أحببت مجنون

الحلقة الثالثة

الحلقه الثالثه
تروح رنا على بيتها وتدخل اوضتها من غير ما تكلم حد او ترمى السلام حتى ايما استغربت لما لقبتها ماشيه زى ماتكون رجل الى
تطلع رنا
تدخل الحمام وتاخد حمامها وهى عقلها مشغول بتفكر وترتب هتعمل ايه لدرجه انها مسمعتش ايمان وهى بتنادى عليها اخدت حمامها ولبست البرنس وطلعت قعدت قدام المرايا تنشف فى شعرها
لاحظت ايمان حالتها سابت العيال مع الدادة وطلبت منها تاخد بالها منهم وطلعت ورا رنا تعرف مالها
خبطت على الباب كتير مفيش رد فتحت الباب ودخلت كانت رنا لسه قاعدة  قدام المرايا بتسرح شعرها وسرحانه قعدت على طرف السرير مستغربه من حاله رنا فضلت بصلها شويه وبعدين ندت عليها
لحد مافاقت من شرودها......هاه بتقولى حاجه ياايمان معلش مخدتش بالى
ضحكت ايمان وراحت قربت وقعدت جمبها.....اللى واخد عقلك الجميل سرحان فى ايه من ساعه مادخلتى وانتى ولا انتى هنا مش معانا خالص نديت عليكى كتير مفيش ماشيه زى الروبروت ايه يابنتى فينك
رفعت رنا شعرها ديل حصان وقامت فتحت دولبها وطلعت ترنج ودخلت الحمام لبست وطلعت
واتنهدت بحيرة.......حقك عليا يالومى انا فعلا سرحانه ومش مركزة  خالص
ابتسمت ايمان بمخبه.....تعالى اقعدى واحكيلى مالك
ايه اللى شغلك وشاغل عقلك وبالك
طلعوا الفرنده وقعدوا.ورنا بدات تتكلم......النهاردة كلمت دكتور ابراهيم وعرفت حاله رامى
استغربت ايمان..... رامى مين
انتبهت رنا للاسم....رامى ده الحاله اللي في الاوضه
المقفوله ياستى وحكيته صعبه بس هحكيلكم لما يجى مصطفى بس  اقوللك دلوقتي كل اللى اقدر اقولهولك انى اتعرض لصدمه شديدة خلت انسان قعيد فقد النطق والحركة
وكل حاجه بقى مجرد جسد من غير روح
انا عدت عليا حالات كتير جدا بس اول مرة اشوف حاله زيه وان شاء الله من بكرة هبدأ العلاج معاه
ربتت على ايدها......ان شاءالله ياحبيبتى ربنا يوفقك ويجعل فى ايدك الشفا ياله بقا عشان نجهز الاكل اخوكى على وصول وهيعمل فرح لو ملقاش الاكل جاهز
ضحكوا الاتنين ونزلوا المطبخ سوا يجهزوا الاكل كان مصطفى لسه داخل ومن اول مادخل.....جعان جعان يابشر الغدا فين
بصوا لبعض وضحكوا.....شفتى مش قلتلك اخوكى هيعمل فرح كويس انى الغيال ناموا
مصطفى...... فى ايه مش مرتاح ليكم نتغدى الاول وبعدين نبقى نشوف حكايتكم ايه
جهزوا الاكل على السفرة واتجمعوا حوليه وبدات ايمان تغرف لهم الاكل فى الاطباق
