#الكاتبةورودالخالدي
#كل_الدنيا_بعيونج
البارت5
رغد:::
ثاني يوم الصبح طلعت انتظرته الجو بارد حيل بس مضجت لان منتظرته اجه درت من جهة الجامة مال السايق ابتسمت كتلة:
صباح الخير
فهو هم ابتسم وكال:
هالله..هالله.. اليوم صباح الخير وياها ابتسامة شنو خاف بعدني نايم عند اهلي وحلمان؟
ههه لا عيني محلمان بطلت بعد ما اكولك صباح الخير!
لا يمعودة كولشي ولا تبطلين ع الاقل واحد يبدي يومه بشوفة هالابتسامة والغمازات الحلوة!
استحيت دنكت بعدين باوعتلة
اصعد بصفك؟
اي اصعدي بصفي ليش لا؟
درت مثل الجاهلة اركض صعدت كعدت يمة بس حركت السيارة سالته
طارق انت شلون خلصت الموضوع بهالسرعة احجيلي شنو سويت؟
اهوووو... موكتلج انتهى وخلص بعد احجيلي واحجيلي شنو لتلحين اني عندي طريقتي انتي الج الصافي لتسألين وتهتمين بالتفاصيل؟
وطلع موبايلي من جيبه:
هاج هذا موبايلج بعد ما احتاجة انطيني موبايلي!
فكرت بس اذا انطيته موبايله بعد شلون اشوف صورته فكتلة
هااا..لا..لا ما نطيك موبايلك اني اريده الي.
ضحك مستغرب فديت ضحكته ووجهه الجذاب:
هههه موكلتي البارحة ما اريدة هسه ليش ترديه؟؟
انت معليك اني اريده وبس
زين والخطوط ؟
جان افتح موبايله بسرعة واطلع الخط خليته براحة ايدي وكتله:
هذا خطك وانطيني خطي بس جهازك ما انطي!
جان يطبك ع صفحة ويطلع الخط من جهازي ويخلي بأيدي:
هذا خطج بس شنو السر ليش متنطيني موبايلي وتاخذين موبايلج الحلو.. وج موبايلي مجرقع ميفيدج!
هسه انت شعليك اني اريده وخلص انت مومتحب تحجي بالتفاصيل.. اني هم مااحب احجي بالتفاصيل..
هو صفن بعيوني مبتسم شلون ابتسامة تذوب الكلب بعدين رفع ايدة فاجأني لزم شفتي الجوه وكال:
اثنين ما اكدر عليهن عيونج.. ولسانج💋!!!!
استحيت كلبي كام يدوك هاي شلون حركة خلتني ارتبك وارجف بس بسرعة نزل ايدة وحرك مكدرت ارد بقيت مستحية الطريق كوله ساكته الى ان اخذنا بقية البنات ووصلنا للكلية
