أحببت مجنون

الحلقة السادسة

الحلقه السادسه
بعد ماقفلت رنا التلفون مع منصور
ضحكت لما افتكرت شكل علا لما تعرف انى منصور كلمها خلصت النسكافيه بتاعها وراحت على اوضه رامى فتحت الباب و دخلت كانوا الممرضين خلصوا اول ما دخلت انصدمت وقفت مبلمه شويه بلعت ريقها وبصت لقيت انسان تانى رامى الأول شعره كان طويل ودقنه طويله ومش منظمه كانت ملامحه ضائعه بس دلوقتى لا دخلت رنا شافت رامى كان وسيم اوى ملامحه حلوه بس باين عليه الضعف والتعب بس مازال جذاب ووسيم قلبها دق بسرعة رهيبه كان عايز يخرج من مكانه
بس مازال رامى مكسور وحزين وباين عليه
قليه الحيله و كسره النفس
رنا : ماشاء الله بقى انسان جديد الله ينور عليكوا
يارجاله تسلم ايدكم
سعيد : شكرا ياد.رنا احنا ماعملناش حاجه احنا خلصنا وهنبتدى نعمل التمرينات
قربت رنا من رامى وكلمته بصوت واطى اوى عشان الممرضين
مايسمعوش
رنا : ماكنتش اعرف انك حلو اوى كده عارف انت لو فى كليه أو فى شغل كان البنات اتجننت واتهبلت عليك وكانوا جريوا ورا بعض عليك
أمرت رنا الممرضين أنهم يبدأوا فى عمل التمرينات وفضلت هى واقفه بتبص عليهم وتعدل عليها لما يغلطوا
شويه فضلت كده لحد اخر النهار
وبعد ماخلصوا
طلبت من الممرضين أنهم ينيمو ا رامى على السرير
د.رنا : كويس كده النهارده ياله نيموا لأنه تعب اوى النهارده وانتوا كمان تعبتوا معانا
محمد : حاضر ياد.رنا بس هو احنا ليه بنعمل التمرين ديه
د.رنا : بص يا محمد رامى بقاله سنين كده عضلات كلها متيبسه ان شاء الله لما يبدأ يستجيب هتبدا تمشى شويه عشان كده لازم التمرين ديه هتساعده العضلات تبقى اشد واقوى من الاول المهم من بكرة بدرى تكونوا هنا انا مش هعرف أجى بدرى بكرة انا هناقش الرساله بتاعتى واكيد هاجى متأخر خدوا بالكم منه
وحاولوا تاكلوا ومتنسوش التمارين
واه اتعاملوا براحه بلاش الطريقه اللى انتوا عرفنها
سعيد : متقلقيش يادكتور ومبروك مقدماً وان شاء الله هنشرب شربات الرساله
رنا : يارب ان شاء الله خير دعواتكم
خلصوا وطلعوا كلهم وقفلوا الباب ورنا زى مايكون مش عايزه تسيبه خالص
قعدت على كرسى قدامه وشها احمر من الخجل لما حست انى عينه متابعها
بدأت تتكلم معاه
عارف شعرك ودقنك كانوا مخبين ملامحك طيبه قلبك باين عليك بس مقدرتش تغطى على حزن ملامحك المسيطرة على عينك نفسى تتكلم وتحكى وتطلع كل اللى فى قلبك زى ماانا بتكلم واطلع كل اللى قلبى
مسحت دمعه هربت منها وقامت وقفت عارف انا بكرة يوم مهم جدا فى حياتى بكرة هناقش رسالتى
واحقق حلمى مش عارفه ليه خايفه
انا اتاخرت ولازم اروح عشان استعد لبكرة
روحت رنا ودخلت سلمت على اخوها وايمان
وقعدت معاهم
رنا : السلامه عليكم ورحمه الله وبركاته
مصطفى : وعليكم السلام ياحببتى عامله ايه
رنا : الحمد لله بخير ياابيه
ايمان : احضرلك العشا ياحببتى شكلك ماكلتيش حاجه خالص
رنا : لا ماليش نفس انا هدخل ارتاح جوه انتوا عارفين هناقش الرساله بكرة ومحتاجه اراجع كلام حاجه وحاول انام بدرى عشان ابقى فايقه الصبح عن اذنكم
ابمان.... طب انا هعملك شويه سندوتشات وشاى باللبن واجبهملك معايا اطلعى خدى حمامك وغيرى هدومك وريحى على ماجهز السندوتشات واجى ورامى
هزت راسها بالموافقه وطلعت على اوضتها
دخلت رنا اوضتها حطت شنطتها وحاجاتها على المكتب واتنهدت بتعب و دخلت على الحمام تاخد حمام دافى
وفى الوقت ده مصطفى وايمان كانوا بيتكلموا
مصطفى : أحوالها مش عجبانى خالص من يوم ماعرفت رامى وهى اتشقلب حالها
ايمان : عندك حق انا كمان ملاحظه كده
مصطفى : مونمون حبيبى ممكن تدخللها الاكل
ايمان : حاضر ياحبيبى
مصطفى : ربنا يخليكى ليا وميحرمنيش منك ابدا
وراح باس ايديها وهى مسحت على وشه بايديها
مصطفى : خدى بالك منها
مطت شفايفعا بغضب مصتنع..
