#للجميلات_حصراً

السلام  والحب عليكم
واحلى سهره وياكم

#للجميلات_حصراْ.  ٥
#زينب_الموسوي
#الخامس

سهير 

ثاني يوم عرسي... الصبح  طلعنا من الفندق لبيت اهله .. تلگتنا والدته .. ونسوان اثنين من اقاربه من اول شوفه الهم ماحبيتهم ولا حبوني .. اختصرت الكلام وياهم بكم كلمه  .. وگفت امامهن دقايق  حتى يشبعن فضولهن في ايجاد عيب ما...

وبعدها صعدت لغرفتي .. مازن متمدد على السرير .. اخذت استطلاع سريع بالغرفه .. لونها ابيض مع مرايا على ابواب الكنتور ...والسرير واسع بزخرفه محفوره بورد  ابيض
بعد دقايق نادت ام مازن
ونهض مازن  يلبي ندائها  .. نزلت بعده اسمع  حديثهم
لگيته يحجي بالتلفون مع والده .. الي ماحضر العرس وطلب يسلم عليه
اخذت السماعه .. وشغلت موهبة الدلع
: شلونك عمو 
: هلا بيج عمو  اعذريني مااجيت للعرس مشاغل كثيره
: الله يعينك عمو .. حرامات ردت اشوفك  واتشرف بمعرفتك

: بارك الله بيج بنتي  ان شاء الله شهر  وتجون الكويت  ونجتمع مع بعض
: ان شاء الله عمو .. واشكرك على الهديه  وصلتني ماقصرت

انهيت المكالمه  ..وطلعت احضر الجنط  للسفر  .. للشمال .. وهناك سمعت باسل  يمنع  ميسون  من السفر ويانا
اقتربت من باب الغرفه اسمعها تبجي وتتوسل يخليها تروح وهوه يجاوبها
: ميسون همه عرسان رايحين يتونسون انتي شعندج رايحه
عفتهم يسولفون .. ورجعت لغرفتي كملت شغلي وعلى الغدى اجتمعنا .، وخليت ابالي امنع روحة ميسون ويانا
گعدت هيه منفوخه وتريد تطگ  وبراطمها دافعتهن متر عن وجهها على اساس زعلانه ..ومتقبل تاكل
واشوف وجوهم  كلهم تريد تبجي لان الخاتون زعلانه
اكره شي يستفزني هوه ذني البنات المدللات ..
قطعت جلسه الصمت
وزعت قطع اللحم  وخليته بمواعينهم

وهمه عيونهم متوجهه على ميسون  منتظرين تتكرم عليهم وتمد ايدها للاكل .. لازم اخلي حد  وبهذي اللحظه

: صاير  شي ليش متاكلون ...

باوعوني وعلى وجهم الوجوم
بدوا ياكلون بلا واهس
شمرت الخاشوگه وردت اكوم استوقفني  مازن وباسل اثنينهم
: هاي وين مااكلتي
تركت الكرسي  ومتاكده مازن جاي ورايه ... اقتربت خطواته من الباب شمرت نفسي على السرير  ... ومخبيه وجهي بالفراش .. وابجي بصوت متقطع  مستعار
دخل وگعد يمي على السرير  يرفع الشعر عن وجهي  واني ازيد في الاختباء والبجي

: شبيج  سهير  منو مضايقج

واديه تمنع ايده يشوف وجهي حجيت بعصبيه

: هذا اول غدى اليه وياكم  والكل  حزين ومتكأب  .. على الاقل اعتبروني خطار  وجاملوني متريدوني اكل وياكم ومعتبريني مو من مستواكم  .. اكل بالمطبخ ...
بكل حزن واسف عليه رد