#للجميلات_حصراً

مقتطف من بارت يوم غدا  لعبون
الجميلات  السهرانات

.♥️♥️♥️♥️♥️♥️♥️♥️♥️
بگد خوفي عليه  ... ومشاعر الحب البينا  الصارت اكبر من هالعالم ... حاولت اهدي واشيل عنه ...
بللت اديه مي من الحنفيه وغسلت وجهه .. ومررت اصابعي
على خصل شعره المهمل 
ارتب بيهم  مثل ماتعود يرتبها هوه ..،
ظهرت ابتسامته  المخفيه بغيم حزنه . نزلت اصابعي على دموع  باطراف رموشه ... مسحتهم
سالني على حملي

: بعدج  تتوحمين 

: لا صرت احسن 
ثواني سوى  شالت خوفي ..، وشالت حزنه

طلعنا اثنينا لغرفة خالتي  .. دخلنا باسل وميسون يمها ويبجون

خطوتين خطاهن مازن داخل الغرفه
ونسمع صريخ نوريه ومرة عمه
جمدت بمكاني ...
مازن  اسرع يطلع .. لزمت طرف ردانه .. لكن مشيته كانت اسرع وخلفه باسل وخالتي
اني وميسون نرجف وتخبينا قريب الشباك
باوعنا الحديقه بيها رياجيل
شافونا سديت الشباك ونزلت البرده
اقتربنا من الباب ..، وفتحنا.
رياجيل اثنين يصيحون
:  خونه .. مندسين .. احرگ  ابائكم على اجدادكم

باسل  راد يستفسر منهم  ماسمعنا صوته شحجى وياهم
ضربه رجال ضخم اسمر راشدي
وگال ( جيبوهم ورايه )
طلع واقتربوا شباب من مازن وباسل ياخذونهم
امهم ذبت نفسها عليهم وهيه تبجي وتصيح

( احذوني اني .. اني السبيت اني الكسرت الصوره )
اني من الخوف  ماگدرت اتحرك
الرياجيل مالين البيت ..، واشكالهم مخيفه  ونظراتهم حاده  ويحملون مسدسات بالخصر