ايمان : جرا ايه ياحبيبى انت هتوصينى على اختى ولا ايه
مصطفى: لا ياقلبى انا عارف انتى بتحبيها قد ايه
ومتتاخريش عشان احم نكمل موضوع الصبح
قامت ايمان وعملت لها شويه سندوتشات وشاى بالبن كانت خرجت رنا من الحمام خبطت ايمان
ايمان : انا عملتلك حاجه خفيفه كده عشان تتعشى
رنا : ربنا يخليكى بس انا بجد ماليش نفس حاسه انى واكله خروف
ايمان : وبعدين مفيش حاجه اسمها ماليش نفس
انتى عندك يوم طويل بكرة ولازم تاكلى عشان تقدرى تقفى على رجلك
مالك يارنا انا اول مرة اشوفك كده
ضعيفه طول عمرك قويه وشجاعه
طلعى اللى فى قلبك ياحببتى عشان ترتاحى
اترمت رنا فى حضن ايمان وكانت منهاره وبتعيط جامد
ايمان : أهدى ياحببتى أهدى عشان خاطرى كل ده عشان رامى
انتى ......... اوعى تكونى فعلا بتحبيه
رنا وهى بتمسح دموعها
رنا : مش عارفه بس انا ببقى عايزه اشوفه اتكلم معاه مش عايزه اسيبه وامشى عايزة افضل معاه على طول قلبى بيوجعنى عليه لما بشوفه كده
ايمان : ياحببتى ده اسمه حب يارنا بس رامى انسان مش واعى يعنى ممكن يخف وممكن لا
وبعدين ده قاتل ياحببتى بلاش تتعلقى بحبال دايبه بلاش تدى نفسك امل في حاجه لسه فى علم الغيب
رنا : لا أن شاء الله هيخف وهيقف على رجليه من تانى وهو مظلوم وهيثبت براءته وهياخد حقه انا متاكده
ايمان : يارب بس ممكن تغسلى وشك دلوقتي وتيجى تاكلى انتى عندك يوم طويل بكرة
رنا : حاضر ياايمان
قامت رنا غسلت وشها وجت وبدأت تاكل غصب عنها وشربت الشاى طلعت ايمان
حاولت رنا تنام لكن النوم مجافيها مش قادره تنام التفكير هيدمر دماغها قامت دخلت الحمام اتوضت ولبست اسدال الصلاة وبدات تصلى قيام الليل خلصت صلاة وبقت تدغى من قلبها ودموعها سبقها
مسكت المصحف وقرات جزء من القرأن حست براحه نفسيه رهيبه ورضا
قلعت الاسدال وطلعت على السرير وغمضت
عنيها وراحت فى نوم عميق
قامت تانى يوم كان مصطفى وايمان واخدين اجازه عشان
رنا هتناقش رسالتها ولازم يكونوا جمبها يدعموها ويشجعوها
قامت اتوضت ولبست هدومها صليت فرضها ونزلت كانت ايمان بتجهز الفطار ومصطفى قاعد على السفرة مستنيها
......صباح الخير يارنووةش كل ده نوم
ابتسمت بمحبه...... صباح النور نمت كتير زى ما اكون بقالى كتير منمتش الحمد لله
وجهت ايمان كلمها لرنا وهى بتحط اخر طبق على السفرة.....صباح الورد باله اقعدى افطرى واشربى قهوتك
دورت رنا على التؤم...هما الولاد راحوا فين بدرى كده
ايمان..... الولاد عند ماما من امبارح اخويا جه اخدهم
قبل ما تيجى من المستشفى
اجازة بقى ياستى وخلصوا مدرسه وماما قالت تاخدهم يقعدو معاها كام يوم
ضيقت عينها بحزن..... كان نفسى اشوفهم وحشونى اوى
مصطفى..... خلصى رسالتك وخدى اجازة من شغلك وانا كمان ونطلع شرم او الغردقه كام يوم نغير جوا
ايمان فرحت اوى....بجد يا مصطفى ياه كلنا فعلا محتاجين الاجازة ديه ننبسط ونغير جو كلنا سوا مع بعض
قالت رنا وهى بترفع الشوكه على بقها..... لا متعملوش حسابى معاكوا فى الطلعه دى
انا مقدرش اسيب رامى اااق. اقصدى المستشفى
والخالات بتاعتى
بصلها بعينه بخبث..... المستشفى برده عمتا لما يجى وقتها الاول نبقى نشوف هنعمل ايه كملى فطارك دلوقتي عشان منتاخرش
خلصوا فطار وركبوا العربيه بتاعت مصطفى كلهم
