ابن الشيخ واليتيمة
البارت الثاني
الكاتبة: سما حمد
....................👑
بشار : ياااحي الله ام ضرغام
ام ضرغام : حي الله نباك يعيني
على هونك يايمه علش مستَعَجل
بشار: لنو محارب جاي ايتانيني (دينتظرني)
ام ضرغام : وين تيدون
بشار : نفصل ثياب للعرس
ام ضرغام : يوم الي تفصلون ثياب عرسكم يبعد عيني
بشار : الله يبعدنه يبعد العين ونظرها
شيماء : عجل يمه خلنه نحدر وياهم تا نشتري اثياب النه
ام ضرغام : طريجهم غير طريججن وانتن حدرن ويه هناء تخيرن (اختارن)على كيفجن واشترن
بسمه : وحگ هو الله يلو اعرف البس ثوب الخبر بالعرس ماحدر ويه هناء
ام ضرغام : الله يگصف راسج علش ولج 😳
بسمه : يمه يعيني بنتج ماينطلع وياها
شيماء : يمه يبعد عيني اني سمعت نغم تيد تحدر هي وتيسير مرت علي خلنه نحدر سوه اخير النه من هناء
ام ضرغام : ايييي نغم ترافجنها لنو مثلجن وتنطيجن على مايجن
بسمه : يحبيبه هاذ عرس عجل تيدينه نلبس مسحول
ام ضرغام : يمصگعات ليش آٌني اگدرلجن لاوالله ابد
بسمه وشيماء: هههههههههه يبعد عيني يايمه عسى الله ايحفظج
شيماء : اگول يمه جديتي ارهوج تجي؟
ام ضرغام : عجل شلون
عرس بدون عمتي ارهوج مايتم
بسمه : انتي ماميته على جديتي ارهوج
شيماء: يولي صارلي حول (سنه)ماشايفه رفيجتي
بسمه: گومي گومي موحجيناج
يله خلنه نلملم ويه مايده وعگب انتهير تانحدر للسوگ
مايده: عجل يعمه ارخصيلي احدر ويه البنوات
ام ضرغام : ماتمنعج غير روحج يايمه
مايده : عسى الله يطول بعمرج
ام ضرغام :اگول يايمه عجل ويلادج منهو يشتريلهم
مايده: حدرو ويه عمهم عدنان ليله المضت واشترالهم
ام ضرغام : يبعد عيني شحلاتهم يگضون شغلتهم سكتاوي
عين الله اتحفظهم وتحرسهم
مايده : آمين
يعمه فديوه (فدوه)انخيلي (ادعيلي) الله يرزقني ببنيه
ام ضرغام : ان شاءالله يايمه ينطيج لمايرضيج
شيماء: يبعد عيني اذا خلصت دعاويجن
امشي انتي تهيري دانحدرانتسوگ
مايده: هههههه شيسكتج بعد
بسمه: مايده دزي مزاحم على عمتو نغم خلو يعلمها نحدر وياها داتانينه
مايده : تدللي بس اگصري حسج يولي تراج شهرتينه
بشار : يول محارب تعال جاي
محارب : شجرالك تزگح بيه و وجهك ايتلامع
بشار : اگول هاذ مو ابن عبطان الي جان امحبوس
محارب : اي هو
يگولون سوء فهم وطلعو
بشار : خلوو يولي هالعار هاذ
يول بعيني هاي شفتو شلون حدر على بيت عمو شنهو اجذب عيوني
محارب : يگولون يحب بنت عمو وعمو ماراضي ينطي مره وحدر تايتفاهم وياهم ومتكاونين
بشار : يالنجررر والي يريد ايتفاهم ايحدر من السطووح
محارب : على گولتك خلووو يولي بالتالي انطو المره وراح ايتجوزون
بشار : سود الله وجوهم
عجل علش شهرو ارواحهم
محارب : تيد تصير يبعد اخوك
بشار : تــعال جاي خلو ينگلع يله نفوت ماريد اوايج (اباوع)بخلقتو
محارب : عجل خلنه نگعد بهالگهوه نشرب جاي
بشار : اي والله يرادلي استكان جاي يعدل المزاج
أنت تقرأ
ابن الشيخ واليتيمة
Romanceمساء الخير اجيتكم بقصة حلوة وغريبة للكاتبه سما حمد كل تصرف يصدر منا هو عباره عن رده فعل لصفعه تلقيناها من شخص قريب وعزيز على قلبنا لانه لو لم يكن ذلك الشخص عزيزآ لما صدر منا هكذا تصرف ، وقبل ان ابد بسرد احداث قصتي يجب ان اُلفت انظاركم لشيء سبق وتحد...
