبعدين يصير كتلك وكتلها عمل شعبي!!
اوكف خلي نتفاهم انت عصبتني وخليتني افشر واغلط انت شتريد بالضبط يمكن نكدر نتفاهم؟