   رنا وتقعد معاهم على السفرة من غير ماتتكلم  وزى كل مرة تقلب الاكل فى طبقها وهى سرحانه بس تاكل معلقتين وترجع تسرح تاتى اخوها اخد باله
مراته غمزتله وشاورتله بدماغها عشان يتكلم معاها
مصطفى : ايه يابنتى من ساعه ما قعدنا على السفرة وانتى سرحانه فى ايه  
ايه اللى شغلك كده
رنا بردة منتبهتش لكلام اخوها
رنا :_____
مصطفى : رنا ياحببتى رنا
رنا : _____
ايمان : يارنا رنوش هااا رنوووووووش
رنا : هاه فى حاجه
ايمان : اه فى حاجه فى بقالنا ساعه بنكلمك وانتى ولا انتى هنا سرحانه فى ملكوت تانى
رنا : ابدا بس بفكر فى الكلام اللى قالهولى د.ابراهيم عن الحاله اللى قلتلكم امبارح
مصطفى : قال لك ايه احكيلى ياحببتى
حكت رنا لاخوها ومراته على رامى وعلى حالته
وازى وصل ليها وانها كمان مش مصدقه ولا مستوعبه موضوع القتل خالص
مصطفى : لا حوله ولا قوة الا بالله يعنى هو اتجنن بعد ماقتلهم ولا كان مجنون ولا ايه اللى حصله
رنا : انا بصراحه مش مصدقه موضوع القتل ده
وكل اللى قلهولى دكتور ابراهيم انه كان طبيعى  جدا
والقتل هو اللى وصله للصدمه دى
ايمان : ليه يا رنا مش بتقولى عمه شافه وهو بيقتل
رنا : لا عمه بيقول أنه دخل عليه بعد ماقتلهم يعنى كلام عمه هو الدليل الوحيد على القتل
وبعدين عمه رافض انى اى دكتور يعالجه
ده غير انى هو الوصى عليه  بما أنه فاقد الاهليه عليه وكل فلوسه وامتلاكه تحت ايد عمه
مصطفى : انتى عايزه توصلى لايه يا رنا بلاش تدخلى نفسك فى حوارات
رنا : ولا حاجه انا عايزه اساعده  وبس عشان كده هبدا بكرة مشوار علاجه بس انا ليا طلب عند بماانك ضابظ وكده يعنى ممكن تساعدنى باى معلومات تقدر تساعدنى
مصطفى غمز بعينه.... ماشى ياست رنا هشوف هقدر اعمل ايه واوصل لايه واقولك
باست اخوها من خده.....شكرا شكرا ياابيه
ايمان : بصراحه  انا كمان مش مقتنعه بالكلام ده
عمتا ربنا يوفقك وتقدرى ترجعيه بنى ادم جديد
رنا : يارب ياايمان عن اذنكم بقى انا هدخل اذاكر
شويه لحد مااتعبت وحاول انام شويه
قامت رنا وقام مصطفى وايمان وطلعوا يقعدوا فى الجنينه لحد ماام سعيد تجبله القهوه وتنضف السفرة

دخلت رنا وسابت  ايمان ومصطفى قاعدين
مصطفى : هو انتى ليه حلوة اوى الليله ديه
ايمان : ههههه مكنتش اعرف انى الضباط بيعرفوا يقولوا كلام حلو كده عمتا انا طول عمري حلوة بس انت اللى مش واخد بالك
مصطفى : هما العيال ناموا ولا لسه. 
