#الكاتبةورودالخالدي
#كل_الدنيا_بعيونج
البارت7
طارق::
بعد اسبوعين صديقي ظافر اجه يعتذر مني يكولي بعد ما اكدر اوصل البنات لان ارتبطت بشغل جديد كتله عادي اضظريت اقلل من مرات العبرية مال كربلا حتى اكدر الصبح اخذ البنات للكلية وبأول يوم مريت ع رغد لكيتها واكفة خطية بس شافتني اجت ركض :
ص.. صباح الخير طارق
صباح النور رغودة
ها طارق راح توصلنا كل يوم مو؟
وج اصعدي وسولفي بالسيارة خو متظلين واكفة وتحجين؟
صعدت بالكشن اليمي خطيه اشوف عيونها الحلوات يلمعن ورموشها ترفرف ومبتسمة مبينه فرحانة بشوفتي اوف اني هم فرحان بشوفتها بس شبيدي ماكدر اعبر عن فرحتي مثلها اخاف تحس اني مهتم بيها وماخذة كلبي.اول مصعدت عادت سؤالها:
طارق حتوصلنا كل يوم مثل قبل مو؟
اي راح اوصلجن؟
اي الحمد لله
ابتسمت والتفتت ع الطريق سكتت شوية بعدين التفتت عليه :
طارق😍!!
ها رغودة كولي
طارق اني احبك
متفاجئت من كلامها جنت متوقع تجي تكولي اصلا من عيونها ادري بيها تحبني وشاغل بالها بس ماعندي جواب اي كلمة اكولها محسوبة عليه خصوصا اني ميت عليها وروحي رفرفت من سمعت كلمة احبك.. بس اذا اكولها اني هم احبج خطية راح تتعلق اكثر راح تحبني بالزايد .. واني اعرف حبنا ما اله مستقبل هي متحسب حساب الباجر واعرف اول مرة تحب لان قاريها ودارسها زين البكلبها ع السانها بنية مثل الالماس نقية متعرف اجذب ولا تمثل ولاتضم اي شي تحس بيه ! بس انسانه مثلها مشاعرها ترفة وشفافة اذا خليتها تتعلق بيه وبالمستقبل ماصرنا البعض راح تكون صدمتها جبيرة اذا ابوها عرف لو جبرنا نتعاوف واذا اني انجبرت ارضخ للامر الواقع واكولها يابنت الحلال شوفي طريقج اهلج مينطوج الي. راح اذبحها ذبح وتدمر دمارولهذا ملازم انطيها اي امل وملازم اخليها تتعلق بية اكثر شافتني ساكت واكمل طريقي سمعتها تكول:
طارق سمعتني شنو كلت؟
اي سمعتج رغد؟
اي والي كلته الك ميستحق ترد عليه؟
كلبي طك من القهر وكفت السيارة والتفتت عليها:
يعني شأرد شكولج رغد.. اكولج اني هم احبج..اصلا مو من حقي افكر بيج ولا احبج مو من حقي حتى احلم بيج مجرد حلم؟
ليش.. ليش طارق.. ؟
رجعت ليورة بالسيارة الى ان وصلت البابهم وكفت:
