#الكاتبةورودالخالدي
#كل_الدنيا_بعيونج
البارت6
طارق:::
رغد شكو جاية يعني انتي متفهمين الحجي موكتلج بعد لتجين ليش تعاندين ليش جيتي؟
خطيه هي مرتبكة متعرف شتحجي فكالت
طارق.. اني..جيت
قبل متكمل كلامهة سمعت ابو محمد جيرانه يكح بالحديقة مالتهم وهو حايط ع حايط فكرت اخاف يسمعنا جريتها من ايدها دخلتها للاستقبال حتى محد يسمعنا
اي احجي ليش جيتي؟
طارق جيت حتى اشوفك؟
تشوفيني؟؟
اي. اشوفك؟
بربج صدوك تحجين وهسه شفتيني شنو الي حصلتي يعني تخاطرين بسمعتج حتى تشوفيني هذا شلون حجي؟ واني منو حتى تجين مناك لهنا تشوفيني ؟
طارق شبيك ويايه ليش هالكد عصبي اني شمسوية حتى تعاملني هالشكل؟
ادنيت يمها هي تراجعت خافت :
عصبي لان تصرفاتج كولها غلط كولها ممحسوبه لج انتي متفكرين متعرفين الغلط من الصح شلون تجين ع بيت ولد غريب ..
ليش غلط احنا شمسوين جيت اشوفك واحجي وياك واروح؟
هسه بالله هاي شتحجي وياها ..؟؟!
انت خايف لا اختك تاخذ غير نظرة صيحها واني احاجيها؟
وج ياريت اختي هنا وج اني وحدي بالبيت انت متفكرين متكولين شلون اروح ع بيته ؟؟
هاي شبيك طارق ترة انت مكبر الموضوع؟
اووف انتظري خلي البس تراكي واوصلج؟
اوكف طارق بس شويه خلي احجي وياك ؟
شتحجين كل دقيقة تبقيها ابيتي غلط واكبر غلط لج المرة الفاتت جانت اختي موجودة هسه اني وحدي تعرفين يعني شنو وحدي؟
واذا وحدك قابل شحيصير احجي وياك واروح والله ما اتأخر!
راح تخبلني انت ماعندج اي فكرة انه كل واحد ينفرد بوحدة الشيطان يصير ثالهم ويضحك عليهم ويوكعهم بالغلط شنو من عقل عندج شدعوة هالكد فطيرة ؟
بس انت مو اي واحد .. انت طارق.. واعرفك زين ومستحيل الشيطان يضحك عليك ويوكعك بالغلط؟
واذا طارق واذا صخام قابل اني نبي خو مانبي؟؟؟ اني انسان حال حال هاي الناس
واحنا ممسوين شي غلط طارق جيت اسألك شوكت راح ترجع توصلنا؟ شوكت طارق صار هواية مشايفتك ضل بالي عليك والله .. انت تعرف شكد بجيت من طردتني المرة الفاتت ورغم هذا جيت مو لان ماعندي كرامة بس مكدرت اصبر اكثر حيل قلقت عليك وجيت اشوفك.. عفيه طارق الله عليك.. الله عليك لتطردني؟