ايمان : اه ناموا من بدرى
مصطفى : طب متقولى كده
قام مصطفى وراح شايل ايمان على أيديه
ايمان: انت بتعمل اختك تشوفنا
مصطفى :  ماتشوفنا هو احنا بنعمل حاجه عيب انتى مراتى حلالى وبعدين هقلك كلمه سر
دخل مصطفى اوضه نومه وحط ايمان على السرير وطفى النور
خليهم مع بعض شويه ونرجع لرنا في اوضتها
رنا مش عارفه تذاكر وحاسه انى فى حاجه بتحصل لها بس ايه هى مش عارفه حاسه بتعاطف كبير جدا ناحيه رامى فضلت تفكر كتير لحد ماتعبت والنوم غلبها
تانى يوم صحت ونزلت  فطرت وهى كلها تفاؤل وسعيدة انها هتبدا مشوار جديد خلصت فطار ونزلت تجرى على عربيتها وتجرى بيها على المستشفى

فى المستشفى علا بتكشف على المرضى وبتابع حالتهم النفسية والعصبية
تدخل رنا تسلم عليها وتستاذنها وتروح على مكتب د.ابراهيم تخبط وتستأذن انها تدخله
تدخل رنا المكتب وتقعد
د.ابراهيم : صباح الخير يا رنا مستعده
اخدت نفس طويل وطلعته بابتسامه
رنا : صباح النور يادكتور طبعا مستعده
د.ابراهيم : اوك ياله أعرفك عليه
قام د.ابراهيم واخد رنا معاه وراحوا على اوضه ٥٠٥ اللى فيها رامى
فتح الباب ودخلوا وقفت رنا شويه على باب تستجمع قواها لقيت
شاب فى عمر٢٨ ابيض الوجه ازرق العينين شعره بلون البنى البندقى يجلس على كرسى متحرك شاحب الوجه ينظر من الشرفه هزيل الجسم ضعيف البنيان يبدوا عليه اثار الصدمه والضعف والمرض
دخلت رنا ادمعه عينها عندما رأت هذا المنظر لكن اول ماشفته قلبها دق اوى وكان عايز يخرج من مكانه وبهدد بطوفان من الحب والحنان غمضت عينها وحطتيت ايدها على قلبها
وبلعت ريقها
رنا  : ياه انا ماكنتش متوقعه أنه هيكون فى الحاله ديه ابدا
د.ابراهيم : هو على  الحاله ديه من يوم ما دخل المستشفى
رنا : يعنى ايه مافيش تحسن خالص
د.ابراهيم : للاسف لا انا حاولت معاه بس زى ما انتى شايفه البركه فيكى انتى بقى تعملى اللى ماقدرتش عليه انا كلمت عمه واقنعته بالعافيه واتعهدت على مسؤليتى واستغلت نقطه انك شريكتى ومن حقكتعرفى عن حالته وبدعيلك انك تقدرى تعمل اللى مقدرتش عليه
ابتسمت رنا وعى من جواها سعيدة ومبسوطه
رنا : ان شاء الله
د. ابراهيم : انا هخرج وهوقف حارس برا اول ماتحبى تخرجى خبطى وهو هيفتحلك
رنا : اوك اتفضل حضرتك
طلع د. ابراهيم وترك رنا لوحدها فى الاوضه وقفت رنا قدام رامى وقعدت على كرسى قدامه
فضلت تتامله شويه لمحت نظرت حزن اتحفرت فى قلبها شافت مرارة ولوم مشفتهوش قبل كده
رنا : ازيك يا رامى انا د .رنا انا ان شاء الله هبدا معاك العلاج وان شاء الله تخف وتقوم تقف على رجلك تانى
كانت رنا عماله تتكلم ورامى زى ماهو على وضعه ولا كلام ولا حركه ولا حتى نظرة
رنا : أول حاجه نفتح الستائر علشان نور الشمس يدخل
فتحت رنا الستائر وفعلا الشمس دخلت ضربت الشمس في عين رامى 
فغمض عينه وفتحها شويه 
رنا : ايه رايك مش كده  احسن من النهارده هفضل معاك وهنبدا مشوار انا وأنت وان شاءالله هنوصل مع بعض لبر الامان  وبفضل ربنا سبحانه وتعالى هتخف وهتقوم وتقف على رجلك تانى
عارف انا راجعت ملفك وان شاء الله هتبقى احسن وهتقف على رجلك تانى انا بس نفسى تبقى سامعنى أو على الأقل تحس بيا
بس مش مهم الأهم دلوقتى انك تقوم بالسلامه
فضلت رنا تتكلم مع رامى وهو زى ماهو مفيش تغير
بس كلامها لمس حاجه جواه ضاعت واختقت من زمان
نور شمعه امل كانت انطفت