السلام عليكم
ان شاء الله تكونون بخير
♥️♥️♥️♥️♥️♥️♥️♥️
#للجميلات_حصراً ٢١
#زينب_الموسوي
ندى
مثل شجره وحاصرها الخريف
كل يوم تخسر غصن ويذبل عود
وتتساقط اوراقها
جهاد الخريف وكل يوم يدوس على فرحي
كل فرحه حولها غصه
بداخلي نار ومااعرف شلون اطفيها ... وبداخله شك .. يخفيه
بحركات ايده وهوه يشرح للدكتور وبايده تقارير قبل تلث اشهر
گاعده على الكرسي وانظره ..
وعلى طرف لساني سوال
ليش هالهوان ؟
يستخدم كلمات واشارات حتى يفهم الدكتور الي من جلستي
اليأسه من الحياة افتهم الوضع الي احنا بيه
: دكتور اني فقط اريد اتاكد اذا في خطا بالتحليل
وسكت باوعني .. وكمل
: اني مااشك بزوجتي .. فقط اريد اعيد التحليل
تمنيت اختفي من هذا العالم ... واسيل على الارض واجف للابد
من نظرني الدكتور وطلب منه يجلس بقربي
غمضت عيوني ماترغب تشوفه بعد .. جلس قلق واديه على اعلى رجليه واستمع للدكتور
: عزيزي جورج التحليل قبل تلث اشهر ..، ممكن بوقتها .. كنت بحاله نفسيه مضطربه .. او نوع غذائك اختلف ... او مستخدم ادويه تاثر .. او نقص بروتين
كل هذي عوامل تاثر ياعزيزي
التحليل هذا ممكن نتيجته تتغير بعد اسبوع مو تلث اشهر
قربه الدكتور. من جهاز الكمبيوتر الموجود في زاوية الغرفه ... وشرحله عن تحليل ثاني اجراه قبل ست اشهر
وظلوا بين سوال وجواب ...
: دكتور يعني . تحليل القديم يبين ماعندي ضعف
: ابدا وحتى التحليل الجديد كان بنسبه ضعف بسيطه
تنفس بحسره.. عيونه اجتي عليه ... ميعرف شيسووي
والدكتور كمل حديثه
: بامكانك تعيد التحليل باي وقت يعجبك
جاوب بخجل من نفسه
: دكتور زوجتي حامل فمااحتاج
التحليل
الدكتور سلم عليه وبارك اله واليه
قاطعتهم اني
: دكتور ممكن نعمل تحليل Dna نتاكد منو ابو الطفل
فقد سيطرته على نفسه
صاح بالعياده ( لا ماكو داعي اني مااشك بيج )
وتوجهت بكلامي اله وبالانگليزي
: اني مصره على التحليل ومااطلع منا الا ومسويه التحليل
انحرج من الدكتور
وطل منه يتركنا وهوه يشوفني ارجف وعصبيه
طلع الدكتور
گعد يمي يسولف
سديت اذاني باصابعي واردد جمله وحده واضرب الارض برجلي
: الا تحليل الا تحليل
وخر اصابعي حيل وصرخ باذني
: افتهمي .. مااشك بيج ردت اتاكد بس
: تتاكد من شنو. ناسي الحبوب الي تاخذها
جهاد اني تحملت هوايه وبعد خلص مابيه حيل اتحمل ... اعتقني من عذابك ... تعبت
وكارهه نفسي وحياتي
أنت تقرأ
#للجميلات_حصراً
Romanceقصه اجتماعيه .. تدور احداثها بين بغداد عمان دنفر حقيقيه لنساء يروين تجاربهم مع الحظ والنصيب
