#الكاتبةورودالخالدي
#كل_الدنيا_بعيونج
البارت1
رغد::::
اسمي رغد24سنه طالبة كلية تربية المرحلة الاخيرة اسكن بغداد اني وحيدة اهلي واهلي حالتهم فوك الممتاز بس هذا ميعني انه اني سعيدة لان مدلله بالعكس جنت اتمنى اكون من عائلة عادية وعندي كومة اخوة واخوات بس هذا نصيبي من الدنيا ابقى وحيدةبابا عندة معامل مال تعليب ومخازن مواد غذائية وحبوب وشركة جلود بيتنا ضخم بس يشبه بيت الاشباح مبيه لا روح ولا حياة كل اسبوع تجي ام سامي مرة بسيطة تنظف البيت كوله وتروح واكلنا كوله من المطاعم لان ماما متطبخ ولا تحب تدخل المطبخ واني هم محد علمني اطبخ لهذا كل اكلنامن برة غرفتي بالطابق الثاني مليانه اشكال والوان وعندي غرفة بصفها بس للملابس والجنط والاحذية والاكسسوارات وماما هم نفس الشي بس ماما تحب تشتري ذهب اني ما احب اشتري ذهب ومصوغات ضخمة احب الاشياء الناعمة اهم شي النزاكة والترتيب وتناسق اللبس لهذا ملابسي كولها ماركة وغالية باباحيل يحبني ويخاف عليه من الهوه لان خلفني بعد صبر اكثر من12 سنه هو جان متزوج قبل ماما وزوجته السابقة بقه وياها 11سنه ومخلفت فانفصل عنها وتزوج ماما ولهذا بابا اكبر من ماما ب15 سنه تزوجها وعمرها 17 هي قبلت بي لان اهلها حالتهم ضعيفة وهو حيل زنكيل يعني زواج مصلحة بس بابا حيل حبها لماما لان هي شابة وزغيرة وحيل حلوة وهو جان عمره32بوكتها بس هي محبته عايشة ويا ع الدلال والفلوس وع الذهب خصوصا هو حول حياة اهلها من حال لحال ع مودها اول سنه زواج صارت حامل بيه بس من ولدتني شرطت ع بابا بعد متخلف غيري رغم بابا جان يريد هوايه اطفال بس ماما كلمتها جانت وحدة فمحب يضغط عليها بعد كم سنه ماما بدت تحس بالفرق بين عمرها وشبابها بين عمر بابا لان بابا سنه ع سنه يكبر وتبين بي ملامح الكبر لان يتعب هوايه بشغلة وحرصه ع فلوسه بس مجانت تبين اله انه هي ممتقبلته جانت بس تسايسه كدامة شكل ومن تروح يم خالاتي تكولهن صاير مثل العجوز وشعرة كوله شيب خصوصا بعد مكبرت وصار عمري24 سنه بديت افهم الي يصير واكول خطية بابا عايبش مخدوع ويه زوجه متحبة تحب بس فلوسه صح كبر وصح عمره صار 56 بس شنو ذنبه هي قبلت و مجبرها بعدين هي هم صار عمرها فوك الاربعين المفروض بعد متفكر بالعمر وتكول هو دللني ومقصر ويايه ويحبني بس للاسف ماما تفكيرها سطحي وتحس نفسها محرومة من سنين عمرها وجانت تتمنى تعيش شبابها ويه واحد بعمرها
بابا معنده وقت ياخذني للدوام فجان مخلي سايق بسيارتنا ياخذني ويرجعني للبيت بس مجان يثبت ع سايق واحد بين فتره وفترة يغير السايق ما اعرف ليش بداية هالسنه هم خله سايق جديد ياخذني ويرجعني للكليه بس هالمرة هذا السايق طلع ابن حرام وصلني اسبوع وراها اخذ سيارة بابا وانهزم بيها فبابا بعد مبلغ الشرطة ودوخة عرف هو بايعها بالشمال وراحت السيارة والسايق ماخذ الفلوس وشارد من العراق كوله.. فبابا بده يخاف ويقلق مو ع السيارة ضل يقلق عليه اسمعه يسولف ويه ماما يكولها:
