#الكاتبةورودالخالدي
#كل_الدنيا_بعيونج
البارت8
رغد::
مرة ثانية يصدمني اول مرة فشلني وجرحني وكلي ما احبج وثاني مرة يعيرني بماما بعد ما اريد اشوفه لازم انساه وابعده عن تفكيري هو مد ايده عليه وضربني معتبرني طفلة ومحتاجة تأديب .. كولشي صدر منه بالفترة الاخيرة جرحني ودمر مشاعري ما اريد اتذكرة اريد انساه وانسه حبه وكولشي متعلق بيه كافي ذابه نفسي عليه وهو يتعزعز ويصيح عليه وضربني واني بابا نفسه بعمرة مماد ايده علية.. ثاني يوم طلعت لكيته منتظرني بالباب عفته واشرت للتكسي وصعدت ثالث يوم نفس الشي ورابع يوم هم.. بس مكلت البابا اني عفت الخط لان ادري بيه ميقبل بس كلت لماما اني بعد ما اروح ويه السايق مال الخط لان مابيه انتظرة كل يوم ومر كم يوم اشوفه يجي ويشوفني اعوفه واصعد تكسي مر اسبوع ع هالحال بعدين هو بعد ميجي ينتظرني لان تأكد اني ما اريد اصعد وياه ولان يوميه اخذ تكسي من يم باب بيتنا اكو ولد كم مرة شافني اوكف ووصلني بعدين كام كل يوم يجي بالتكسي ياخذني ومرة سألني كلي هذا بيتكم كتلة اي كلي شعجب ماعندج سايق مبينين حالتكم زينه كتلة بابا ميريد سايق .. بعدين سألني ع بابا شنو يشتغل جاوبته لانشفت اسئلته عادية
اخذلة يومين تلاثة يوصلني اخر مرة صعدت كعدت بالكشن الكدام لان كلي الكشن الورة بيه غراض باوعت لكيت اشياء مغطاية ابطانية عادي مشت السيارة ما احس الاو احد من وراية سد حلكي بعدن خله قماش ع خشمي وغبت عن الدنيا.. ما اعرف شكد بقيت غايبة عن الدنيا كعدت لكيت نفسي بغرفة مسدوة شامريني بالكاع بس الغرفة بيها كلوب ضعيف وبابها حديد مسدودة متت من الخوف بجيت وصرخت وادك ع الباب
فتحولي الباب .. فتحولي الباب
ورة شويه انفتحت الباب دخل السايق ويا واحد ثاني الثاني اجه عليه ضربني راشديات ودفعني وكام يفشر عليه ويكولي
ما اريد اسمع صوتج اذا اسمعج تصيحين لو تعيطين ادفنج هنا
خفت منه رجع سد الباب وطلع هو والسايق ردت احجي وياهم مخلوني بقيت وحدي افرفح وابجي هذوله اكيد خطفوني بس شراح يسون بيه هذا الولد الي ويه السايق يخوف كمت ادعي لربي يخلصني اشهك وابجي بصوت ناصي حتى ميسمعوني ويجون يضربوني بعد..
طارق جنت موكف السيارة يم باب بيتنا شفت سيارة ابو رغد وكفت يم بابنا مدري شلون اندل البيت.. اني هم تلكيته:
خير عمي ابو رغد خو ماكو شي؟
تعتال بسيارتي نسولف؟
صعدت كعدت يمه وجهه مخطوف كلي:
موخير ابني ام رغد كالتلي بنتي صارلها فترة متروح وياك بالخط؟
اي عمي صحيح بس اذا تريد ترجع عادي بعده مكانها موجود؟
