هلوووووو شلونكم
هذا كم سطر للحبابات الي گاعدات يحللن
واحب اوضح شي ..، القصه طويله واحداثها كثيره
وهدفها للي يسال عن الهدف هوه عن الجمال والنصيب
وترى بعدني بالبدايه
شكرا لمتابعتكم
—————
باوعلي بتركيز على كل جزء بيه من شعري للحذاء برجلي
وجهت نظري للزجاجه الاماميه واني انتظر يحجي
: ممكن اگول سهير ..، لو
بلا ميكمل .. رديت واني محتفظه بهدوئي واتزاني
: ممكن ماكو مشكله
ابتسم. واتنفس براحه ونزل ايد وحده عن الايسترين ... وهوه يستخدمه بشرح الي بداخله
: يمكن ماعندج وقت بس احب تسمعين قصه من عندي وبعدها تقررين
: قصه ! ياقصه هذي
جاوب وهو يتابع ايدي ترفع خصل شعري ... عينه تابعت اصابعي واني ارفع خصل شعري
وكانه يحب يطمئن على شعري بخصله ... ويشوف وين تحط
: طول عمري ابالي صورة لبنت
رسمتها بمخيلتي ... واتمنيت اصادفها بحياتي ..،
والحمد لله قبل ثمن ايام لگيتها
طالعه من زفه بيت جيرانا
لابسه فستان احمر بخطوط سوده ...وبنت جيرانه ... الي ماانتبهت عليها .. ولا عرفت اسمها الا قبل كم يوم
اندار عليه وسالني
: عرفتيها منو هذي البنيه ؟
بمكر انثى هزيت راسي
: لا
كمل حديثه
: انتي
ابتسم بخوف منتظر ردة فعلي واني ترتسم على وجهي ملامح الدهشه ... والاستغراب
وبلا مينتظر اكثر كمل
: رغم فرحتي لگيت اميرة احلامي ... صابتني الغصه واني اسمع من امي ان جهاد خاطبج من سنتين صحيح هذا الحجي ؟
ماانطاني مجال اجاوب ... وهو يعرض عليه عدم الاجابه كخيار
: قبل لاتجاوبين سؤالي احب اوضحلج كم نقطه من تجربتي بالحياه وعملي كرجل اعمال
لازم تعرفين قبل لا تاخذين اي قرار يخص حياتج ومستقبلج
هوه هالقرار شگد راح تخسرين وشگد راح تربحين
: ماافتهم قصدك شنو
أنت تقرأ
#للجميلات_حصراً
Romanceقصه اجتماعيه .. تدور احداثها بين بغداد عمان دنفر حقيقيه لنساء يروين تجاربهم مع الحظ والنصيب
