#الكاتبةورودالخالدي
#كل_الدنيا_بعيونج
البارت2
رغد:::وصلنا للبنات صعدت اكو بيهن اعرفهن شايفتهن بغير اقسام وفرحت من شفت نور صديقتي وياهن اول مشافتني صعدت كعدت يمي:
هلاووو رغد شعجب صاعدة ويه ابو الخط وين سيارتكم
شسوي بابا مصر اصعد ويه البنات بالخط
هاا اي احسن ع الاقل نشوفج ونسولف بالطريق.. بس البارحة انتي ممداومة
اي.. مداومت معجبني اجي؟
المهم سولفنا شوية ووصعدن بقية البنات وصلنا للكلية نزلنا مر اليوم الدراسي عادي وانتهى الدوام شفت البنات من بعيد صعدن سيارته فكرت خلي اتأخر شوية اشلع كلبه هذا الشايف نفسه شوفه دخلت الحمامات شغلت نفسي مشطت شعري افكر ياربي هذا السايق منو يشبه.. منو يشبه شكلة مو غريب.. عبالك شايقته قبل.. وتذكرت . اي يشبة هذا الممثل التركي بوراك الي يطلع بحريم السلطان اسمه بالي بيك..ههههه صدوك يشبهه بس ابد معنده اسلوب شلون جرني من جاكيتي وخوفني الا شوية جان ضربني.. وتذكرت شلون بقة يباوع بوجهي دقيقة وفجاة كال استعغر الله العظيم وهدني.. صدوك خفت منه بس ما اسمح له يفرض كلامة عليه بقيت عشر دقايق بالحمامات وطلعت الطلاب كولهم طالعين تقريبا.. وصلت للسيارة صعدت كعدت بالكشن الى ورة السايق كولهن صاعدات سمعت نور تكولي:
وين صرتي رغد صار ربع ساعة منتظريج
عادي واذا انتظرتوا وسكتت وكعدت عادي شفته جر نفس وحرك باليسارة ادري بيه ضايج ومدخن لان تأخرت بس اني متقصدة وصل البنات اني بيتي الابعد فبقيت بس اني بالسيارة وسمعته يكولي:
يعني الطلاب كولهم طلعو انتي ليش لطشتي جوه؟
شنو لطشتي جوه وانت شعليك.؟
اكولج انتي معندج شغل وعمل وادورين دلع وطلايب اني ما الي خلكج الف شغله عندي
اسم الله ع خلكك يابة وانت منو اصلا حتى ادور طلايب وياك تأخرت لان جنت بالحمام امشط
اي عيني وانتي الا تمشطين ورة الدوام اسم الله عليج يمرت سستافر!!
مرت ستافر منو؟ والله اذا طلعت غلطة العب بيك طوبه!
ههههه متعرفيها مرت ستافر؟!
لاوالله ماحصلي الشرف!
هههه وج مرت ستافرهاي التطلع بافلام كارتون ام شعر الطويل الي تكول لزوجها: بظفائري الذهبية اخرجتك من السجن ياحبيبي
افلام كارتون مو.. الصبح تكولي زعطوطة اي هسه منو الزعطوط الي يتابع افلام كارتون!!
وتالي وياج هسه اجي انتف شعراتج خصلة خصلة حتى اسكتين؟