وفعلا راحت رنا وناقشت الرساله ونجحت وحصلت على الدكتوراه وكانت مبسوطه اوى
اخدها اخوها فى حضنه وباس راسها
مصطفى : مبروووك يارنوش مبروووك ياقلب اخوكى يالى دايما رافعه راسى ومطوله رقبتى
رنا بسعادة بالغه وفرحه مليت قلبها.... الله يبارك فيك يا ابيه عقبال ماتشوف اياد وزياد يارب
مصطفى..... يارب ياخبتتى وهديتك محفوظة
تطلعى على توكيل العربيات وتختارى احلى عربيه جديدة زى ماوعدتك ياحبيبتي
باست ايد اخوها..... ربنا يخليك ليا يا ابيه وميحرمنيش منك ابدا
مصطفى.... هو انا عندى كمان رنا
ايمان : مبروك ياحببتى الف مبروك
رنا : الله يبارك فيكم انا فرحانه اوى
سلمت رنا على دكاترتها وزمايلها واخدهم مصطفى وعازمعم على الغدا برا
طلعوا واتغدوا واتفسحوا باقى اليوم وعدى مصطفى واصر ياخد الولاد من عند حماته يتفسحوا والولاد أصروا أنهم يروح
الملاهى وفعلا اخدهم مصطفى وقضوا يوم جميل جدا
فعلا رنا كانت محتاجه تفصل شويه وتفرح وتنبسط كانت بتجري فى الملاهى زى الاطفال بالظبط بتلعب وتلهوا معاهم والفرحه مليه قلبها هى كانت محتاجه ده عشان تعرف تفكر وكانوا مبسوطين جدا
وروحوا اخر اليوم هلكنين هيموتوا من التعب
كل واحد دخل اوضته اخد حمام واارمى على السرير ونام لحد تاتى يوم
تانى يوم قامت رنا ونزلت بدرى جدا قبل ماحد يصحا
راحت على المستشفى
دخلت مكتب د.ابراهيم سلمت عليه وبارك لها وطلعت قبلت علا اللى وقفتها هى كمان وباركت لها
علا : حببتى يارنوش مبروووك ياقلبى
رنا : الله يبارك فيكى شدى حيلك وانت تناقشى رسالتك بسرعه
علا : يارب يارنا ادعيلي قوليلى رامى أخباره ايه
رنا : مفيش جديد اهه ربنا معانا أما اروح اشوفه
وسابتها ومشيت راحت على اوضه رامى لقت الممرضين بيعملوا تمارين
رنا : صباح الخير ايه الاخبار النهارده
محمد : صباح النور يادكتور مبروك على الدكتوراه
رنا : متشكرة اوى
محمد : للاسف مش راضى يأكل مننا ورافض الاكل من امبارح
رنا : اوك انا هجرب معاه روحوا انتوا وانا هتابع معاه ولو فى حاجه هبعت ليكم
فتحت الستائر واكلت رامى الجيلى تانى وهو مرفضش الاكل منها بالعكس عينه كانت متعلقه بيها
جابت طبقى جيلى وبدات تتكلم معاه وتحكياه يومها امبارح كان عامل ازاى والفرحة اللى على وشها وهى بتحكى لمست قلبه من جوه وفضلت حوالى ثلاثة شهور كل يوم تعمل كده مع رامى
وفى يوم استجاب رامى للاكل وبقى بيبلع لوحده
بل بالعكس ده بفتح بقه وديه حاجه فرحتها اوى
وخلت الامل يكبر جواها جدا وفى يوم كانت بتتكلم مع محمد وسعيد
رنا : الحمدلله رامى بدا يبلع لوحده والمعده عنده بدأت تشتغل
سعيد : وده معناه ايه
رنا : ده معناه انى المخ بدأ يستجيب الحمد لله
عشان كده انا عايزاكم توقفوه وتبداوا تمشوه
محمد : بس يادكتور هو هيعرف يمشى
رنا : هو اساسا كان بيمشى والمشى حاجه مابتتنسيش
عشان كده هنبدا نخليه يمشى تمام كل يوم شويه وانا هحاول اتكلم مع دكتور ابراهيم انى نحاول ننزله الجنينه شويه فى الشمس والهوا
وفعلا قام محمد وسعيد ووقفوا بس هو طبعا أطرافه مرخيه خالص وبدأت رنا تحرك رجليه واحده واحده وفضلت كده فتره لحد ماحصل اللى ماكنتش متوقعه خالص ولا علمله حسابه

يا ترى ايه اللي هيحصل وهيشقلب الدنيا كلها
حولها