الحلقه التانيه
مشيت رنا بعد مافضلت واقفه اطتر من نص ساعه قدام الاوضه عشان تكمل يومها
وتعدى الايام على رنا كلها زى بعضها ياامه فى المستشفى أو فى الكليه او بتذاكر وكل يوم بردوه تقف قدام الاوضه المقفوله شويه وفى الاخر تمشى زى كل يوم
وفى يوم فى بيت رنا كانوا قاعدين على الغدا
كانوا كلهم متجمعين على الغدا ومصطفى كان موجود بس كان دايما مستعجل زى كل يوم يا تدوب
بيجى على الغدا ويجرى على شغله
كانت رنا بتحضر الاكل مع ايمان فى المطبخ
ايمان بترفض انى اى حد يطبخ غيرها او يحضر اى اكل لازم هى اللى تعمله بايدها وتجهز السفره كمان
كانت ايمان ورنا بيضحكوا فى المطبخ
مصطفى : ياله ياايمان عاوز اكل عشان انزل الشغل فين الاكل يابشر انا جعان انتوا بتجهزوا الغدا ولا بنهزروا وتضحكوا انا عصافيربطنى بتصوصوا ارحمونى يابشر
رنا : احنا بنجهزوه اهه براحه علينا شويه انت كل يوم تيجى مستعجل كده وتعملك هيصه خلاص ثواتى والاكل يكون جاهز
ايمان : الاكل اهوه ياريت تاكل بس زى الناس مش لقمتين وتجرى على الشغل كل على مهلك واحده واحده
مصطفى : اعمل ايه انا باجى الساعتين دول بالعافيه نفسى اكل وريح شويه مبلحقش نفسىاترمى على السرير اسبوع نوم متواصل محدش يصحينى خالص
المهم حضروا الغدا وقعدوا كلهم على السفرة رنا وايمان ومصطفى والتؤم ايمان فضلت تاكل فى العيال ومصطفى ورنا بيتكلموا مع بعض
مصطفى :عامله ايه يارنوش فى شغلك مرتاحه دكتور ابراهيم بيعاملك كويس
دكتور ابراهيم يبقى مدير المستشفى وكمان صديق ابوها ورنا ليها هى ومصطفى نص المستشفى بس حق الإدارة مع ابراهيم بعد وفاه والدهم
شربت شويه ميه من الكوبايه اللى قدمها
رنا : الحمد لله كله بخير ودكتور ابراهيم بيعاملنى زى بنته والمستشفى ماشيه كويس جدا بفضل ربنا وان شاء الله لما اخلص الرساله والدكتوراه هتفرغ لها تمام
مصطفى : طب كويس لو فى اى حاجه ابقى قوليلى
طمنيى عامله ايه فى المذكرة شدى حيلك خليكى تخلصى بقى
ابتسمت بمحبه....ان شاءالله يامصطفى ادعيلى انت بس
ربت على راسها بحنان.....بدعيلك ياحبيبتي يا رنا انتى مش بس اختى انتى بنتى اللى ربتها على ايدى واى حاجه بتفرحك بتفرحنى كمان
ايمان :مالك ياحببتى اكلتك مش عجبانى فى حاجه شغلاكى شيفاكى بتقلبى فى طبقك كتير
رنا : فعلا فى حاجه محيرانى اوى ومش عارفه اتصرف فيها ازاى ولا عارفه اخد فيها قرار واول مرة احس اني تايه كده
مصطفى لاحظ انى شرود اخته وسرحانها وقلت اكلها وحس انى فى مضايقها ومش مرتاحه
بصلها
مصطفى : خير يارنا انتى قلقتينى ياحببتى مالك وموضوع ايه اللي شغلك ومخليكي بالشكل ده متشته ومش عارفه تاخدى قرار فى ايه ياقلب اخوكى
اتنهدت بحزن وسابت الشوكه وسندت ضهرها على الكرسي
رنا : انا هقلك علشان تفكر معايا عندنا اوضه فى المستشفى فيها مريض ودائما مقفول عليه ومحدش يعرف عنه اى حاجه ولا مسموح لحد يدخله ولا يحاول يعالجه ابدا الا دكتور ابراهيم بس هو اللى مسموحله يدخل الاوضه ويعالج الحاله دى بس للاسف الحاله مفيش فيها اى تحسن نهائيّ
مصطفى : غريبه فعلا وبعدين كملى يارنا
بلعت ريقها وكملت كلامها
أنت تقرأ
أحببت مجنون
قصص عامةطبيبته الخاصة أنتشلته من الظلام لتعيده إلى الحياة تحدت الجميع وضعت مستقبلها على المحك
